¹ Kwaliko umuntu umo mu calo ca Usi ishina lyakwe lyali ni Yobo; elo Yobo uwali icilubo elo umololoke, umo uwali kutina Lesa elo talikufwaya ububifi. ² Afyele abana baume cine lubali elo abana banakshi batatu. ³ Akwete impanga amakana cine lubali, ingamila amakana yatatu, ing'ombe imyanda isano, elo impunda imyanda isano elo na babomfi abengi nganshi. Ali muntu uwacilishepo pali bonse abantu baku kapinda ka Kukulyo. ⁴ Cilabushiku cila mwana maume apelwe, alepanga umutebeto mu ng'anda yakwe. Baletuma elo no kwita inkashi shabo shitatu ku kulya elo no kubwa nabo. ⁵ Uluntu inshiku shamitebeto shapwa, Yobo alebeta elo akobasangulula. Alikwima mu lucelo celo no kupela ifya bupe fyaocewa ifya cila mwana wakwe, pamulandu alikulanda ati, ''Kuti caba ukutila abana nabembuka elo na batipa Lesa mu mitima yabo.'' Yobo alikucita ici lyonse. ⁶ Eico bwali bushiku uluntu abana baume bakwa Lesa baishile mukuitula pa cinso cakwa Yahweh. Satana nankwe aishile nabo. ⁷ Yahweh aishile kulanda kuli Satana ati, ''Nikwisa wafuma?'' Eluntu Satana aishile kwasuka Yahweh elo aishile kulanda ati, ''Nafuma mukululumba pa calo, na bwelela uku elo naya noku.'' ⁸ Yahweh aishile kulanda kuli Satana ati, ''Ulibwene umubomfi wandi Yobo? Pantu tapaba nangu umo uwapala ena pa calo, uutatungwa akabi elo umuntu umololoke, umo uutina Lesa elo uutaluka ukufuma ku bubifi.'' ⁹ Eluntu Satana aishile kwasuka Yahweh elo no kwisa kulanda ati, ''Bushe Yobo atina Lesa apakubula umulandu? ¹⁰ Bushe tamwabika umupaka uwamushinguluka, uwashinguluka ing'anda yakwe, elo no kushinguluka fyonse ifyakwe ukufuma ku mbali shonse? Mwalipala ificitwa fya maboko yakwe, elo nefitekwa fyakwe fyasalangana impanga yonse. ¹¹ Lelo nomba fungululeni ukuboko kwenu elo mwikate fyonse ifyo akwata, elo mubone ngata mupontele ku cinso cenu.'' ¹² Yahweh aishile kulanda kuli Satana ati, ''Bona, fyonse ifyo akwata fili mumaboko yobe. Ukufumishakofye umwine ena witambikapo ukuboko kobe.'' Eluntu Satana aile ukufuma pa cinso cakwa Yahweh. ¹³ Caishile kuba ati ubushiku bumo, abana bakwe baume elo na banakashi balikulya elo balikunwa umwangashi mu ng'anda ya mukalamba wabo. ¹⁴ Intumi yaishile kwisa kuli Yobo elo aishile kulanda ati, ''Ing'ombe shacilalima elo ne mpunda shacilalya pambali. ¹⁵ Eluntu ama Sabini yacisa shiponenapo elo no kushisenda. Ababomfi bena, balibepeye kulu panga. Nebofye neka mfyukile ku kumweba.'' ¹⁶ Elyo acili akolanda, umbi nankwe aishile kwisa elo aishile kulanda ati, ''Umulilo wakwa Lesa wa cipona ukufuma mu myulu no koca impanga elo na babomfi. Nebofye neka mfyukile ku kumweba.'' ¹⁷ Elyo acili akolanda, umbi nankwe aishile kwisa elo aishile kulanda ati, ''Ama Kaludi ya cipanga amabumba yatatu, no kwikata ingamila, elo no kushisenda. Elo ababomfi bena, nababepaya kulupanga. Nebofye neka mfyukile ku kumweba.'' ¹⁸ Elyo acili akolanda, umbi nankwe aishile elo kwisa kulanda ati, ''Abana baume benu elo na bana banakashi benu bacilalya elo no kunwa umwangashi mu ng'anda ya mukalamba wabo. ¹⁹ Acipupu ca maka cacisa kufuma mumatololo elo no kwisa kuma kufifutu fya ng'anda fine. Caciponena abalumendo, elo bafwa. Nebofye neka mfyukile ku kumweba.'' ²⁰ Eluntu Yobo aishile kwima, no kulepula ilaya lyakwe, apukwimye umutwe wakwe, aloseshe icinso cakwe panshi, elo ashinshimwine Lesa. ²¹ Aishile kulanda ati, ''Nali ubwamba uluntu nafumine munda yakwa mayo elo nkaba ubwamba uluntu nkabwekelamo kulya. Ni Yahweh ewampele, ni Yahweh ewasenda. Libe ilyapalwa ishina lyakwa Yahweh.'' ²² Muli ifi fyonse, Yobo tabembukile iyo, nangu ukutungunya Lesa ukucita icalubana.