¹ Elihu akonkenyepo elo iashile kulanda ati, ² ''Nsuminisha nebo ukulanda panono fye, elo nebo nkakulanga ifintu fimo pantu nebo ndikwete fimbi ifya kulandilako Lesa. ³ Nkapoka ukwishiba kwandi ukufuma ukutali; nebo nkeshibisha ukuti ubulungami bwabafye kuli kabumba wandi. ⁴ Pantu icishinkafye, amashiwi yandi tayakabe ayabufi; umo uwafikapo ukwishiba uli nobe. ⁵ Bona, Lesa wamaka, elo tasula nangu umo; ena wamaka ayengi mu maka aya kwishiba. ⁶ Ena tacingilla ubumi bwa bantu bakubipa lelo alacita icakulungama kuli abo abacula. ⁷ Ena tafumya amenso yakwe ukufuma ku bantu abalungami lelo alababika pa cipuna nge shamfumu umuyayaya, elo balasumbulwa. ⁸ Nga cakuti ba babika mu minyololo elo bacitwa mu minyololo ya bucushi, ⁹ eluntu ena asokolola kuli bo ifyo bena bacitile, na bumpula mafunde bwabo elo ne cilumba cabo. ¹⁰ Kabili ena aishile kubesula amatwi yabo ku fyebo fyakwe, elo aishile kubakonkomesha no kupilibuka ukufuma ku lubembu. ¹¹ Nga cakwebati bena baumfwa kuli ye elo no kumushinshimuna, bena bakekala bwino munshiku shabo, ne myaka yabo mukusansamuka. ¹² Lelo, nga cakuti tabakomfwe, bena bakaloba kulupanga; bena bakafwaya pantu ta bakwete ukwishiba. ¹³ Abo abakumalala mu mutima basunga ubukali bwabo; bena tabalilila ku kubafwa nangu uluntu Lesa abakaka. ¹⁴ Bena bafwa muli bumusepela bwabo; ubumi bwabo bukapwila mukati ka bacilende ba buloshi. ¹⁵ Lesa alapususha abantu abakucula mu macushi yabo; ena alesula amatwi yabo mu mucushi bwabo. ¹⁶ Icishinkafye, ena afwaya uku kufumya webo mu bucushi uku kuleta mu ncende ikulu mulya umutaba mutitikisha elo uko itebulo lyobe likesula ifya kulya ifya kunona. ¹⁷ Lelo webo waisulamo ubupingushi pa bantu abakubipa; ubupingushi no bulungami fili muli webo. ¹⁸ Wileka icipyu cobe cikusembeleleke webo ku kusekwa, nangu ubukulu bwa cifuta mulandu bukubweseshe kumbali. ¹⁹ Bushe icuma cobe kuti cakwafwa webo, pakwebati webo tauli mu bucushi, nangu ukubombesha konse ukwamaka yobe kuti kwakwafwa webo? ²⁰ Takul kufusha ubushiku, ku kubembukila bambi uluntu abantu bakuputaulwa mu ncende shabo. ²¹ Ulekucenjela pakwebati webo taupilibukile kwisambi pantu webo walikweshiwa no kucula pakwebati utaluke ukufuma mu kubembuka. ²² Bona, Lesa walisumbulwa mu maka yakwe; ni nani kasambilisha uwakuba nga ye? ²³ Ni nani uwakumulanga palwa nshila yakwe? Ni nani wingalanda kuli ye ati, 'Webo wacita icitalungama? ²⁴ Ibukisha ukulumbanaya imilimo yakwe, uyo abantu bembila. ²⁵ Abantu bonse baloleshe pali iyo milimo, nomba ba bwene fye imilimo apatali. ²⁶ Bona, Lesa mukulu, nomba fwebo tatumumfwikisha bwino; impendwa ya myaka yakwe te ya kupendwa. ²⁷ Pantu ena alakula amatoni ya menshi alasungulula imfula ukufuma kuli fubefube wakwe, ²⁸ Na makumbi ya latonesha panshi no kulokesha pa bantu. ²⁹ Icine cine, ni nani wingofwikisha ukutambuluka kwa kutandanya amakumibi elo na mapate ukufuma mu mutanda wakwe? ³⁰ Bona, alatandanya ukubyasha kwakwe ukwa mushinguluka elo alafimba na panshi ya bemba. ³¹ Muli iyi nshila alapingula abantu no kubapela ifyakulya ifingi. ³² Esusha amaboko yakwe ne nkuba mpaka aikonkomesha ukuma pa cishibilo caiko. ³³ Icibulukutu caiko cisobela ukwisa kwa mfula, ne ng'ombe na sho shilomfwa ukwisa kwaiko.