¹ Lino chakaba kuti Jesu nakamana majwi aya oonse, wakati kuli basikwiya bakwe, ² ''Mulizi kuti kwayinda mazuba abili pobwe lyakwindilila ngalyasika, e;yo Mwana Muntu waabwa kuti akagankaminwe.'' ³ Mpawo mupayizi mupati abapati bamwi babantu bakali bungene aantomwe mungánda yamuapyizi silutwe, wakalikutegwa ngu Kkayafasi. ⁴ Bakalangula inzila isisikene kabali antomwe kuti bamwange Jesu chakumubba akuyomujaya. ⁵ Nkambo bakali kwamba kuti, ''kutabi chiindi chapobwe litakwe bumena, kuti kutabi kunyongana akati kabantu.'' ⁶ Lino Jesu nakali mu Bbetani mungánda ya Sayimoni sichinsenda, ⁷ Nakalikulya atafula, elyo kwakasika mwanakazi wakajisi cinkuli wamafuta adula, elyo wakatila Jesu amutwe ⁸ Pesi basikwiya bakwe nibakaziba, bakabilila alimwi bakati, ⁹ ''Ninzi chapa kuti aanyonyone obu ? Ayaa alikuzigwa amali inyingi akuyopa bachete.'' ¹⁰ Pesi Jesu nakaziba echi wakati kulimbabo, ''Nkambonzi nimumukatazya mwanakazi ooyu ? Nkambo wandichitila chintu chibotu. ¹¹ Bachete mulaabo chiindi chonse, pesi tamukoyooba andime pe chindi choonse. ¹² Nkambo mpatila mafuta aya amubili wangu, wazichitila kuzikwa kwangu ¹³ kasimpe ndamwambila kuti kufumbwa nkwayokambawukwa makani mabotu, munyika yoonse echi nchaachita mwanakazi oyu chinoyowambwa kuti bakamwibaluke. ¹⁴ Mpawo umwi wabali kkumi ababili, wakali kuteghwa Judasi sikaliyoti, wakayinka kumupayizi mupati ¹⁵ Alimwi wakati, ''Ninzi nchimuyanda kundipa kuti ndimwabe kulindinywe?'' Bakazuminana makumi ataatu ansiliva kuti bamupe. ¹⁶ Kuzwa kuleechochindi wakalangula mwenya wakumwaba kulimbabo. ¹⁷ Lino mubuzuba butaanzibwachinkwa chitakwe bumena basikwiya bakaza kuli Jesu akumwambila kuti, ''Nkukuli nkoyanda kuti tukakubambilile kuti ukalye pobwe lyakwindilila? ¹⁸ Wakamba kuti, ''Ngamwinke mumyuunzi kuli umwi mwalumi akumwambila kuti, ''Muyisi wati, ''chindi changu chaba mumaanza. Ndiyobamba ipobwe lyakwindilila kungánda yako abasikwiya bangu. ¹⁹ Basikwiya bakachita mbuli Jesu mbwakabalayilila, alimwi bakakubamba kulya kwapobwe lyakwindilila. ²⁰ Lino nichakaba chindi chagoko, wakakkala aansi kuti alye abasikwiya balikkumi ababili. ²¹ Awo nibakali kulya, wakabambila kuti, ''Nkasimpe ndamwambila kuti umwi wanu uyondaaba.'' ²² Bakawusa kapati, elyo umwi wakatalika kumubuzya kuti, ''Zyanchonzyo tendime na Mwami?'' ²³ Wakasandula kati, ''Ngumwi oyo unika kuboko kwakwe andime mukabbavu ngonguwe uyondaaba. ²⁴ Mwana Muntu uleenda, mbuli mbukulembedwe atala anguwe, pesi maawe kulooyo muntu uwaaba Mwana a Muntu ! Chalikubota kuloyo muntu natakazyalwa.'' ²⁵ Judasi oyo wakali wakayanda kuyomuuzya wakati, ''Ndime na, Mwami ?'' wakamwambila kuti, ''walyambila olikke.'' ²⁶ Kabalimukulya, Jesu wakabweza chinkwa, wachilongezya, akuchikwamuna. Wakachipa basikwiya akubambila kuti, ''Mubweze, mulye. Ooyu ngomubili wangu.'' ²⁷ Wakabweza nkomeki akulumba, alimwi wakabapa akwamba kuti, ''Munywe, moonse. ²⁸ Nkambo obumbulowa bwangu bwachizuminano butililwa bayingi kuti balekelelwe zibi. ²⁹ Pesi ndimwambila kuti, tandi koyonywa limbi muchelo wamasansa, kusikila mubuzuba obo mbwintakanywe bupya andinywe mu Bwami bwa Taata.'' ³⁰ Lino nibakazwa kwimba lwiimbo, bakayinka kuchilundu chama oliva. ³¹ Mpawo Jesu wakabambila kuti, ''moonse muyolebwa mansiku aano nkambo kandime, nkambo kuli lembedwe kuti, Ndiyowuma mwembeli alimwi butanga bwambelele buyomwayika.' ³² Pesi musule ndakubusigwa, ndiyomusangunina kuya mu Galili.'' ³³ Pesi Pita wakati kulinguwe, ''Nekuba boonse balebwa nkambo kanduwe, mebo andike tandikoyolebwa pe.'' ³⁴ Jesu wakamwambila kuti, ''chakasimpe ndakwambila kuti, busiku mbubobuno, mukombwe katana kukokolika, unoli wandikaka tutaatu.'' ³⁵ Pita wakamwambila kuti, ''Nikuba kufwa anduwe ndilakonzya, nsikoyokukaka pe. ''Boonse basikwiya bakamba chomwe. ³⁶ Mpawo Jesu wakinkabo kubusena ibutegwa Gesemane alimwi wakati kuli basikwiiya bakwe, ''Amukkale aano ninchiya kukukomba.'' ³⁷ Wakabweza Pita abana ba Zebbedi babili antoomwe anguwe alimwi bakatalika kuba amawuse aku katazika. ³⁸ Mpawo wakati kuli mbabo, ''Muuya wangu wawusa kapati, nikuba kusikila akulufu. Amuchale ano alimwi mulindile.'' ³⁹ Wakayinka anembo kulekule, wakakotamika busyu bwakwe, akukomba wakamba kuti, ''Taata, na chakonzeka, nkomeki eyi ngindiinde. Pesi, kutabi kuyanda kwangu, pesi kube kuyanda kwako. ⁴⁰ Wakaboola kuli basikwiya akubajanabalimukoona, alimwi wakati kuli Pita, ''Niinzi, sa tamukonzyi kulindila andime hoola limwi ? ⁴¹ Amulindile akukomba kuti mutanjilinmukusunkwa. Nchoonzyo Muuya ulayanda, pesi mubili wezuuka.'' ⁴² Wakayinka lwachibili akuyokoomba. Wakamba kuti, ''Taata, kuti echi tachikonzeki kwinda kumbali kwakuti ndinywe, kuyanda kwako kuchitwe. ⁴³ Wakaza lubo wazobajana balikoona, nkambo meso aabo akali alema. ⁴⁴ Wakabasiya lubo, wakayinka akuyokoomba kachitaatu, kayindulula majwi omwe. ⁴⁵ Mpawo Jesu wakeza kuli basikwiya akubambila kuti, ''Muchoona na akulyokezya ? Amulange, hola lyaba mumaboko, alimwi Mwana Muntu waabwa mumaboko abasizibi ⁴⁶ Mubuke, twinkeAmulange, oyo sikundaaba waba afwifwi.'' ⁴⁷ Nakachili kwambula, Judasi, umwi wabali kkumi awumwi, wakasika, wakaaza amakamu makamu abantu kuzwa kumupayizi mupati abapati babantu. Bakeza amafulo enkoli. ⁴⁸ Lino oyo mwalumi wakali kuyanda kuuzya Jesu wakali bapede chitondezyo, chamba kuti, ''oyo ngwensikamyonte ngonguwe. Mukamuvumpile.'' ⁴⁹ Mpawawo wakasika kuli Jesu akwamba kuti, ''Wapona, Omuyisi !'' akumumyonta. ⁵⁰ Jesu wakamwambila kuti, ''Mweenzuma, chita echo nchwazida kuzochita.'' mpawo bakasika, babika maanza ali Jesu, akumuvuntila. ⁵¹ Amulange, umwi wababo bakali a Jesu wakatandabika janza lyakwe, wasomona kafulo, akuma muzike wamupayizi mupati,akumudyunkula kutwi kwakwe. ⁵² Mpawo Jesu wakati kulinguwe, ''Bwedezya kafulo kako muchibikilo chako, nkambo boonse abo babweza tufulo bayolobesegwa atufulo. ⁵³ Muyeeye kuti tendali kukonzya na kwiita Taata, alimwi walikunditumina baangelo bayinda myuya mibi ilikkumi ayibili ? ⁵⁴ Pesi alikuyo zuzikizigwa biyeni malembe, ''kuti echi chichitike?'' ⁵⁵ Kuleecho chindi Jesu wakati kumakamu abantu, ''Mwaaza azifulo enkoli kuti muzondivuntile mbotatedi ndimubbi? Mazuba oonse ndakali kuyiisya mungánda ya Leza, alimwi tamwakandaanga pe. ⁵⁶ Pesi zyoonse eezi zyachitika kuti malembe amusinsimi azuzikizigwe. ''Mpawo basikwiya boonse bakamutakata akuchija. ⁵⁷ Abo bakamuvuntila Jesu bakamutola kuli Kkayafasi muapayizi mupati, oko balembi abapati nkabakabungene. ⁵⁸ Pesi Pita wakamutobelela kule kule kusikila mulubuwa lwamupayizi mupati. Wakanjila mukati akukkala aansi abasikulinda kuti abone chitachitike. ⁵⁹ Lino mupayizi mupati abankuta boonse bakali kulangila bukamboni bwakubeja aatala a Jesu kuti bakonzye kumubika kulufu. ⁶⁰ Takwepe nchibakajana, nekuba kuti bakamboni bakubeja bakeza. Pesi nichakaba chiindi babili bakasika. ⁶¹ Akwamba kuti, ''Oyu mwalumi wakali kuti, 'Ndilakonzya kumwayula ngánda ya Leza akwiyakulula mumazuba ataatu.'' ⁶² Mupayizi mupati wakimikila akumwambila kuti, ''Tukwe nsandulo na?'' Niinzi zyoonse eezi nzibalokukukwambila atala anduwe?'' ⁶³ Pesi Jesu wakawumuna. Mupayizi mupati wakamwambila kuti, ''Ndakulayilila muli Leza upona, twambile na nduwe Kkilisito, Mwana a Leza.'' ⁶⁴ Jesu wakamuvwiila kati, ''wamba nduwe omwini. Pesi ndakwambila, kuzwa lino uyoobona Mwan Muntu kakkede kukuboko kwachilisyo kwenguzu, akuyoboola mumayooba akujulu.'' ⁶⁵ Mpawo mupayizi mupati wakadelula zisamo zyakwe akwamba kuti, ''wambula masampu ! Nkambonzi nituchiyanda bukamboni ? Amulange lino mwamvwa masampu. ⁶⁶ Muyeyaanzi ? Bakasandula akwamba kuti, ''Welede lufu.'' ⁶⁷ Mpawo bakamuswida kumeso akumuuma, akumuvatula mabbayi, ⁶⁸ akwamba kuti, ''Tusinsimine, webo Kkilisito. Ngwani wakuuma ?'' ⁶⁹ Lino Pita wakalikkede aanze mukati kalubbaya lwankuta, elyo mulanda musimbi wakasika kulinguwe akumwambila kuti, ''wakalawe Jesu mu Galili.'' ⁷⁰ Pesi wakazikaka kunembo lyabo boonse kaamba kati, ''tandizizi pe eezyo nzyolikwamba.'' ⁷¹ Lino nakazwa anze amulyango walubaya, awumwi musimbi mulanda wakamubona akwambila abo mbakalabo, ''Ooyu mwalumi wakali awe Jesu waku Nazaleta.'' ⁷² Wakakaka lubo chakukonka, ''tandimuzipe me mwalumi ooyu.'' ⁷³ Musule lyakayindi abo bakalimvwi bakasika akwamba kuti kuli Pita, ''Nchamasimpe uli umwi wabo, nkambo nzila njowambula ayo ilakwamba.'' ⁷⁴ Mpawo wakatalika kutukila akukonka, ''tandimuzi pe mwalumi oyu,'' alimwi mpawawo mukombwe waka kokolika. ⁷⁵ Pita wakayeeya majwi Jesu ngakaambide, ''mukombwe katana kokolika uyonditama tutatu.'' Mpawo wakaya aanze wakutalika kweema.