¹ Chilengano cha Obbadiya. Mwami Jehova wakamba ezi atala a Edomu: Twakambwa makani kuzwa kuli Jehova alimwi mwiminizi wakali watumwa akati kamanyika, kawamba kuti, "Munyampuke! Ngatunyampuke tulangane anguwe tulwane!" ² Amulange, ndiyomuchita kuti mukabe bache akati kamanyika; muyonyansigwa kapati. ³ Kulisumpula kwamyoyo yanu kwamwena lwanu, inywebo nimukkala mung'anzi zyamabwe, mumyunzi yenu milamfu; nimwamba kuti mumyoyo yenu, "Ngwani uyotuselusizya ansi?" ⁴ Nikuba kuti mulikulu mbuli lubanze alimwi nikuba zizumbo zyenu zibikidwe kujulu akati kanyenyezi, njomuselusya kuzwa nkukoko, mbwawamba Jehova. ⁵ Kuti basikubba basika kulinduwe, kuti bafumpi basika mansiku-mbubuli mbonga ulanyonyoonwa!- tabakonga balakubbida na mubwingi mbuli mbubanoli bayanda? Kuti basikutebula misansai baza kuli nduwe, tabakonga balasiya na nacheya masansa? ⁶ Mbuli Isawu mbwakali walangisigwa, buvubi bwakwe bwakasisidwe bwakayolwa! ⁷ Bonse balumi mbozuminene abo chizuminano bayokutumina munzila yako kuyosika kumugano. Balumi bakali alumuno anduwe bakakweena, alimwi bakubukila. Abo balya chinkwa chako bakateya kakole munsi lyako. Takwe kumvwisisisya mulinguwe. ⁸ "Nsikoyonyonyona na mubuzuba obo," mbwaamba Jehova, balumi bapampu kuzwa ku Edomu alimwi akumvwisisisya kuzwa muchilundu cha Isawu? ⁹ Baalumi benu basinguzu bayokanduka, Tamani, kuchitila kuti bonse baalumi benu bakagonkwe kuzwa kuchilundu cha Isawu akujayigwa. ¹⁰ Nkambo kankondo yakachitwa kumupati wako Jakkobbu, muyovumbwa ansoni, alimwi muyogonkwa kwalyoonse. ¹¹ Mubuzuba niwakimikila kumbali, mubuzuba bazwakule nibakabweza buvubi bwakwe, alimwi beenzu nibakanjila kumilyango yakwe, alimwi bakawala chisolo nkambo ka Jelusalemu, ayebo wakali mbuli umwi wabo. ¹² Pesi utakondelelwi buzuba bwamupati wako, mubuzuba mbuzyatamwendela kabotu, alimwi utakondelelwi aatala abantu ba Juda mubuzuba bwalunyonyooko lwabo; utakali sumpuli mubuzuba bwamapenzi aabo. ¹³ Utakanjili kumilyango yabantu bangu mubuzuba bwamafwabi aabo; utakakondelelwi aatala mbubapenga mubuzuba bwamapenzi aabo, utakayoli buvubi bwabo mubuzuba bwamafwabi aabo. ¹⁴ Utayimikili awanzanina migwagwa kuti ugonkelansi basikuloboka, alimwi utakaabi aabo basyede kabapona mubuzuba bwamapenzi. ¹⁵ Nkambo buzuba bwa Jehova bulafwifwi atala amanyika woonse. Mbuli mbomwachita, ziyochitwa mbubo kulindinywe; michito yenu iyomubolela amitwe yenu. ¹⁶ Nkambo mbuli mbomwakanywa achilundu changu chisalala, mbombubo amanyika amwi woonse ayonywa kwalyoonse. Bayonywa bakamene alimwi kuyobanga mbuli takwepe anibakaponede. ¹⁷ Pesi Muchilundu cha Ziyoni kuyoba abo batakasyale alimwi chiyosalala; alimwi ang'anda ya Jakkobbu iyovuba buvubi bwayo. ¹⁸ Ing'anda ya Jakkobbu iyoba mulilo, alimwi ing'anda ya Jozefu iyoba mabangabanga, alimwi ing'anda ya Isawu iyoba zisiko ziyumide, alimwi bayobatenta, mpawo bayobamena. Takukoyoba naba upona kung'anda ya Isawu, nkambo Jehova mbwawamba obu.'' ¹⁹ Bantu bazwa ku Negevu bayopenzya chilundu cha Isawu alimwi bantu bakumasena akumusanza bayovuba nyika yaba Filisitiya. Bayovuba nyika ya Efulemu alimwi anyika ya Samaliya, alimwi Bbenjamini uyovuba Giliyadi. ²⁰ Basale balikunyika zimbi babasilumamba babantu ba Izilayeli bayovuba nyika yaKkenani kuyosika kule mbuli ku Zalefati. Balikumanyika aku Jelusalemu, abo bali mu Sefaladi, bayovuba madolopo aku Negevu. ²¹ Basikubavuna bayotanta ku Chilundu cha Ziyoni kuti bakendelezye aatala akalundu kanyika ya Isawu, alimwi abwamwi buyoba ba Jehova.