¹ Mozesi wakambula kubazululi bamikowa yabantu ba Izilayeli. Wakati, ''Ezi nzizyo Jehova nzyakalayilila. ² Eelyo na muntu wapanga chisyomezyo kuli Jehova, nanka kukonka chikonke chakulyanga achisyomezyo chakulyanga tayelede kuleka majwi ngakaamba. Uyelede kubamba chisyomezyo chakwe kukuchita zyonse zyazwa kumulomo wakwe. ³ Eelyo mwanakazi munini uchikkala abazyali bakwe kuti wapanga chikonke kuli Jehova akulyaanga lwakwe mwini, kachili mun'anda yawisi, ⁴ na wisi wakwe wamvwa chikonke chakwe achisyomezyo nchalyanga lwakwe, kuti takwe nawamba chintu chakumubozya, elyo zyonse zikonke zinoima biyo, azyonse zikonke nzyalyangilila lwakwe zinoyimvwi. ⁵ Pesi na wisi wakwe wamukakila aawo naamvwa aatala anzizyo, takwe chazikonke zyakwe na zisyomezyo zyakwe nzyakalyaambila ziyookonzya kwimikila; Jehova uyoomulekela nkaambo wisi wakwe wamukasya. ⁶ Kuti wakwatwa amwaalumi musule lyakuchita chikonke na milomo yakwe yaamba chisyomezyo chitaluleme anchicho nchalyaanga, ⁷ alimwi mulumi wakwe naamvwa aatala anchicho pesi takwe nchaamba kulinguwe, mpawo zikonke zyakwe zyoonse ziyyoyima, alimwi zisyomezyo nzyaakalyaanga aazyo ziyooyima. ⁸ Pesi na ,ulumi wakwe wamwiimika mubuzuba nayoomvwa aatala anchicho, mpawo wamwaya chikonke nchaakachita, kwambuula kusofwede kwamilomo yakwe ankuko nkwakalyaanga, alimwi Jehova uyomwaangununa. ⁹ Pesi nichiba chikonke chamukamufu na mwanakazi wakalekwa, weelede kuchita eecho nchasyomezya. ¹⁰ Kuti mwanakazi wachita chikonke mung'anda yamulumi wakwe na wakalyaanga achisyomezyo chili aachikonke, ¹¹ alimwi mulumi wakwe wamvwa aatala anchicho pesi katakwe nchaamba kulinguwe alimwi tamukasyi, mpawo zyoonse zikonke ziyoyima. Mpawo choonse chikonke nchaakalyaanzya zhiyoyima. ¹¹ Bakabweza loonse lubono abasungwa , boonse bantu abanyama. ¹² Bakeeta basungwa, lubono, azintu zyoonse nzibakabweza kuli Mozesi, kuli Eliyeza mupayizi, alimwi akuluundu lwabantu baku Izilayeli. Bakeeta eezi kumusaasa kuntandabale yanyika ya Mowabbu, kubbazu lya Jodani afwifwi a Jelikko. ¹² Pesi na mulumi wakwe wazikasya mubuzuba nakazimvwa, mpawo kufumbwa chizwa mumulomo wakwe aatala azikonke na zisyomezyo tazikoyoyima pe. Mulumi wakwe wakazikasya, alimwi Jehova uyomwaangununa. ¹³ Chimwi chikonke achisyomezyo chimupenzya, mulumi wakwe ulachichita kuti chiime na mulumi wakwe wachimwaya. ¹⁴ Pesi na mulumi wakwe taamba chintu buzuba abuzuba, nkokwaamba kuti ulasimya zikonke azisyomezyo zyakwe zyoonse zyaanga nzyakachita, alimwi ziyoyima nkaambo takwe nchakaamba pe mubuzuba nakamvwa aatala anzizyo. ¹⁵ Na mulumi wakwe wamwaya chikonke chamwanakazi wakwe nkali wamvwa aatala anzizyo mpawo uyobweza mulandu wakwe.'' ¹⁶ Eeyi milayizyo Jehova njakaambila Mozesi kuti ayaambilizye - milayizyo aakati kamwaalumi amukakwe alimwi aakatai kawisi amwana wakwe musimbi aawo nachili musimbi mumpuli yawisi. ¹⁶ Langa, aaba banakazi bakachita kuti bantu baku Izilayeli, kwiinda kunchenjezyo ya Bbalamu, bachite chibi kuli Jehova munkani ya Pewo, eelyo bulwazi nibwakeendelela muluundu lwa Jehova . ¹⁷ Lino mpawo, jaya woonse mwaalumi mubana baniini, alimwi jaya woonse mwanakazi wakaziba mwaalumi mukulala aawe. ¹⁸ Pesi mukalibwezele lwanu nobeni boonse basimbi baniini batanaaziba mwaalumi akulala aawe. ¹⁹ Moonse nimwajaya kufumbwa muntu nikuba kuguma kufumbwa muntu wajayigwa mweelede kukkala aanze aamusaasa kwamazuba aali musanu aabili. Mubuzuba bwatatu a mubuzuba bwamusanu aabili mweelede kulisalazya a nzimwakabweza. ²⁰ Mweelede kusalazya choonse chizwaato alimwi zyoonse zichitidwe aachikumba chamunyama a boya bwampongo, alimwi zyoonse zichitidwe achisamu.'' ²¹ Eliyeza mupayizi wakati kulibasilumamba aabo bakali baya kunkondo, ''Ooyu mulawu wakaambwa ooyo Jehova ngwakapa Mozesi: ²² Ingolide, nsiliva, mukuba, butale, gabba, a liidi, ²³ alimwi zyoonse zizunda mulilo, mweelede kuzibika mumulilo, alimwi chiyoosalala. Mpawo mweelede kusalalzya zintu eezyo amanzi aakusalazya. Kufumbwa chitakonzyi kunjila mumulilo mweelede kuzisalazya amanzi aayo. ²⁴ Mweelede kusanzya zizwaato zyanu mubuzuba bwa musanu aabili, alimwi mpawo muyoosalala. Musule aboobo muyookonzya kuza mumusaasa wa Izilayeli.'' ²⁵ Mpawo Jehova wakaambula kuli Mozesi alimwi wakati, ²⁶ ''Bala zyoonse zintu eezyo zyakabwezwa, zyoonse bantu abanyama. Iwe a Eliyeza mupayizi alimwi abasilutwe bampuli zyamizimu yamikowa ²⁷ beeled kwaanzania lubono lwakajanika muzipanzi zyobile. Anzaania aakati kabasilumamba aabo bakiinkide kuyolwana alimwi aluundu loonse. ²⁸ Mpawo waambe mutelo ngwesipegwe kuzwa kulibasilumamba bakiinkide aanze kuyoolwana. Ooyu mutelo weelede kuba uumwi muli iimwi ayimwi ilimyaanda musanu, ukonzya kuba bantu, n'ombe, madonki, mbelele, na mpongo. ²⁹ Bweza mutelo ooyu kuzwa kuchisela chabo alimwi wuupe Eliyeza mupayizi mbuli chipo chitapedekezegwe kuli ndime. ³⁰ Alubo kuzwa kuchisela chabantu ba Izila.yeli, weelede kubweza uumwi kuzwa kulizimwi azimwi zili makkumi musanu - kuzwa kubantu, n'ombe, madonki, mbelele, a mpongo. Pa eezi ku ba Levi aabo babamba chikombelo changu.'' ³¹ Aboobo Mozesi a Eliyeza mupayizi bakachita mbuboobo Jehova mbakali walayilila Mozesi ³² Lino lubono lwakachaala kuli oolo lwakali lwabwezwa abasilumamba lwakali mbelele zili 675,000 (zyuulu zili musanu achimwi chili aamyaanda iii musanu ayibili amusanu), ³³ zyuulu makkumi musanu aali aabili azibili zyan'ombe, ³⁴ zyuulu makkumi musanu achimwi akkumi lyomwe lyamadonki, ³⁵ alimwi zyuulu makkumi otatweamakkumi obile zyabanakazi bakatanaziba mwaalumi mukulala anguwe. ³⁶ Ichisela chakabambilidwe basilumamba chakalikweela mbelele zili 337,000, ³⁷ ooko kwakazwa chipanzi cha Jehova chambelele zyakali 675. ³⁸ In'ombe zyakali zyuulu zili makkumi otatwe amusanu achimwi ooko kwakazwa chipanzi cha Jehova chakali makkumi musanu aabili azibili. ³⁹ Madonki akali 30,500 ooko kwakazwa chipanzi cha Jehova chakali makkumi musanu alimwi akamwi. ⁴⁰ Bantu bakali zyuulu zili kkumi amusanu achimwi zyabanakazi ooko kwakazwa chipanzi cha Jehova chakali makkumi otatwe azibili. ⁴¹ Mozesi wakabweza mutelo ooyo wakeelede kuba chipo chipedekezegwa kuli Jehova, wakachipa kuli Eliyeza mupayizi, mbuli Jehova mbakalayililide Mozesi. ⁴² Mbuli kuchisela chabantu baku Izilayeli eecho Mozesi nchakali wabweza kuzwa kuli basilumamba bakali baya kunkondo - ⁴³ chisela chaluundu chakali 337,500 chambelele, ⁴⁴ zyuulu zili makkumi otatwe amusanu achimwi zya n'ombe, ⁴⁵ 30,500 madonki, ⁴⁶ alimwi zyuulu zili kkumi amusanu achimwi chabanakazi. ⁴⁷ Kuzwa kuchisela chabantu baku Izilayeli, Mozesi wakabweza chimwi kuli zimwi azimwi zili makkumi musanu, koonse kubantu a kubanyama. Wakazipa kuba Levi aabo bakali kubamba chikombelo cha Jehova, mbuli Jehova mbakali wamulayilila kuti achite. ⁴⁸ Mpawo basilutwe balumamba, balayilizi bakali kwiinda zyuulu alimwi biiminizi bakali kwiinda myaanda, bakaza kuli Mozesi. Bakati kulinguwe, ⁴⁹ ''Bazike bako babala basilumamba bali munsi lya bulayilizi bwesu, alimwi takwe naba omwe mwaalumi wabulika. ⁵⁰ Tweeta chipo cha Jehova, eecho awumwi mwaalumi nchaajana, zintu zya ngolide, maleti alimwi anchoko, nweenwe zya siginet, madikezi, alimwi aminkonde, kuti tulichitile zibombyo kunembo lya Jehova.'' ⁵¹ Mozesi a Eliyeza mupayizi bakatambula kuzwa kulimbabo ingolide alimwi zyoonse zintu zyabubezi. ⁵² Yoonse ngolide yazipo eezyo nzibakapa kuli Jehova - zipo zyakazwa ku balayilizi balumamba zyuulu a kubiiminizi ba myaanda - zyakali kulema ma syekeli 16,750. ⁵³ Awumwi silumamba wakali wabweza lubono, awumwi mwaalumi walibwezela. ⁵⁴ Mozesi a Eliyeza mupayizi bakabweza ngolide kuzwa ku balyilizi ba zyuulu zyalumamba alimwi akubiiminizi ba myaanda. Bakayitola mutente lyakuswaninana mbuli chiyeezyo cha Jehova chabantu baku Izilayeli.