¹ Kwaakali mwaalumi munyika ya uzi wakalikutegwa Jobbu : alimwi Jobbu taakali achibi pe wakali luleme , umwi ooyo wakali kuyowa Leza wakasanduka kuzwa kububi. ² Kwakali zyedwe kuli nguwe baana balombe bali musanu ababili abasimbi batatu. ³ Wakali ambelele zyuuli zili musanu azibili, zyuulu zitatu zyambongolo,zipani myaanda musanu zyabasune, amadonki myaanda musanu alimwi abalanda bapati biingi. Wakali mwalumi mupati loko kubantu boonse bakujwe. ⁴ Kuzuba alimwi lyakutumwa kwamwana mulombe, wakali kubapa pobwe mung'anda yakwe. Bakali kutumwa akwita bachizi batatu kuti bazolye akunywa kulimbabo. ⁵ Mazuba apobwe nakamana, Jobbu wakali kubatumizya akubasalazya. Wakali kubuka kuseni loko akupa chipayizyo chuumpidwe chamusanu awumwi chamwana wakwe nkaambo wakali kwamba kuti,''Chilakonzya kuti nchiimwi chiindi baana bangu babisya akutukila Leza mumyooyo yabo,'Jobbu wakali kuchita eezi chiindi choonse. ⁶ Mpawo lyakali izuba eelyo bana baLeza bakaza kukulitula beni kunembo lyaJehova. Satan alakwe wakeza ambabo. ⁷ Jehova wakati kuli satan,'Nkukuli ooku nkuwazwida?' Mpawo satan wakasandula Jehova akwamba kuti,'Ndazwa akwendenda anyika,kuza akubweda musule akunembo aalinjiyo.'' ⁸ Jehova wakati kuli satan, wamulaanga na Jobbu mulanda wangu? Nkaambo takwe pe uuli mbuli nguwe anyika,utakwe chibi alimwi mwaalumi ululeme,uumwi ooyo uyowa Leza alimwi usandukide kuzwa kububi.'' ⁹ Mpawo satani wakasandula Jehova akwaamba kuti,''Ulamuyowa na Jobbu Leza kuti kaatakwe kaambo? ¹⁰ Taakwe nwaamubikkila chikachizyo na chimuzyungulukide ng'anda yakwe, achizyungulukide zyoonse eezyo zyakwe kuzwida kumabbazu woonse? Wakalongezya milimu yamaanza aakwe ,alimwi zivubwa zyakwe zyakazuzya inyika yoonse. ¹¹ Lino tandabika jaanza lyako ugume zyoonse nzyaali aazyo, alimwi ubone naa takwe natakutukile kumeso aako.'' ¹² Jehova wakati kuli satani,''Boona zyoonse eezyo nzyali aazyo zili mujaanza lyako.Alinguwe mwini tatandabiki pe jaanza lyako aalinguwe,'''Mpawo satani wakeenda wazwa kuzwa kubuliwo bwaJehova. ¹³ Chakasika chiindi muli limwi zuba, baana bakwe balombe abasimbi bakali kulya akunywa wayini mung'anda yamukulana wabo mupati. ¹⁴ Mutumwa wakasika kuli Jobbu akwamba kuti,''Basune bali kulima alimwi madonki ali kuchela kumbali lyabo. ¹⁵ Mpawo basebbiya bakawida alimbabo alimwi akubatola kuule. Mbuuli kubalanda bakabawumya aambali lyapanga. Ime andikke ndime nindachala kuti nkubuzye.'' ¹⁶ Naakachili kwambula umwi wakasika lubo akwamba kuti,''Mulilo waJehova waawa kuzwa kumajulu akuumpa imbeelele abalanda.Ime andikke ndime nindachaala kuti nkubuzye. ¹⁷ Naakachili kwambula, umwi wakasika lubo akwaamba kuti,''Bachalidiya bakabaamba inkamu zitatu, balwisya mbongolo alimwi bazitola kuule.Mbuli kubalanda,babaawumya aambali lyapanga.Imebo andikke ndime ndachala kuti nkubuzye.'' ¹⁸ Naakachili kwaambula mpawo uumbi wakasika lubo akwaamba kuti,''Baana bako balombe abasimbi balikulya akunywa wayini mung'anda yamukulana wabo mupati. ¹⁹ Luuwo luulanguzu lwakasika kuzwa kunkanda akuuma zyooko zine zyang'anda. Yakawida abantu baniini,alimwi bakafwa. Ime ndime andikke nindachaala kuti nkubuzye.'' ²⁰ Mpawo Jobbu wakabuka wadeluula chikobeela chakwe wapaala mutwe wakwe, walaala busyu bakwe kabulangide aansi, alimwi kalokukomba Leza. ²¹ Wakati, ''Ndakaali meeya eelyo nindakazwa aanze kuzwa mwinda lyabaama, alimwi ndiyooba meeya ndayobweda nkuko. Nguwe nguJehova wakapa, alimwi nguJehova unyanzya .Izina lyaJehova ngalilongezegwe, ²² ''Muuli zyoonse nkani eezi Jobbu taakwe nakabisya pe nikuba kutukila Leza akupa Leza mulandu.