¹ Aaya majwi aJelemiya mwana waHilikkiya, umwi wabapayizi baku Anatoti munyika ya Benjamini. ² Ijwi lyaJehova lyakasika kuli nguwe mumazuba aaJosiya mwana wa Amoni, mwana waJuda, mumunyaka wakkumi ayitatuyabweendelezi bwakwe. ³ Lyakasika lubo mumazuba aaJehoyakkimumwana wa Josiya, mwaami waJuda, mane do mumweezi wamusanu mumunyaka wakkumi alimwi waZedekkiya mwana waJosiya, mwaami waJuda, eelyo bantu baku Jelusalema nebakatoledwe mbuli baange. ⁴ Ijwi lyaJehova lyakasika kulindime, kaliti, ⁵ ''Nketana kukuchita mwida, ndakakusala; kotanazwa mwida, ndakakusalazya; ndakuchita kuti ube musinsimi kumasi.'' ⁶ ''Ah, Mwaami Jehova!'' Ndaamba kuti, ''Tandizi mbonjelede kwaambula, nkaambo ndimuniini loko.'' ⁷ Pesi Jehova wakati kulindime, ''Utaambi kuti ndimuniini loko.' Uyelede kwiinka koonse nkwendakutuma, alimwi welede kwaamba kufumbwa nchendakulayilila! ⁸ Utayoowi, nkaambo ndili aanduwe kukuvuna - aaya malayilile aaJehova.'' ⁹ Mpawo Lehova wakandisikila ajaanza lyakwe, wakaguma mulomo wangu, akwaamba kuti kulindime, ''Lino ndabika ijwi lyangu mumulomo wako. ¹⁰ Ndakusala atala amasi aatala amaami, kuyomwa akumwaya, kuyonyonyoonaakujayilizya, kuyoyaka akuzikkila.'' ¹¹ Ijwi lyaJehova lyakasika kulindime, kaliti, ''Ubweneenzi, Jelemiya?'' Ndati, ''Ndibwene mutabi wa alimondi.'' ¹² Jehova wakandaamdila kuti, ''Wabona kabotu, nkabela ndilokulangilizya aatala ejwi lyangu kutilibwezwe lyiinke.'' ¹³ Ijwi lyaJehova lyakandisikila lwabili, kalyaamba kuti, ''Ubweneenzi?'' Ndakati, ''Ndibwene chilongo chitentedwe, chisuuneme, kachilokuvunuka kuzwa kubbazu lwakunyika.'' ¹⁴ Jehova wakandaambila kuti, ''Lunyonyoono luyojulilwa kuzwa kubbazu lyakunyika aatala aboonse ibakkala muliino nyika. ¹⁵ Lino ndayita misyobo yoonse yamaami aakubbazu lyakunyika, mbwaalayilila Jehova. Ayooza, alimwi umwi awumwi uyobika chuunu chakwe chabwaami aamanjililo aamilyango wa Jelusalema kachilangene amalambo woonse aayo aazyungulukide azisi zyoonse zyaJuda. ¹⁶ Ndiyowamba chisubulo kulimbabo chabubi bwabo boonsemukunditama, mukutenta tununkilizyo kuzileza zimbi, amukukomba eezyo nzebakalipangila amaboko aabo beni. ¹⁷ Libambile iwe lyako! Nyampuka akwaamba kulimbabo kufumbwa nchendakulayila. Utakamaninwi nguzu kunembo lyabo; naa kuti ime nkakumaninsye nguzu kunembo lyabo! ¹⁸ Boona! Bona! Sunu ndakuchita chisi chilalubaya, munsende wabutale, amalamba aamundalila aazyungulukide nyika yoonse. ¹⁹ Bayookulwanisya, pesi tabayokuzunda pe, akaako ndinoli anduwe kukukuvuna - aaya ngemalayilile aaJehova.''