¹ Ishiwi lyakwa Yahweh lyaishile kuli Hosea mwana Beri pa nsita icalo ca Yuda caletekwa ne shamfumu Usia, Yotamu, Ahasi na Hesekia, nelyo Yeroboamu mwana Yoashi atekele icalo ca Israeli. ² Ilyo Yahweh watampile ukulanda amashiwi kuli Hosea, Yahweh amwebele ati, ''Upa umwanakashi impulumushi ukafyalemo abana ba mu bupulumushi kabili nabansangukila, ine ne Yahweh.'' ³ Kanshi nao Hosea epakuupa umwanakashi umo, ishina lyakwe ni Gomeri mwana Diblaimu. Asuka aba napa bukulu, apapa no mwana umwaume. ⁴ Yahweh aeba Hosea ati, ''Mwinike ishina lya Yesireli, pantu tapakokole ninshi inenalimuna imfum u ya bena Israeli pa mulandu wa bupondo ubo Yehu wishi wacitile kuli Yesireli. Ine nalaswa ndofye ubufumu bwa bena Israeli. ⁵ Pali ilya ine nshita, ine ninshi napwisha amaka ya fita fya bena Israeli mwishika lya Yesireli.'' ⁶ Kabili Gomeri aimita apapa umwana naumbi, wena umwanakashi. Elyo Yahweh aeba Hosea ati, ''Mwinike ishina lya Lo Ruhama, emukutila munshilangulukilwa, pantu ine nomba nshakalangulukileko nakabili aba nganda yakwa Israeli, kabili nshakababeleleko uluse nakabili iyoo. ⁷ Abena Yuda bena nkabalangulukilako, ine ne Yahweh Lesa wabo nkabapususha, lelo kwena pakubapususha ine nshakemye inkondo iyoo, nshakabomfye lupanga, nangufye amata ne mifwi, nangufye bakabalwe na bendelapo bene, lelo nkabapususha ku maka yandi ne mwine.'' ⁸ Ilyo Gomeri asumwine mwane Loruhama, nakabili aba pabukulu. Asuka apapa no mwana umwaume na umbi. ⁹ Yahweh nao aeba Hosia ati, ''Mwinike ishina lya Lo-Ammi, emukuti te bantu bandi, pantu mwe bena Israeli nombatamuli bantu bandi iyoo, na ine wine nomba nshili Lesa wenu iyoo. ¹⁰ Nangu cibe ifyo abena Israeli bakafula ngo musensenga wa mululamba lwa bemba, uushingapimwa nangufye ukupendwa. Nomna palya casoselwe palwa bena ukuti, 'Imwe tamuli bantu bandi iyo,'lelo ilyo lyena akalabeba ati, 'Imwe muli bana bandi ine ne Lesa umumi,' ¹¹ Abena Yuda bakakumbikana pamom na bena Israeli. Abene ebakalaisontela intungulushi imofye iyakubateka, nakabili bakafula, no kushuka bakalashuka mu calo cabo. Ubo bushiku bwakwa Yesireli bukaba ubukalamba.