¹ Mumwaka wabili wamwami Daliyasi, mumwezi wamusanu akamwi, muzuba lyakutanguna lyamwezi, ijwi lya Jehova lyakasika muluboko lwa Hagayi musinsimi kumwendelezi wa Juda, Zelubbabbeli mwana mulombe wa Syelutila, akumupayizi Josyuwa mwana mulombe wa Jehozadakki, kati, ² '' Jehova wamakamu waamba oobu: Aaba bantu bati,' Teensi nchiindi chesu kuti tuuze nakuti tuuzi tuzoyake ng'anda ya Jehova'''. ³ Eelyo ijwi lya Jehova lyakeeza kwiinda muluboko lwa Haggayi musinsimi, kaliti, ⁴ ''Eechi nchechindi chanu na kukkala mumanda amanide,nekuba ng'anda eeyi ichimwayikide? ⁵ Lino Jehova wamakamu ngwawamba eezi: kamuyeya nzila zyaanu! ⁶ Wakabyala mbuto nyiingi, pesi mwaketa butebuzi mbuche; ulalya pesi tokwe zyiingi pe; ulanywa pesi tokolwi pe. Ulazwata zizwato pesi tamulikasazyi lwenu pe, alimwi ayoyo ufola mali luzutu ulabikamuchikwama chizwide mabanga! ⁷ Jehova wamakamu waamba oobu: ''Kamuyeya nzila zyaanu! ⁸ Amwinke atala lyachilundu, mukete ziyako, akuzoyaka ng'anda yangu; mpawo ndiyokondelelwa mulinjiyo, alimwi ndiyolumbayizigwa!-mbaamba Jehova.'' ⁹ ''Mwakalangilila bwiingi, pesi amubone! mwaketa tuche kumunzi, nkaambo ndakatusowela kule! Nkaambonzi?'' mbawamba Jehova wamakamu. ''Nkaambo ng'anda yangu lyakaba tongo, nkakuli awumwi awumwi wenu ulokubeleka kungánda yakwe mwini. ¹⁰ Nkaambo kaboobu imajulu nchakasizya lume kuza kulindinywe ayilayo nyika yakasya kugwisya michelo yayo. ¹¹ Ndatumina bbalangwe kunyika akuzilundu, atala lyamayila awayini mupya amafuta atala anyika zigwisya kabotu, atala lyabantu aatala lyabanyama, akumilimo yoonse yamaboko eenu!'' ¹² Mpawo Zelubbabbeli mwana mulombe wa Siyeteli, amupayizi mupati Josuwa mwana mulombe wa Jehozadaki, abantu boonse basyede, bakalemeka ijwi lya Jehova Leza wabo alimwi amajwi aHagayi musinsimi, nkaambo Jehova wabo wakamutuma alimwi bantu bakayowa busyu bwaJehova. ¹³ Mpawo Hagayi, mutumwa waJehova, wakamba milumbe ya Jehova kubantu wakati, '' Ndaanywebo!- aaya ngimalayilile aJehova!'' ¹⁴ Aboobo Jehova wakabusya muuya wamwendelezyi wa Juda, Zelubbabbeli mwana mulombe wa Setiyeli, amuuya wamupayizyi mupati Josuwa mwana mulombe wa Jehozadaki, alimwi amuuya wabantu boonse bakasyede, kuchitila kuti binke akubeleka kung'anda ya Jehova wamakamu, Leza wabo. ¹⁵ Mubuzuba bwamakumi aabili aane zuba lyamwezi wamusanu awumwi, mumwaka wabili wamwami Daliyasi.