¹ Caishile kuba palwa ici panuma Amnoni umwana mwaume wakwa Davidi alitemwishishe nkashi yakwe Tama uwa muli banyina bambi uwakuyemba, ali ni nkashi fye wakwa Absalom, naumbi pa bana baume bakwa Davidi. ² Amnoni alicucutikile mu mutima icakuti alilwele no kulwala pamulanfu wakwa nkashi yakwe Tama. Tama ali ni nacisungu, elo kanshi calibonekele ukukosa kuli Amnoni ukumucita icintu icili conse. ³ Lelo Amnoni alikwete umunankwe uweshina lya Yonadabu umwana mwaume wakwa Shimeya, wabo wakwa Davidi. Yonadabu ali mwaume indamu nganshi. ⁴ Yonadabu aishile kulanda kuli Amnoni ati, ''Cindo, we mwana mwaume wa mfumu, ico ukobonekela uwabulanda cila lucelo? Bushe tekuti unjebeko? Eico Amnoni aishile ku mwasuka ati, ''Nalitemwa Tama, nkashi wakwa ndume yandi Absalomu.'' ⁵ Eluntu Yonadabu aishile kulanda kuli ye ati, ''Sendama pa busanshi bobe elo ube ukubati ulilwele. Uluntu wiso akoisa mukukubona, umwipushe auti, 'Napapata bushe tekuti mutumeko nkashi yandi Tma andeteleko fimo ifyakulya elo angipikileko muno mwine, epakwebati ni ngabona uko akoipika elo andisheko? ⁶ Eico Amnoni alisendeme ukubati mulwele. Uluntu imfumu yaishile mukumubona, Amnoni aishile kweba imfumu ati, ''Napapata tumeni nkashi yandi Tama ukunteyanishishako ifilyo pa kulwala kwandi pa menso yandi epakuti nebo kuti andisheko.'' ⁷ Eluntu Davidi aishile kukuta Tama kwi sano lyako no kumweba ati, ''Kabuye nombaline ku ng'anda yakwa ndume yobe Amnoni elo uye kumupekanishishako ifilyo.'' ⁸ Eico kanshi Tama aishile kuya ku ng'anda yakwa ndume yakwe Amnoni uko asendeme. Alipitilepo umufuba elo no kukandula elo no kupangamo umukate pa menso yakwe, elo eluntu awipikile. ⁹ Tama alipitile pani elo no kumupela umukate, nomba ena alikene ukulya. Eluntu Amnoni aishile kweba abo alinabo ati, ''Bafumyeni bonse, ukufuma kuli nebo.'' Eico bonse balifuminemo no kumusha. ¹⁰ Eico Amnoni aishile kweba Tama ati, ''Leta ifilyo mu muputle wandi pakuti undishe.'' Eico Tama apitile umukate untu apangile, elo no kutwala mu cipinda cakwa Amnoni ndume yakwe. ¹¹ Uluntu atwale ifilyo kuli ye, alimufukatile elo no kumweba ati, ''Isa, ndale nobe, we nkashi yandi.'' ¹² Naye ashile kumwasuka ukuti, ''Awe, we ndume yandi, wimpatikisha, pantu icamusango uyu tacatala ukucitika muno mu Israeli. Wicita ici cintu icabub! ¹³ Ni kwisa uko nebo nkatwala umusebanya wandi? Bushe palibufi webo? Uli nokubaye icipuka ca mubtu mu bena Israeli. Nomba, nakupapata landa fye ku mfumu, pantu ta kuti ikanye nebo ukupwa kuli webo. ¹⁴ Nangula califyo Amnoni alikene ukumfwa kuli Tama, neco icakuti alikwatishe amaka ukumucila, elo alimunashishe, elo no kulala naye mukupatikisha. ¹⁵ Eluntu Amnoni apatile Tama nganshi. Ulupato lwakwe lwa cilile na pafyo amutemenwe. Amnoni epa kulanda kuli ye ati, ''Alamuka elo ulekuya.'' ¹⁶ Lelo aishile kumweba ati, ''Iyo nakana! Pantu ukuntamfya kwa labipishapo ukucila na pafintu fya musebanya ifyo ucitile kuli nebo!'' Lelo Amnoni tewakumfwa kuli ye. ¹⁷ Icakonkelepo, Amnoni akutile umubomfi wakwe elo no kumweba ati, ''Pita uyu umwanakashi umufumye pali nebo, elo wisalishe ne ciibi nga afuma.'' ¹⁸ Eluntu umubomfi aishile kufumisha Tama panse, elo nokwisalisha iciibi panuma afuma. Tama afwele umwingila uwa mutengo pantu pefyakufwala fyalikufwala abana banakashi bamfumu bana cisungu. ¹⁹ Tama aishile kuisauba imitoi pa mutwe elo no kulepula umwingila wakwe. Abika na maboko pamutwe wakwe elo no kufumako, no kupongomona umusowa ninshi akoya. ²⁰ Absalomu ndume yakwe aishile kulanda kuli Tama ati, ''Bushe Amnoni ndume yobe ewakubifya? Lelo nomba ikala shilili, we nkashi yandi. Ni ndume yobe. Tekwesha ukubika ici cintu ku mutima.'' Eico Tama aikele mu ng'anda muli ndume yakwe Absalomu no mutima uwakubombotala. ²¹ Lelo uluntu imfumu Davidi yaishile kumfwa pali ifi fyonse ifyacitikile yalifulilwe nganshi. ²² Absalomu talandilepo icintu nangu cimo kuli Amnoni, pantu Absalomu alipatile Amnoni pafyo acitile Tama elo na pafyo acitile umusebanya kuli nkashi yakwe Tama. ²³ Caishile kucitika ulo papitile imyaka ibilili iituntulu Absalomu alikwete baka beya ba mpaanga shakwe ku Baali Hasoli, iyaba mupepi na Efulemu, elo Absalomu akutile abana baume ba mfumu bonse. ²⁴ Absalomu aishile ku mfuma elo no kuyeba ati, ''Boneni nomba, umubomfi obe alikwete bakabeya ba mpaanga. Napapata bushe imfumu na bacilolo tekuti baye na ndibo, ne mu bomfi obe.'' ²⁵ Imfumu yaishile kwa suka Absalomu ati, ''Awe. we mwana mwaume wandi, fwebo bonse tekuti tuyeko epali kwa kucusha fye.'' Absalomu aesha kupapata imfumu, lelo yalikene, lelo ya mupelefye amapalo. ²⁶ Eluntu Absalomu aishile kulanda ati, ''Nga teifyo kanshi, napapata lekeni indume yandi Amnoni alekuya na fwebo.'' Eico imfumu epakumwipusha ati, ''Bushe mulandu ndo ukofwaila Amnoni ukuya nobe?'' ²⁷ Absalomu alipatikishe Davidi, elo eico naye alilekeleko Amnoni na bana baume ba mfumu no kuya naye. ²⁸ Absalomu akonkomeshe ababomfi bakwe ati, ''Kutikisheni.'' Uluntu Amnoni ubwalwa bwa tampa ukumukola, elo uluntu na ndibo na myeba ati, 'Sanseni Amnoni,' eluntu mumwipaye. Mwitina. Bushe tali ni nebo nkomikonkomesha ukumwipaya? Mube fye abakukosa elo abakushipa. ²⁹ Eico kanshi ababomfi bakwa Absalomu bacitile ifyo fine Absalomu abakonkomeshe. Eluntu abana baume ba mfumu bonse baimine, banina cila umo pali punda wakwe elo no kufulumuka. ³⁰ Eico kanshi, ulo bacil mu nshila, ilyashi lyalifikile kuli Davidi ukuti, Absalomu aipaya bonse abana baume ba mfumu, elo tapali nangu fye umo uwashalapo.'' ³¹ Eluntu imfumu yataleme elo no kulepaula ififwalo fyaiko, elo no kusendama panshi; bonse ababomfi baiko bataleme mupepi ne fifwalo fyabo ifyakulepuka. ³² Yonatabu umwana mwaume wakwa Shimeya, wabo wakwa Davidi, aishile kwasuka elo no kulanda ati, ''Mwe mulopwe mwilanda ukweba ati ni bonse abana ba mfumu bepeye iyo, pantu ni Amnoni fye eufwile. Absalomu anshimikile ifi ukufuma fye pa bushiku bulya Amnoni alele na nkashi yakwe Tama. ³³ Eico kanshi mwe mulopwe imfumu yandi mwisakana ku lusebo lwa kweba ati abana baume bonse aba mfumu balifwile, pantu ni Amnoni fye eufwile.'' ³⁴ Absalom alibukile no kufumako. Umubomfi umo uwalikulonda aishile kwi nuna amenso elo abona abantu abengi munshila ku masamba yakwe bakoisa mumbali ya lupili. ³⁵ Eluntu Yonadabu aebele imfumu ati, ''Boneni, abana baume ba mfumu abo bakoisa. Nefi fyacitika ngo mwacilandila umubomfi wenu.'' ³⁶ Eico caishile kucitika uluntu fye apwishishe ukulanda, abana baume ba mfumu bafika elo no kusumbula amashiwi elo no kulila. Imfumu elo na babomfi nabo bene balilile nganshi. ³⁷ Lelo Absalomu alibukile elo no kuya kuli Talimai umwana mwaume wakwa Ammihudi, imfumu ya ku Gershur. Davidi alikulosha umwana mwaume wakwe cila bushiku. ³⁸ Eico kanshi Absalomu alibukile elo no kuya ku Gershur, uko aikele imyaka itatu. ³⁹ Eico kanshi umupashi wakwa Davidi wali kufuluka ukuya kuli Absalomu pantu balimukoseleshe ukulosha pali Amnoni elo no kufwa kwakwe.