¹ ''Ilyo Israeli wali umwaice nali mutemenwe, kabili no kutila umwana wandi umwaume ukufuma mu Egypti. ² Mukufusha kwa kubebeta, emukufusha kwabo ukwakutaluka. Balikupela amalambo kuli Baali no kufutumwina ifye fungo ku fipanshanya ifya baswa. ³ Nalyo line nine nasambilishe Ephraimu ukwenda, ninebo nabemishishe ku maboko yabo, lelo tabaishibile ati nalibaposeshe. ⁴ Ku mwando wabuntunse eko nali kubatungulwila. ku fikakilo fya kutemwa. Nali kuli bo ngo muntu umo uwalikufunya ikoli mu nsenete shabo, kabili nali kukotamina panshi pali bo no kubalisha. ⁵ Bushe tekuti ba babwelele ku calo ca Egypti? Bushe Assyria tekuti ateke pali bo ico bakokana ukubwelela kuli nebo. ⁶ Ulupungu lukaponena pa musumba yabo no konaula sha mpongolo shabo; cikabonaula pa mulandu wa mapange yabo. ⁷ Abantu bandi bakofwaisha ukufuma kuli nebo. Nangula bakokuta ku wapulamo, takuli nangula umo ukobafwa. ⁸ Kuti nakulekelesha shani, Efraimu? kuti nakupela shani we, Israeli? Kuti nakucita shani nga Admah? Kuti nakucita shani nga Zeboyim? Umutima wandi ulipilibukile munda yandi; Ne nkumbu shandi shonse shilifulileko. ⁹ Ntakalekeleko cifukushi candi; ntakabwekeshepo ukonaula Efraimu. Pantu nine Lesa ntali muntu; Ndi wamushilo pali mwebo, kabili tankese mu bukali. ¹⁰ Bakakonka Yahweh; kabili nao akabuluma nge nkalamo. Nga wabuluma abana bakwe bakesa bakotutuma ukufuma ku masamba. ¹¹ Bakesa bakotutuma nge cuni ukufuma ku Egypti, nge nkunda ukufuma mu calo cakwa Assyria. Nkalenga bakekale mu myunda yabo- ifi efyasosa Yahweh. ¹² Epraimu alishingulukile nefyabubi, kabili ne nganda yakwa Israeli nefya bucenjeshi. Lelo Yuda acili akonkana na Lesa nokuba uwa cishinka kuwa mushilo.''