¹ Caishile kuba panuma yaici ulo Abishalom apekenye iceleta naba kabalwe pa lwakwe, na baume amakumi yasano kuku butuka pantanshi yakwe. ² Abishalom alikwima ulucelo no kutalama kululamba lwa nshila iyalikuya ku mpongolo ya musumba. Uluntu umuntu onse uuli no mulandu wakwisa ku mfumu pa bupingushi, Abishalom alikumwita no kulanda ati, ''Bushe musumba nshi wafumako?'' Eluntu umuntu alikwasuka ati, ''Umubomfi wenu afumine mu mutundu umo uwabena Israeli.'' ³ Eico Abishalom alikulanda kuli ena ati, ''Bona, umulandu obe wabune elo wakulingama, lelo takuli nangu umo uwasontwa ne mfumu uwakumfwa umulandu obe. ⁴ Abishalom alilundilepo ati, ''Ngacakutila ninebp bacitile umupingushi mu calo, pakutila umuntu onse uukwete umulandu nangu uucitile icikulu aisa kuli nebo, elo naisa kumuletela umulinganya!'' ⁵ Eico caishile kuba ukuti umuntu onse aisa kuli Abishalom ku kumucindika, Abishalom alikubula ukuboko kwakwe elo amwikata no ku mufyompa. ⁶ Abishalom alikucita muli uyu musango kuli onse umwina Israeli uwalikwisa ku mfumu ku bupingunshi. Eico Abishalom aliibile imitima ya bantu abena Israeli. ⁷ Caishile kuba pakupwa kwamyaka ine ukuti Abishalom alilandile ku mfumu ati, ''Napapata lekeni ndekuya no kupela umulapo uo napangile kuli Yahweh mu Hebroni. ⁸ Pantu umubomfi obe aliipangile umulapo ulo nalikwikala ku Geshuri mu Aram, ukulanda ati, ''Icine cine ngacakuti Yahweh akesa ku ndeta nakabili ku Yerusalem, eluntu nkesa kushinshimuna Yahweh. ⁹ Eico imfumu yaishile kulanda kuli yee ati, ''Kabiye mu mutende.'' Eico Abishalom alimine elo aile ku Hebroni. ¹⁰ Lelo nomba Abishalom alitumine inengu mu mitundu yabena Israeli yonse, ukulanda ati, ''Ngamwaufwa iciunda ca ntandala, eluntu mwise kulanda ati, Abishalom emfumu mu Hebroni.''' ¹¹ Na Abishalom aile nabaume imyanda ibili ukufuma ku Yerusalem, abo abaitilwe. Baile muli bukaile bwabo, mukukana ishiba nangu cimo ico Abishalom alikupekanya. ¹² Ulo Abishalom apele amalambo, alitumine abalwita Ahithopheli ukufuma ku mushi wabo uwa Giloh. Ali ni kabilo wakwa David. Ukumana akapi kwakwa Abishalom kwali ukwakukosa, pantu abantu abalekukonka Abishalom balikuya balefulilakofye. ¹³ Intumi yaishile kuli David ukulanda ati, ''Imitima ya bantu abena Israeli balekonka panuma yakwa Abishalom. ¹⁴ Eico David aishile kulanda ku babomfi bakwe bonse abo ali nabo ku Yerusalem ati, ''Imeni elo tubutuke, nangu pali baifwe tapabe uuleisa kupusuka kuli Abishalom. Ipekanyeni kukuya ililine, nangu aleisakwendesha ku kutusanga, elo acita icabipa pali fwebo no kutasha umusumba kumpela yalupanga.'' ¹⁵ Ababomfi bamfumu baishile kulanda ku mfumu ati, ''Bona, ababomfi bobe baliipekanya ku kucita conse ico imfumu ikalamba yasosa.'' ¹⁶ Imfumu yalile no lupwa lonse panuma yakwe, lelo imfumu yalishile abanakashi ikumi, abo abaali pambali ku kusunga icipango. ¹⁷ Panuma imfumu yaya nabantu bonse abale ku mukonka baishile kwiminina pa ng'anda ya kulekeleshako. ¹⁸ Bonse abafita baleabuka na ena, elo pantanshi yakwepaleya abena Kerete, na bonse abena Pereti, na bonse abena Gitti-abaume imyanda mutanda abo abale kumukonka ukufuma ku Gati. ¹⁹ Eluntu imfumu yalandili kuli Itah umwina Giti ati, ''Bushe cinshi ico waishila na fwebo? Bwekela no kwikala ne mfumu, pantu webo uli mbutushi elo na bunkole. Bwekela ku ncende yobe. ²⁰ Apo waishile mailo, bushe cinshi ico nalengela iwe ukusabanta konse na fwebo? Nshishibepo uko ndeya. Eico bwekela elo usende ba munonko ba mu calo cobe na webo, napabe ukutemwa ukukulu ne citetekelo fibe na mwebo.'' ²¹ Lelo Itah ayasukile imfumu elo alandile ati, ''Napali Yahweh uwa mweo, napali shikulu imfumu uwa mweo, cine cine monse mu ncende uko shikulu imfumu akaya, eko no mu bomfi obe akaya, nangu ico cipillibule kuba no mweo nangu ukufwa,'' ²² Eico David alandile kuli Itah ati, ''Twalilila no kukonkanyapo na fwebo. '' Eico Ittai umwina Gitti aile ne mfumu, na baume bakwe bonse na balupwa bonse abo ali nabo. ²³ Icalo conse calililie ne shiwi mu kukosha abantu bonse balikupita mu mukonko wa Kidroni, ne mfumu yine nayo yalipitile. Abantu bonse balekuya mu musebo ukulola ku ciswebebe. ²⁴ Na Zadoki wine na bena Lebi bonse, basenda imbokoshi ya cipangano cakwa Lesa, uwabako. Babikile imbokoshi yakwa Lesa panshi, elo eluntu Abiyata ailundileko kuli bena. Balilolela mpanka abantu bone bapita ukufuma mu musumba. ²⁵ Imfumu yalandile kuli Zadoki ati, ''Sendeni imbokoshi yakwa Lesa mu bwekeshe mu musumba . Nganasanga ububile mu menso yakwa Yahweh, akambwesha kuno no kundanga nakabili imbokoshi ne ncendeumo ekala. ²⁶ Lelo nga alanda ati, ''Nshile sansamukila muli webo, 'Bona, panondi, leka acite kuli nebo icilemoneka icabune kuli ena.'' ²⁷ Imfumu nayo yalandile kuli shimapepo Zadoki ati, ''Bushe teiwe kamona? Bwekela ku musumba mu mutende, na bana baue bobe na webo, Ahimazi umwana mwaume obe, na Yonatani umwana mwaume wakwa Abiyata. ²⁸ Bona, ndelola pa fyabu fya Araba mpaka lise ishiwi ukufuma kuli webo ku kunjibukisha. ²⁹ Eico Zadoki na Abiyata basendele imbokoshi yakwa Lesa ukbwekesha mu Yerusalem, elo baikele kulya kwine. ³⁰ Lelo David aninine pa makosa ayakufulako insapato no kunina ku lupili lwa Miolife, elo ku mutwe wakwe kwalifimbilwe, elo baninine bale enda ninshi balelila. ³¹ Umuntu umo aebele David ukulanda ati, ''Ahitopheli ali pabaumana akapi na Abishalom.'' Eico David alipepele ati, ''Mwe Yahweh, pilinuleni ukupanda amano kwakwa Ahitopheli mu fyabuwele wele.'' ³² Caishile kuba ukuti uluntu David afikile pa mulu wa musebo, uko Lesa aleshinshimwinwa, Hushai umwina Arki alishile ku kumukumanya no mwingila wakwe na ulepulwa ne loba pamutwe wakwe. ³³ David alandile kuli yee ati, ''Ngawalaya nanebo, eluntu walaba icisendo kuli nebo. ³⁴ Lelo ngawabwekela ku musumba no kulanda kuli Abishalom, 'Nalaba umubomfi wenu, mwe mfumu, ifyo nali umubomfi waba shinwe munshita shakale, eico nomba ndeba umubomfi wenu,' eluntu ukufulunganya bumpanda mano bwakwa Ahitopheli pali nebo. ³⁵ Bushe takuli bashimapepo Zadoki na Abiyata kuli webo? Eico fyonse ifyo walaumfwa mu cipingo ca mfumu, ulingile ukumweba Zadoki na Abiyata bashimapepo. ³⁶ Mona ukuti kulya bali bena bali nabana baume babo babili, Ahimasi, umwana mwaume wakwa Zadoki na Yanatani umwana mwaume wakwa Abiyata kuti wantumina mu minwe yabo conse ico uleumfwa.'' ³⁷ Eico Hushai, cibusa wakwa David, aishile mu musumba ilintu Abishalom afikile no kwingila mu Yerusalem.