¹ Nditendelwe pa mweo wandi; nkolondolola umupwilapo ku cakuilishanya candi; nkolandila mu bukali bwa kumupashi wandi. ² Nkalanda kuli Lesa ati, 'Wimbika umubufi; nangidheni ifyo wancitila ifi. ³ Bushe cilifye kuli webo pakuti untintikishe, ku kukana imilimo yama boko uyo ukosekelela pa pakupeknya kwa ba bubi? ⁴ Bushe wakwata amenso ya kumubili? Bushe ubona ngefyo umuntunse abona? ⁵ Bushe inshiku shobe shaba nge nshiku sha muntundu wa muntu nangula imyaka yobe yaba nge myaka ya muntunse, ⁶ pakuti wipushe palwa bubfi bwandi no kufwailisha palwa masambi yandi, ⁷ nanguline ulisheibe ati ntali no mulandu elo tapali wa kumpokololako nangu umo ukumfumya mu minwe yobe? ⁸ Iminwe yobo eya mumbile no kumpanga pamo bune bune kabili no kunjalukila, nomba mukongonaula fye. ⁹ Ibusheni, namipapatila, pantu mwa mumbile fye nge loba; bushe nakabli mukantwala mwi loba? ¹⁰ Bushe tamumpongolwela ngo mukaka no kunenga ukutimba ngo mukaka wakukambatana? ¹¹ Ulimfwikile inkanda no munofu no ku mpikwila pamo na kumafupa ne mishipa. ¹² Walimpele ne cipangano ca cishinka; ukwafwa kobe kwalenga umupashi wandi ukubakililwa. ¹³ Nomba ifi fyonse wali fifisa mu mutima obe- nalishiba ati ifi efyo wali kutontonkanya: ¹⁴ ukweba ati nga nali bembukile, kuti wacibona; kabili tekuti undekele fye kufya bubifi bwandi. ¹⁵ Nga nacitule mububifi, kalanda kuli nebo; nangu fye line nga nacitle mu bololoke, tekuti njinune umutwe, apo ndikwete ne nsoni- boneni ubucushi bwandi! ¹⁶ Nga umutwe wandi nga walisanswilwe, nga mwanungile nge nkalamo; elo kabili wali ilangishe we mwine ku ficitwa fya kupapa fya maka kuli nebo. ¹⁷ Uli ndetele bakambone abapya ku kunshinina no kukusha ubukali bobe pali ne; wandetele amacushi ne mishila yimbi yimbifye. ¹⁸ Nindo, eluntu, wandtele ukumfumya mwi fumo? Kanshi nga ntafyelwe pantu nga takwali ilinso lya mbwenepo. ¹⁹ Nga nali fye kubati nalipo; nga napitilwe fye ukufuma mwi fumo no kutwalwa ku nshishi. ²⁰ Bushe inshiku shandi tashili shinono? Leka fye kanshi, ndeka ne mwine, pakuti ntusheko panono. ²¹ Ulo ntalaya kulya uko ntakabweluluke, ku ²² calo icakufita fitit ngo bushiku pakati, icalo ca cinshingwa ca mfwa, ica cimfulumfulu, uko ulubuto lwaba nga pakati kabushiku.