Nchamupati wabasikwiimba; kuzilizyo zili aatukole, zyakachitwa mubwiie bwaSyeminiti. Intembawuzyo yaDevidi. ¹ Jehova, utandikalalili mukunyema kwako na kundilaya mubukali bwako. ² Koba aaluse kulindime, Jehova, nkaambo ndilimuteteete; ndiponie, Jehova, nkaambo afuwa angu alakankama. ³ Muuya wangu wapenzegwe kapati. Pesi webo, Jehova - eezi ziyooyinkilila kusika lili? ⁴ Boola, Jehova! ndiwununune. Ndivune akaambo kabusyomesi bwachikonke chako! ⁵ Nkaambo mulufu takwe noyooyeegwa pe. MuSyiyoli ngwani utakakulumbe. ⁶ Ndakatala akulila kwangu. Mansiku woonse ndilazuzya bulo bwangu amisozi; amisozi yangu ndilazuzya musego wangu. ⁷ Menso angu alabundulata abuusu; alalengwaana akaambo kabasinkondoma bangu. ⁸ Kamuzwa kulindime, moonse nimuchita bubi; nkaambo Jehova wamvwa musabilo wakulila kwangu. ⁹ Jehova wamvwa lukumbilo lwaluse lwangu; Jehova watambula nkombyo yangu. ¹⁰ Boonse basinkondoma bangu bayoowugwa nsoni akupenzegwa kapati. Bayooboola alimwi bayoonyanisigwa kufwambana.