¹ Yawe walikonkenyepo ukulanda kuli Yobo; ena alekulanda ati, ² ''Bushe uulionse uulefwaya ukupashanya kuti alungika uwamaka yonse? Ena uyo uukotalika na Lesa lekayeasuuke.'' ³ Eluntu Yobo ayasukile Yawe elo walandile ati, ⁴ ''Boona, nebo indi uwakupusanako; kuti nebo nayasuka shani? Nebo ndibikile ukuboko kwandi pakanwa kandi. ⁵ Nebo indilandile umuku umo, elo nebo inshasukile; nokubwekeshapo, umuku wakulenga bubili, nomba nebo inshakonkanyepo nakabili,'' ⁶ Eluntu Yawe ayasukile Yobo ukufuma mucimwela icikulu elo alandile ati, ⁷ ''Nomba kakisha umushipi obe ngo mwaume, pantu nebo nalaipusha webo ifipusho, elo webo umfwile ukunjasuka nebo. ⁸ Emukutila webo ukandengulula nebo? Emukutila webo ulensosha nebo nokubona kwati webo uli wacishinka? ⁹ Bushe webo wakwatapo amaka ayali yonse nga Lesa, elo kuti webo wapundisha ishiwi ngefi? ¹⁰ Nomba ifwike wemwine ifyabukata elo nobucindami; wiifwike wemwine ifyabukankala elo nomucinshi. ¹¹ Shinguluka nobukali bwacifukushi cobe; boona kuli onse uwakwata icilumba elo ye umuponye panshi. ¹² Boona kuli onse uwakwata icilumba elo ye umutalalike; upasanganye panshi abantu abacita ifyakubipa ponse apo bataleme. ¹³ Ubashike bo mulukungu lwapano calo bonse; ukakilile nefinso fyabo muncende iyakufisama. ¹⁴ Eluntu nebo nakabili inkakusuminisha webo ukuti ukuboko kobe ukwakukulyo kuti kwapususha webo ¹⁵ Boona nomba pali bemoti, uyo nebo nabumbule uluntu nebo nabumbile webo; ena elya ifyani kwati nin'gombe. ¹⁶ Boona nomba, ifyo amaka yakwe yaba mumjushipi wakwe; namaka yakwe yaba mumutete wakwe. ¹⁷ Apanga umucila wakwe kwati ni cedar; elo nobushipa bwa mumolu yakwe bwalikatana capamo. ¹⁸ Amafupa yakwe yaba kwati nimpanda shamukuba; namolu yakwe yaba kwati fyela fyakufula. ¹⁹ Ena nimfumu pafibumbwa fyakwa Lesa. Kanofye Lesa, uwamupangile, ewingamucimfya. ²⁰ Pantu impili eshimuletela ifyakulya; nenama ishamupanga eko shangalila mupepi. ²¹ Ena asendama munshi yamacinda yafimuti munganda yamatete yamwisese iyamumumana. ²² Impupunga shakufimutieshimufimba ku cimfute shakwata; imishingu yamumenshi yonse yalimushinguluka. ²³ Boona, ngacakweba ati yaibila panshi yamenshi, yena taishupikwa; yena ibafye iyakushipa, nangu Yordani yamumina mukanwa kakwe tatunsha mutima. ²⁴ Bushe kuti kwaba uwingamuloba kukalobo, nangu ukumukolokofya mumona wakwe icinkobwe?