Icipandwa 6
1
''Iseni, aleni tubwelele kuli Yahweh. Pantu alitunsantawile, lelo akatuposha; ali tucenawile, lelo akakakililila ifilonda fyesu.
2
Panuma ya nshiku shibili akatulenga abamweo; akatwimya mu bushiku bwalenga shitatu, kabili tukekala ku cinso cakwe.
3
Aleni tumwishibe Yahweh; aleni tufwaishe ukwishiba Yahweh. Ukwisa kwakwe ku kufuma kwa cishinka nga kumacaca; akesa kuli fwe nge mfula yakulekelesha, nge mfula ikomfumfumuka iikotapilila icalo.''
4
Efraimu, bushe findo nkacita kuli we? Yuda, findo nkacita kuli we? Icitemwiko cenu caaba nga makumbi ya lucelo, ngo mume uwanduluka bwangu.
5
Eico ndibaputawile mutumpimfya pali ba kasesema; Ndibepeye ku mashiwi yamu kanwa kandi. Ubupingushi bwenu buli nge nyali iyakisha.
6
Pantu nsansamukila mu cipangano cacishinka kabili temu malambo yakwa Lesa ukucila amalambo ya koca.
7
Pamofye nga Adamu balyonaula icipangano; tabali na cishinka kuli ne.
8
Gilead musumba wa abo abacita ifyabubi, nomo banyata mwabo mulopa.
9
Nge bumba lya fipondo umuntu, efyaba naba shimapepo abalongene pamo ku kufwaya ukwipaya ulo bakoya ku Shekemu: bacite misoka iya nsoni.
10
Munganda yakwa Israeli namonamo icintu icabunani; ubulalelale bwakwa Efraimu emobuli mulya, kabili Israeli aba uwakukowela.
11
Nobe wine, Yuda, ubusomboshi buli sontelwe,ulo nkobwesha abantu bandi muli bunkole.