¹ Lino musule azyoonse eezi, Mwami wakasala bambi basika makkumi mousanu amakumi aabili, [amwi malembe manji achiindi aamba kuti makumi usanu aabili pesi amwi ati makumi musanu ababili] mpawo wakabatuma babili babili, kunembo lyakwe kumadolopo woonse ngakalangilide kwiinda mulingawo. ² Wakati kulimbabo, "Butebuzi mbunji loko, pesi babelesi mbache. Aboobo amukumbile kuli Leza wabutezi kuti atumine babelesi kumuunda wakwe. ³ Amwinke munzila yanu. Amulange ndamutuma mbuli mbelele akati kabawumpe. ⁴ Tamubwezi nkomwe yamali, tamubwezi zikwama, tamubwezi nsangu, mpawo tamujuzyi bantu munzila. ⁵ Kufumbwa ng'anda njimuyonjila, amukasangune akuti, "Luumuno alube aatala ang'and eeyi!' ⁶ Na kakuli muntu waluumuno aawo, luumuno lwenu luyokkala aalinguwe, pesi kuti kaatakwe, luyoobola kulindinywe. ⁷ Amukakkale mung'anda eeyo kamulya akunywa eezyo nzibayoomupa, nkaambo mubelesi uleelede mufolo walkwe. Tamukeendi kuzwa kulimwi ng'anda kuya kuliimbi. ⁸ Kufumbwa dolopo ndimuyoonjila, bakamutambule, amukalye eezyo nzibatakamupe, ⁹ mpawo mukasilike bachiswa aawo. Amukatedi kulmbabo, 'Bwami bwa Leza bwasika afwiifwi andinywe.' ¹⁰ Kufumbwa dolo[o ndimuyoonjila, bakakake kumutambula, amukayinke mumigwagwa mukatedi, ¹¹ 'Nikuba lusuko lwamudolopo lyenu lwajatilila kumawulu eesu tulalukunkumuna kunembo lyenu! Pesi amuzibe eechi: Bwami bwa Leza bwasika afwiifwi.' ¹² Ndamwaambila kuti nibwayoosika buzuba bwakubetekwa kuyoba mbubo ku Sodoma kwiinda eelyo dolopo. ¹³ Mapenzi kulinduwe, Kkolazini! Mapenzi kulinduwe, Bbetisayida! Na milimu mipati yakachitwa mulindinywe yakali yachitwa mu Taya amu Sidon, nibanga bakasanduka chiindi loko, kabakkede muzizwato zyamasaka akulinana dota. ¹⁴ Pesi chiyoba mbubo ku Taya a Sidon kwiinda ndinywe. ¹⁵ Iwe, Kkapenawuma, uyeeya kuti uzosumpwidwa kujulu na? Pepe, uzoboozegwa aansi ku Hadesi. ¹⁶ Ooyo uyoomuswiilila waswiilila ndime, ayooyo uyoomukaka wakaka ndime, aboobo ooyo undikaka wakaka awakandituma." ¹⁷ Aaba balimakumi musanu amakumi aabili nakaboola lkabali mulukondo, kabaamba kuti, "Mwami, abadayimona boonse bakali kutuswiilila muzina lyako." ¹⁸ Jesu wakasandula kati, "Ndalikweeba Satani kawa kuzwa kujulu mbuli kalabi. ¹⁹ Amulange ndamupa manguzu aakulyata aatala anzoka atubanze, anguuzu zyoonse kwiinda zyasinkondonyokwe, alimwi taakwe nikuba muliili nzila chiyoomuchisa. ²⁰ Nikuliboobo tamukondwi loko kuli zeezi azilike, pesi amupakale nkaambo mazina aanu alembwa kujulu." ²¹ Kuchiindi nchincheecho wakabotelwa loko mu Muuya Uusalala, mpawo wakati, "Ndakutembawula, Taata, Mwami wa julu anyika, nkaambo wakasisa zikntu eezi kulibasibusongo akumvwisisisya, mpawo waziyubununa kuli aabo batayisizigwe, mbuli bana baniini. Iyii, Taata, kakuliboobo chalikubotezya kubusyu bwako." ²² Zintu zyoonse zyapegwa kulindime kuzwa kuli Taata, alimwi taakwe uuzi Mwana kuti ngwani kunze kwa Taata, mpawo taakwe uuzi kuti Taata ngwani kunze kwa Mwana akuli wooyo Mwana ngasala kuybunwida." ²³ Mpawo wakachengunukila kuli basikwiiya bakwe mpawo wabaambila chansiswa kuti, "Balilongezezegwe aabo babona nzimubona. ²⁴ Ndati kulindinywe, kuli basinsimi biingi bakali aachiyandsyo chakubona nzimubona, pesi taakwe nibakazibona pe, akumvwa zintu nzimumvwa, pesi, taakwe nibakazimvwa pe. ²⁵ Amulange umwi muyiisyi wamilawu yachi Juda, wakanyampuka kayanda kumusunka, wakati, "Muyiisyi, niinzi nchenga ndilachita kuti ndijane buumi butamani?" ²⁶ Jesu wakamusandula wati, "Kulembedwe kutyeni mumulawu? Muubala biyeni?" ²⁷ Naakasandula wakati, "Yanda Mwami Leza wako amoyo wako woonse, amuuya wako woonse, anguzu zyako zyoonse, akuyeeya kwako koonse, mpawo uyande simabambanwa wako mbuli mbmoliyanda omwini." ²⁸ Jesu wakatgu kulinguwe, "Wasandula kabotu. Zichite eei ulapona." ²⁹ Pesi muyiisyi ooyu, nakalikweezya kulilwanina wakabuzya lubo kuli Jesu wati, "Animpo simabambanwa wangu ngwani?" ³⁰ Kalikumusandula Jesu wakati, "Umwi mwaalumi wakalikuyabuselela kazwa ku Jelusalema katozya ku Jelikko, wakaswaana babbi bakamubbida zintu zyakwe, mpawo bakamuuma bamusiya kali waamba kufwa. ³¹ Muchoolwe umwi mupayizi wakalikuyabweenda anzila njiyeeyo, mpawo naakamubona, wakiimnda mbali. ³² Alubo mu Levi alakwe, nakasika aawo wamubona, wakiinda mbali. ³³ Pesi umwi mu Samaliya, wakali mulweendo lwakwe alakwe, wakasika aawo mpaakabede. Naakamubona wakamufwida luzyalo. ³⁴ Wakaswena aafwiifwi wamwaanga zilonda, akumutila mafuta awayini aazilonda. Wakamutansika aamunyama wakwe mpawo wamutola kung'anda yabeenzu, kuyomubamba. ³⁵ Nibwakacha wakagwisya maseleni aabili, wapa mwani muunzi mpawo wakati, "Mubambe alimwi zyoonse nzuyoobelesya kwiinda aawa, ndaboola ndizokuliya.' ³⁶ Ngwani akati kabaaba batatu, ngumunga mulayeeya kuti, ngosimabambanwa kuli ooyo pwakawumwa abasikubba?" ³⁷ Muyiisyi wakati, "Ooyo wakamutondeezya luzyalo." Jesu wakamusandula wati, "Koya ukachite mbubo ayebo." ³⁸ Lino nibakali kuyobweenda wakanjila mulilimwi gunzi, mpawo umwi mwanakazi uutegwa ngu Malita wakamutambula mung'anda. ³⁹ Wakali amwana wakwabo walikutegwa ngi Meli, ooyo wakakkala kumawu a Mwami akumvwa jwi lyakwe. ⁴⁰ Pesi Malita wakalijisinkini loko akubakutawukila kuti abape chakulya. Wakasika kuli Jesu wati, "Mwami, tokubwene na kuti mwanakesu wandilekelezya kuti ndibeleke endike? Mwaambile asike azoondoigwasye." ⁴¹ Pesi Mwami wakamusandula wati, "Malita, Malita, uli aakulikataazya azintu zyiingi, ⁴² pesi nchintu chomwe biyo chiyandikana. Meli wasala chibotu loko kwiindilila alimwi tachikwe nayoochinyanzigwa pe."