¹ Tusimpi twaSolomon mwana mulombe wa Devidi, mwami wa Izilayeli. ² Ootu ntusimpi twakuyiisya busongo alulayo, kuyiisya majwi akumvwisya. ³ Batambula lulayo lwakuchenjela, bululami, ambeta, abololoki. ⁴ Ootu ntusimpi atulako twakupa busongo , allimwi kupa luzibo alumvwisyo kuli bachikula. ⁵ Basongo ngabaswilile alimwi bakaliyungizya lwiiyo lwabo, alimwi basimaanu balalijanina lulayo, ⁶ kumvwisya tusimpi otu, zikozyanyo, alimwi majwi abasongo atulabiko twabo. ⁷ Kuyoowa Jehova matalikilo aluzibo - bafubafuba balasampawula busongo alulayo. ⁸ Mwana wangu mulombe, swilila milayo yawuso alimwi utasowi mulawo wabaamako; ⁹ bayooba mbuli ngala zyamuutwe wako aluwenje lulengelela kuzwa mumukosi wako. ¹⁰ Mwanangu mulombe, kuti basizibi beezya kukubikka muzibi zyabo, ukakaake kubatobela. ¹¹ Kuti bati, ''Kweza aswebo, atulale tulinde bulowa, atuyube alimwi tujate bantu batakwe kampenda nkabatakwe nchibachitide; ¹² Akube kuti tubamene nkabachipona, mbuli kachimvumwe mbagwisya abo baponi; alimwi tubachite mbuli abo biinka aansi mudindi lyabafu. ¹³ Tuyojaya zyoonse zintu ziyandikana; ¹⁴ Waala chisolo chako mulindiswe alimwi tuyooba achikwana chomwe antoomwe''-- ¹⁵ mwanangu mulombe, utakeendi ansi munzila ambabo; utakazumizyi kuulu kwako kuti kukalyate mpobalyata; ¹⁶ mawulu aabo alachijanina kububi alimwi alafwambana kukuyotila bulowa. ¹⁷ Nkaambo tazilikabotu kuteya kazamba kunembo akayuni. ¹⁸ Aba bantu balala nkabalindide bulowa bwabo -- balajata buumi bwabo beni. ¹⁹ Aboobo mbuzibede inzila zyabantu boonse babotelwa alupyopyongano; abo bataluleme balajaya abo bajatilila mulinzizyo. ²⁰ Busongo buliita chakompolola mumigwagwa, buloongolola mumasambalilo; ²¹ amitwe yamadolopo alalompololo ulakwiila anze, kumanjililo adolopo lyamulyango balaamba kuti, ²² ''Mulaleka lili inywebo nobantu nimutazi, mulayandisya masampu, muyokkala na mukusampawula, alimwi muyoleka lili inywebo nobafubafuba, mulaleka lili kusula luzibo? ²³ Amusole kutapatila kwangu; ndiyotulida muuya wangu kuli ndinywe; ndiyochita kuti imajwi angu azibinkane kulinduwe. ²⁴ Ndakakwiita, alimwi wakakkaka kundiswilila; ndakatandabika ijanza lyangu, pesi taakwe wakandiswilila pe. ²⁵ Pesi mwakasampawula lulayo lwangu loonseni alimwi temwakaswilila kuchenjezya kwangu. ²⁶ Ndiyoseka mapenzi eenu, njomusampawula chiindi chakuyoowa kwenu -- ²⁷ eelyo buyoofu bwenu buyooza mbuli guwo alimwi mapenzi enu mbuli kambizi, elyo nimuyopenga akuchiswa mumyoyo yenu. ²⁸ Mpawo bayondiita, alimwi nsikoyobavwiila pe; bayondiyanduula, pesi tabakoyondijana pe. ²⁹ Nkambo bakasowa luzibo alimwi tebakaba akuyoowa Jehova pe, ³⁰ tabakoyotobela milzyo yangu pe, alimwi bakanyansya milawu yangu yoonse. ³¹ Bayolya michelo yanzila zyabo, alimwi amichelo yamakanze abo bayozuzikizya. ³² Nkambo batezi balajayigwa kuti basiya nzila, alimwi kulyiiba kwabatezi kuyobajaya. ³³ Pesi kuloyo ayoyo uswilila kulindime bayokkala kabotu alimwi bayooba aluumuno kaatakwe ntenda.''