¹ Eluntu Yahweh atumine Nathan kuli David. aishile kuli yee elo no kalanda ati, ''Kwali inshita imo abaume babili mu musumba. Umo ali umukankala elo uyu umbi ali mupina. ² Umukankala alikwete impenda iikulu iya mpanga elo ne ngombe, ³ Lelo umwaume umupina takwete nangu cimo akwetefye akakota ka mpanga, ako ashitile elo no kulisha no ku kakusha. kakuli pamo nankwe elo pamofye nabana bakwe. Aka akana ka mpanga kalelila pamo nankwe elo no kunwina kulukombo lwakwe, elo kabili kalelala mu mabiko yakwe elo kali kwati mwana umwanakshi kuli yee. ⁴ Bushiku bumo umjutandashi alishile ku mwaume umukankala, lelo uyu umwaume umukankala afililwe ukubulapo imo pa mpnga nangu ing'ombe shakwe ukuti apekanishishe umweni wakwe icakulya. Icakuti, abulile akana ka mpanga akakota aka mwaume umuoina eko aipakila umweni wakwe.'' ⁵ David aliikatwa no bukali kuli uyo mwaume umukankala, elo no kweba Nathan ati, ''Mucishinka cakuti Yahweh wa mweo, umwaume uucitile ici alingile ukufwa. ⁶ Afwile ukubweshapo impanga shine pakutita icamusango uyu, elo kabili takwatileko no mwaume umupina uluse.'' ⁷ Uluntu Nathan alandile kuli David ati, ''Niwe Ulya mwaume! Yahweh, Lesa wakwa Israeli, alandile ati, ''Nalikusubile ubufuma pa bena Israeli, elo no kukupususha mu minwe yakwa Shauli. ⁸ Nalikupele ing'anda yakwa sokulu, elo nabakashi bakwe mu maboko yobe. Lelo ngacakuti filya fyali finono, nga nalikubikilepo nefintu nafimbi. ⁹ Eico nindo wasulila ukukonkomesha kwakwa Yahweh, eico no kucita icabipa mu menso yake? Walipaya Uriah umwana Hitti kulupanga elo no kusenda umukashi wakwe ukuba umukashi obe. Wamwipaile kulupanga lwa bena Ammon. ¹⁰ Eico nomba ulupanga talwakatale fuma mu ng'anda yobe, pantu nausula nebo, elo no kusenda umukashi wakwa Uriah ukuba umukashi obe. ¹¹ Yahweh alandile ati, ''Lolesha, ndinokwimya ifimfulunganya mu ng'anda yobe. pa ntanshi ya menso yobe, Nkasenda abakashi bobe elo no kubapela ku mwina mupalamano obe, elo akalala nabakashi bobe palwalala. ¹² Ico webo wacitile ulubembu mu kufisama, lelo wene akacita ici cintu pa cinso cakwa Israeli yonse pa kasuba.''' ¹³ Eluntu David alandile kuli Nathan ati, ''Nimbembukila Yahweh.'' Nathan elo alanda kuli David ati, ''Yahweh nafumyapo ulubembu lobe. Tawaipaiwe. ¹⁴ Nomba, pa mulandu wakuti nausula Yahweh, umwana uukafyalwa kuli webo akafwa.'' ¹⁵ Eluntu Nathan afumune elo nokuya ku ng'anda. Yahweh asanshile umwana uyo umukashi wakwa Uriah afyalile David, elo alilwalishe. ¹⁶ Eluntu David apapatileko umwana kuli Lesa. David afungile elo no kuya mukati no kulala ubushiku bonse panshi. ¹⁷ Abakalamba ba n'ganda yakwe balimine no kwiminina lubali lwakwe, ku kumwimya ukufuma panshi, Lelo taleiminina, elo no kulya talelya nabena. ¹⁸ Chaishile kuba ifi pabushiku bwalenga cine lubali ulo umwana afwile . Ababomfi bakwa David bali no mwenso wakumweba ati umwana nafwa, Eico balandile ati, ''Boneni, ulo umwana acili no mweo twalilandile kuli yee, elo tabaleumfwa ishiwi lyesu. Cindo engacita ngacakuti twamweba ati umwana nafwa?!'' ¹⁹ Elo uluntu David abene aba bomfi bakwe baletepeleshanya pamo, David atontonkenye ati umwana nafwa. Alandile ku babomfi bakwe ati, ''Bushe umwana nafwa?'' bayaswike ati nafwa.'' ²⁰ Eluntu David aimine ukufuma panshi elo asamba, aisuba amafuta elo no kucinja ifyakufwala fyakwe. Aile ku ng'anda yakwa Yahweh elo ashinshimwine kulya kwine, elo uluntu abwelele ku cipango chakwe. Uluntu aipwishe pali ici babikile ifyakulya pantanshi yakwe elo alya. ²¹ Eluntu aba bomfi bakwe balandile kuli yee ati, ''Nindo mwacitila ici? Mwalifunga no kulila ulu umwana ali umutuntulu, Lelo uluntu umwana afwa mwaima no kulya.'' ²² David ayaswike ati, ''Ulu umwana acili ali no mweonalifungile elo no kulila. Nalandile ati, ''Nani eshibe ngacakuti Yahweh kuti ambelelako uluse, ukuti umwana abe no mweo?'' ²³ Lelo nomba nafwa, eico nindo nalafungila? bushe kuti namubwesha ku mweo nakabili? Nkaya kuli yee, lelo takabwele kuli nebo.'' ²⁴ David ukunkumbile Betisheba umukashi wakwe, elo aingile kuli yee no kualal nankwe, Mukuya kwanshita afyele umwana umwaume, elo no mwana ainikwe Solomon. Yahweh alimitemenwe. ²⁵ Elo atumine icebo ukupitila muli Nathan ukuti amwinike ati Jedidiah, pantu Yahweh alimutemenwe. ²⁶ Nomba Joab alwishishe Rabbah uwamu bena Ammon, elo aikete umusumba wa bufumu. ²⁷ Eico Joab atumine inkombe kuli David elo alanda ati, ''Nindwisha Rabbah, elo ninsenda umusumba wa menshi. ²⁸ Nomba longanikeni abashilika abashalapo pamo elo no kupangila umusumba inkambi, no kupoka, pantu nga napoka umusumba, ukenikwa ishina lyandi. ²⁹ Eico David alonganike abashilika pamo no kuya kuli Rabbah; alwishishe umusumba elo no kuwikata. ³⁰ David afulile icisote ukufuma ku mutwe wa mfumu yabo-cafinine nga golide, elo mwali ne libwe ilya luma umutengo. Icisote ca bufumu cabikilwe ku mutwe wakwa David. Eluntu apokolwele ifya kutapa ifyali mu musumba ifingi. ³¹ Abulile abantu abali mu musumba elo no kuba patikisha ukubomba umulimo wa kupanga ifyela ifyatwa no kuputua amabwe, elo no kupanga amasembe; na kabili alebabomfya ukupanga injelwa. David alefwaya imisumba yonse iya bantu bamu Ammon ukubomba uyu mulimo. Eluntu David elo ne fitafyonse babwelelemo ku Yerusalemu.