¹ Bushe umuntu takwata ukubomba ukwakukosa pa calo? Bushe inshiku shakwe tashaba kwati ninshiku shabombela amalipilo? ² Ngafilya umusha apemekesha icintelelwe ca mucungulo, kwati fintu umuntu uubombela amalipilo abona amalipilo yakwe_ ³ eico nalipangwa ukubombesha imyeshi yakumwenamo ifilifyonse; nalipelwa amacushi_ ayakwisulamo ubushiku. ⁴ Uluntu nalala panshi, ndailabisha nemwine ati, ' nilisa nkesakubuka elo nobushiku nilisa bukesakuya?' kulalapilibauka fye mpaka bwaca ubushiku. ⁵ Umubili wandi wafwikwa imititi elo nenkuku; ifilonda munkanda yandi filakosa elo fyalepuka elo nokufumya amafila. ⁶ Inshiku shandi shikopita ulubilo ukucila icpikwilo cakwa kapikula; shalapita ukwakubula isubilo. ⁷ Mwe Lesa, ubukisheni ukwebati umweo wandi waba kwati mwela; ilinso lyandi talyakabonepo ifyabune. ⁸ Ilinso lyakwa Yaweh, uumbona nebo, talyakambone nakabili; amenso yakwa Lesa yakesakuba pali nebo, lelo nshakesekubako. ⁹ Ngafilya ikumbi licibulwa elo nokuluba, efyo nouya kuccalo cabakufwa takesekubapo. ¹⁰ Takesekubweluluka ku ngánda kakwe nakabili; nangu incede yakwe ukwisakumwishiba nakambi. ¹¹ Eico nshakesekulama akanwa kandi; nkesakulanda mukucula kwa mupashi wandi; nkesakuilishanya mubukali bwa mutima wandi. ¹² Bushe ninebo bemba nangu shimweshimwe wamuli bemba ukuti mubike bu malonda pali nebo? ¹³ Uluntu nalanda ati; pamusengele wandi ntusheko ubusanshi bwandi buleisakufumyapo amasakamikwa yandi; ¹⁴ eluntu mwantulumusha nefiloto elo nokuntinya ukupitila mufimonwa, ¹⁵ pakwebati nsalepo mukupwilila elo nokufwa ukucila ukusunga amafupa yandi aya. ¹⁶ Nakana umweo wandi; nshilefwayapo nokweba ati njikale no mweo; ndekenifye neka pantu inshiku shandi shacabe cabe. ¹⁷ Bushe umuntu ninani pakwebati alekumubikako amano, ukwebati alebika amano yakwe pali yee, ¹⁸ ukweba ati ulekumulolekeshapo cila lucelo nokulamwesha cilanshita? ¹⁹ Bushe cikesakuba kuntanshi pakwisakuleka ukumuloleshako, libe taulandekako neka inshita iitali pakwebati ndekumina amate? ²⁰ Nangu nali bembuka, cindo ici cingacita kuli webo, webo weusopa abantu? Cindo wacila icakulungamafye nebo, icakuti naba icisendo kuli webo? ²¹ Cindo tamwambelele uluse pa membu shandi elo nokupiita ifilubo fyandi? pantu nomba nkesakulala panshi mulukungu; mukesakumfwaya bwino, lelo nshakesekubapo.''