¹ Ndiyooyimikila aachilangilo changu alimwi nkikakkale aangazi, alimwi ndiyokkala chakulangisisya kuti ndibone eezyo kulindime ambunga ndiloozya kukuliluuka kwangu. ² Jehova wakandisandula kati, ''Lemba chilenganio eechi, aboobo ulembe ziboneka aachilembelo kuti ooyo uubala kayoochijana. ³ Nkambo chilengano chilipedwe chindi chacho alimwi chiyopa bukamboni alimwi kachitakachili. Nikuba chinonoke, chilindile, nkaambo kwaambisya alimwi tachitoleki. ⁴ Langa! Oyo siziyandisyo zitaluleme mukati kakwe ulitukidwe. Pesi uululeme uloopona alusyomo lwakwe. ⁵ Nchoonzyo, mbuli wayini mbiikola, nikuba boobo mwaalumi sintaza takonzyi kukala kumuunzi. Wakachita gulyukumena lyakwe lyakwazamuka mbuli kabanda; alimwi mbuli lufu, taakwe nakuta pe. Wakabumganiya aamwi zisi zyoonse, wakalibunganinya bantu boonse kulinguwe. ⁶ Zyoonse eezi tazilobweza kasimpi alimwi chisesyo, maambila mbali aatala anguwe, kati, 'Mawe kuli ooyo uyungizya kuli zezyo zitali zyakwe! Nkambo kuyosika lili kuyungizya bulemu bwazisyomezyo nzwaakabweza? ⁷ Tazikonyampula aabo baluma kulinduwe akufwaambana, alimwi aabo bakuyoosya babusigwe na? Uyooba sikunyonyoonwa kulimbabo. ⁸ Nkaambo wakanyonyona bantu biingi, boonse bantu basyeede balokunyonyoona. Nkambo wakatila gaze lyabantu alimwi wakachita bukkali aatala anyika, madolopo, alimwi boonse bakkalamuli ngawo. ⁹ Mawe kuliyooyo ujanina mpindu iitaluleme kung'anda yakwe, aboobo kuti akabikke chiteendele ajulu kuti akalinunule kuzwa kuluboko lwabubi.' ¹⁰ Wakayeta mawuse kung'anda yakoakugonka bantu biingi, alimwi wakabisizya buumi bwako. ¹¹ Nkambo mabwe ayolila kuzwa kubulambo, alimwi minkulu yampanda iyoobavwiila, ¹² 'Mawe kuli ooyo ayaka dolopo kali aagazi, alimwi uubusya dolopo mububi,' ¹³ Tazizwi kuli Jehova waNkondo kuti bantu babelekele mulilo, alimwi zisi zilikatazizya zyabuyo? ¹⁴ Asi inyika iyozuzigwa aaluzibo lwabulemu bwaJehova mbuli maanzi mbwaajalide lwizi. ¹⁵ Mawe kuliyooyo uwangila ngwakkede aawe kuti anywe - utondezya kunyema kwako alimwi ubachite kuti bakkolwe kuchitila kuti ulange imeya zyabo.' ¹⁶ Ulozula mawuse kwiinda kuba aabulemu. Lino chaba chiindi chako! Nywa, alimwi uyootondezya kutapalulwa kwakakumba kabwaalumi! Inkomesi muluboko bwaJehova lwakuchilisyo lulooselukila nduwe, alimwi mawuse ayoojala bulemu bwako. ¹⁷ Bukkali bwakachitilwaLebbanoni buyozulila anduwe alimwi kunyonyonwa kwabanyama kulo kuyoosya. Nkaambo wakatila gazi lyabantu alimwi wakachita chabukali aatala aanyika, madolopo aboonse bapona muli ngawo. ^{18 19 20} Niinzi nzichikugwasya chituni chibezedwe? Nkaambo ooyo wakachibeza, naa ooyo uulemba chituni ansimbi iitentedwe, muyiisi wakubeja; nkambo usyoma mulimu wamaboko aakwe eelyo nnachita zintu eezi zyabuyo. Mawe ooyo uti kuchisamu, Buka! naa kubbwe lyuumwide. Konyampuka!' Zikonzya kuyiisya na zintu eezi? Langa, chiliyalilidwe angolide ansiliva, pesi buumi abuniini kulinchicho. Pesi Jehova ulimung'anda yakwe iisalala! Muumune kunembo lyakwe, nyika yoonse.