¹ Eluntu Yobo aishile kwasuka elo no kulanda ati, ² ''Nalyumfwa ifingi ifya musango nga uyu; ni mwebo bakatalalika abongwa. ³ Bushe mukafika lilali ukulanda amashiwi yenu ayafye? Cindo calubana kuli webo pakuti wasuke umusango uyu? ⁴ Na nebo kuti nalanda ngefyo mu kolanda, nga cakuti mwali pe punda lyandi; kuti nakolonganika amashiwi ayengi aya kwimina mwebo elo uku nkopukumya no mutwe no kupumya. ⁵ Kuti na mulenga ukukoselela ku mashiwi yandi, elo no kututuma kwa milo yandi kuti kwa miletela icitalaliko! ⁶ Nga nalanda, ukukalipwa kwandi takulecepelako; nangu nga naluka ukulanda, ntakoyafwilishiwa nangu pamo? ⁷ Lelo nomba, mwe Lesa, nandenga ukonaika; ulilengele no lupwa lwandi lonse ukuloba. ⁸ Mwebo muli nkakile, ico kabili icili bunte bwa kunshimina; ifilonda fyandi ifya pa mubili na finjimina, elo fikonshimina pa cinso candi. ⁹ Lesa na ndepaula ku cipyu ca bukali bwakwe elo ali mpakashile; Akosumanya na meno yakwe; abalwani bandi batontele amenso yabo pali nebo ulo akontakanya. ¹⁰ Abantu basamwine utunwa twabo no ku tontonesha amenso yabo pali nebo; bali ngumine ku masaya mu ku nkana; balyumine akapi mu ku njimina. ¹¹ Lesa alimpele mi kinwe ya babi, elo alimposele mu maboko ya babembu. ¹² Nebo nalifye bwino, elo aisa mputaula mutupimfya. Mucinefye, aishile kwisa ku nkama pa mukoshi elo anshonaula mu tupimfya tupimfya; kabili ni nebofye asupikile. ¹³ Bakaposa ba mifwi bakwe bali shingulukile; Lesa alindasawile imifwi mu mfyo shandi elo takongufwilako no luse; ulitile ne ndusha yandi panshi. ¹⁴ Imiku ne miku ulintobaiwle; ulifundumene pali nebo kwatio mushilika wa nkondo. ¹⁵ Ndibilile ne nsamu sha pankanda yandi; Ndishibile ne nsengo shandi panshi. ¹⁶ Icinso candi icilikashikile ku kulila; pa fipenipeni fya menso yandi palifye icishingwa ca mfwa ¹⁷ nanguline tamuli ulufyengo mu mnwe yandi, elo ne pepo lyandi lya kutambalala. ¹⁸ We calo, wishika pa mulopa wandi; no kukuta kwandi takwakapwe. ¹⁹ Na nombaline, boneni, kambone wandi ali mu mulu; no wa kundandilako waba mu mulu. ²⁰ Ba cibusa wandi ebansula, lelo amenso yandi yalukusha ifilamba kuli Lesa. ²¹ Nkoipusha ulya kambone mu mulu ukulandilako kuli uyu muntu uuli na Lesa nga fintu umuntu acita ku mwina mupalamano! ²² Pantu uluntu fye imyaka iinono yalapita, ndi no kuya ku ncende uko ntakabwele.