¹ Zintu eezyo Isaya mwana wa Amozi nzyakabona muchilengano, aatala a Juda aa Jelusalemu. ² Kuyoba kuti kumamanino aamazuba awo chilundu chang'anda ya Jehova chiyoyimikwa mbuli chilundu chilamfu chazilundu, alimwi chiyoyimikizigwa aatala lyatulundu, alimwi maasi woonse anoyobukkunka kulinjiyo. ³ Baantu banji bayosika aakwamba kuti, ''Amuze, tulayinka aatala lyachilundu cha Jehova, kung'anda ya Leza wa Jakobo, aboobo uyotwisya zimwi zyanzila zyakwe, alimwi tuyoyenda munzila zyakwe.'' nkambo mu Ziyoni muyozwa mulawu, aajwi lya Jehova kuzwa mu Jelusalemu. ⁴ Uyobeteka akati kamaasi alimwi akukosola makani kubantu banji; lino bayofula mapanga aabo aabe maamba akulimya; chisi tachikoyobweza panga lyakulwisya chiisinyina, nikuba kwiila nkondo limbi pe.' ⁵ O ng'anda ya Jakobo, amuboole, aatwende mumumuni wa Jehova. ⁶ Nkambo wabaleka bantu bako, ng'anda kakuti bazula ziyanza zyakujwe alimwi bachita busondi mbuli ba Filisitiya, aakujuzyania abana babazwakule. ⁷ Nyika yabo ilizwideansiliva angolide, alimwi buvubi bwabo tabubaliki; anyika yabo lubo ilizwide mabbiza, azilazyo nkalaki zyabo tazibaliki. ⁸ Nyika yabo ayilayo ilizwide zitombe; balakomba milimo yamaboko aabo beni, zintu eeyo minwe yabo nziyakapanga. ⁹ Bantu balavundama aansi, nkiinkaako mutababusyi. ¹⁰ Njila mukati mumasena aamabwe alimwi akuyuba mukati kasuko kuzwa kukuyoweegwa kwa Jehova aakuzwa kubulemu bwabapati bwakwe. ¹¹ Kulilemeteka kwamuntu kuyowusigwa, alimwi kulisumpula kwabantu kuyoselusigwa aansi, alimwi Jehova alike nguyosumpulwa muzuba eelyo. ¹² Nkambo kuyooba izuba lya Jehova wamakamu kuli woonse oyo ulikankayisya aakulisumpula akuli woonse oyo sichisapi -- ¹³ alimwi uyoselusigwa aansi -- alimwi akuliyoonse minsamu yamukkedali yamu Lebbanoni milamfu iisumpulwa, amibanga yaku - Bbasani. ¹⁴ Eelyo zuba lya Jehova wamakamu liyooba kuzilundu zyoonse zilamfu, aatulundu toonse tusumpulwa, ¹⁵ aamaanda malamfu woonse, amalambo woonse aabikkilwa zilwisyo, ¹⁶ amaato woonse aku Tasyisyi, akuli yoonse mitiba yakuzubusya myeebesi. ¹⁷ Mwalumi woonse ulisumpula uyoselusigwa alimwi kulilemeka lwabantu balya mayila kuyolwisigwa aansi, Jehova alikke nguyosumpulwa muzuba eelyo. ¹⁸ Zikozyanio zyamituni ziyomaninina. ¹⁹ Bantu bayonjila mumampangala kukuyoowa nulemu bwa Jehova, alimwi kuzwa kubulemu bwabupati bwakwe, eelyo buzobuka kuzoyoosya nyika. ²⁰ Mubuzuba oobo bantu bayosowa zikozyanio zyabo zyansiliva azya ngolida ezyo nzibakalilundila beeni kukuzikomba - bayozisowa basimalukwe abasimudima. ²¹ Bantu bayonjila mumalindi amumabwe, kukuzwa kukuyoosya kwa Jehova abulemu bwabupati, bwakwe nazobuka kukuyoosya nyika. ²² Amuleke kusyoma muntu, uulabuumi buli mumansyono aakwe, ulagwasyaanzi?