¹ Baka intapulo shobe uluntu uleya kung'anda yakwa Yawe. Palamina kukumfwa ukucila uku pela ilambo lyabapuka abataishiba ukuti bacita ifwakulubana. ² Wiba uwayanguka akanwa mukulanda, elo wiyangusha umutima kukuleta iciliconse pacinso cakwa Lesa. Lesa ali mumulu lelo webo uli pa calo, Eico amashiwi yobe yabe ayanono. ³ Ngolikwete ifingi ifyakucita elo namasakamiko, kuti wakwata ifiloto ifyabubi. ngawalanda amashiwi ayengi, ne fintu ifngi ukulanda ifyabupaka. ⁴ Uluntu webo wapanga umulapo kuli Lesa, wiwayawaya ukucita, pantu Lesa takwata ukubekelwa mufipuka. Cita ico walaile ukacita. ⁵ Cawama ukukana laya ukucila ukulaya ukwabula ukucita. ⁶ Wisuminisha akanwa kobe ukulenga umubili obe ukubembuka naku nkombe yakwa shimapepo wilanda, ''Fyalifye nimpuso ifyo nalaile.'' Nindo mukalifisha Lesa mukulaya ifyabufi, kukonaula incito shanaboko yenu? ⁷ Pantu uluntu kwaba ifiloto ifingi elo namashiwi ayengi, tamuba ubupilibulo. Mucifulo, cakutina Lesa. ⁸ Uluntu wabona abapina bakotitikishiwa elo nokufyengelesha abakaele elo nemicitile ishishalungama mucitungu cenu, wipapuka kwati tapali nangu umo uwishibile, pantu kuli abantu abali mumaka abo abali panshi, elo kuti nabali pamulu ukubacila. ⁹ Mukulundapo, ififuma pamushili fyabantu bonse, elo nikufifuma mwibala imfumu shibulapo. ¹⁰ YUyo onse uwatemwa silfere takekutishiwe na silfere, elo onse uwatemwa ifyuma lyonse alakabila nafimbi ifingi. Ici, naco, tacili nabupilibulo. ¹¹ Ngo bunonshi bwafula, nabantu bakulyako balafula. Ngabusuma nshi bwaba mucuma ku mwine ukucila ukucitamba na menso yakwe? ¹² Ukusenda kwa muntu uubomba kwalilowa, nangula alye utunono nangu ifingi, lelo ifyuma fyamuntu umukankalatekuti filenge ukulala bwino. ¹³ Pali ububifi pali abo nabona mwisamba lya kasuba; ifyuma aya kukwata fyamulengele ukucula umwine. ¹⁴ Uluntu umuntu umukankala alusa ifyuma ukupitila mukushama, umwana wakwe umwaume. umo untu akusha, ashala uwakubula nangu cimo mumaboko yakwe. ¹⁵ Ngafintu umuntu afuma munda yakwa nyina, efo kabili akaya ubwamba. Tekuti asende nangula cimo icisabo camilimo yamaboko yakwe. ¹⁶ Cimbi icabipa cakuti efyo umuntu aishile, efyo nokuya aya. Nomba bukumo nshi bwaba uli uyo uubombela umwela. ¹⁷ Munshiku shakwe alya na mumfinshi elo ashupikwa apakalamba namalwele elo necifukushi. ¹⁸ Bona, ico nabona ukuti cabune elo icalinga kulya elo nokunwa elo nokusekelela ifyo twasombola mulifyonse ifyo twabomba, elo tulecucutika panshi yakasuba munshiku shamweo shintu Lesa atupela. Pantu ici ecapelwa ku muntu. ¹⁹ Kuli onse uyo Lesa apela ifyuma elo no bunonshi namaka yakupokelela icakaniko cakwe nokusekelela mufyo acita-ici cabupe ukufuma kuli Lesa. ²⁰ Pantu tebukisha libili libili inshiku sha mwep wakwe, pamulandu Lewa amulenga ukulabikilwa kufintu ifyo acita.