¹ Izilayeli wakasanguna lwendo lwakwe azyonse nzyakalazyo akuya ku Bbelisyeba. Oko wakakupa zipayizyo kuli Leza wa wisi Ayizeki. ² Leza wakaambula a Izilayeli muchiyubunuzyo mansiku, wakati, ''Jakobo , Jakobo.'' Wakati, ''Ndiliwaano.'' ³ Wakati ''Ndime Leza wawuso. Utayowi kuya ku Ijipiti, nkambo njokuchita chisi chipati nkuko. ⁴ Njoyenda ayebo kuyaku Ijipita, aboobo njokuboozya alimwi mpawo Jozefu uyokuvumba meso ako amaboko akwe mwini.'' ⁵ Jakobo wakabuka kuzwa ku Bbelisyeba. Bana ba Izilayeli bakamubweza Jakobo wisi wabo, bana babo, abamakayintu babo, muzikochikala ezyo Falo nzyakatumide kuzomubweza. ⁶ Bakabweza zivuubwa ambono nzibakali babungika munyika yaKkenani. ⁷ Bakasika mu Ijipita abana bakwe balumi, abana bakwe babana bakwe basimbi, aboonse balunyungu lwakwe. ⁸ Aya ngemazina abana baalumi ba Izilayeli bakaza mu Ijiputi. Jakobo azyalane lyakwe, Lubbeni, mwana mutanzi wa Jakobo; ⁹ bana ba Lubbeni, Hanoki, Palu, Heziloni, a Kkalimi; ¹⁰ ibana ba Simiyoni, Jemuyeli, Jamini, Ohadi, Jakkini, Zowali, a Shawulu, ibana bamwanakazi mu Kkenani; ¹¹ abana bamu Levi, Geshomu, Kkohati, a Melali. ¹² Ibana balombe ba Juda kwakali Elu, Onani, Shela, Pelezi, a Zela, ( pesi Elu a Onani bakali bafwa munyika ya Kkenani) Bana ba Pelezi kwakali Heziloni a Hamulu. ¹³ Ibana ba Izakka kwakali Tola, Puwa, Lobbu, a Shimuloni; ¹⁴ Ibana balombe ba Zebbuluni kwakali Seledi, Eloni, a Jaleli ¹⁵ Aba bakali bana balombe ba Liya mbakazyala kuli Jakobo mu Padani Alamu, antomwe amwana wakwe musimbi Dina. Bana bakwe balombe antomwe abasimbi bakali mukkumi atatu - abatatu ¹⁶ Ibana balombe ba Gadi kwakali Zefoni, Hagi, Shuni, Ezibboni, Eli, Alodi, a Aleli. ¹⁷ Ibana balombe ba Asha kwakali Imuna, Ishiva, Ishivi, a Bbeliya; alimwi Sela wakali muchizi wabo. Ibana balombe ba Bbeliya kwakali Hebba a Malikiyeli ¹⁸ Aba bakali bana balombe ba Zilipa, abo Labbani mbakapa mbakazyala kuli Jakobe - kkumi amusanu awumwi kubabika antoomwe. ¹⁹ Ibana balombe ba mukayintu wa Jakobo mbakazyalilwa a Lakkeli kwakali Jozefu a Bbenjamini. ²⁰ Mu Ijipita Manase a Efulemu mbakazyala Jozefu kuli Esinati, imwana musimbi wa Potifela mupayizi wa Oni. ²¹ Ibana balombe ba Bbenjamini kwakali Bbela, Bbeka, Ashibbelu, Gela, Namani, Ehi, Loshi, Mupimu, Hupimu, a Alidi. ²² Aba mbebana balombe ba Lakkeli bakazyalwa kuli Jakobo - kkumi abane kubabikaantomwe. ²³ Mwana mulombe wa Dani wakali Hushimu. ²⁴ Bana balombe ba Nafutali kwakali Jaziyeli Guni, Jeza, a Shilemu ²⁵ Aba mbebana balombe Jakobo mbakazyala kuli Bbiluna abo Labbani mbakapa Lakkeli mwanakwe musimbi - musanu ababili antomwe. ²⁶ Abo boonse bakayinka ku Ijipita a Jakobo bakali bazyalani lyakwe, kutabala bana balombe babakayintu ba Jakobo, bakali makumi musanu awumwi. ²⁷ Antomwe abana ba Jozefu bakazyalilwa mu Ijipiti, mweelwe wempuli yakwe bakaya ku Ijiputi bakali makumi musanu aabili. ²⁸ Jakobo wakatuma Juda kunembo lyakwe kuli Jozefu kuti atondezye nzila kunembo lyakwe iyaku Gosheni, aboobo bakasika kunyika ya Gosheni. ²⁹ Jozefu wakabambila nkalaki yakwe akuyo swanizya Izilayeli wisi mu Gosheni. Wakamubona, wamukumbata mukosi, akulila munsingo yakwe kwachiindi chilamfu. ³⁰ Izilayeli wakati wakati kuli Jozefu , ''Lino leka mfwe, nkambo ndabona busyu kuti uchipona.'' ³¹ Jozefu wakati kubananyina akung' anda yawisi, ''Ndilayinka akuyowambila Falo kuti, 'Bakwesu abang' anda yataata, bakali munyika ya Kkenani, baza kuli ndime. ³² Balumi mbembezi, nkambo bakali babambi bazivuubwa. Bazabutanga bwabo, ang' ombe zyabo azyonse nzibakali azyo.' ³³ Ziyochitika nayomwita Falo akubuzya, 'Muchita mulimoyi?'' ³⁴ Mukatedi, ''Tubalanda bako tuvuba lubono kuzwa kubu kubusi bwesu kuyosika sunu, iswebo abasikale besu.'' Muchite ezi kuti mukkale munyika ya Gosheni, nkambo wonse mweeembeli nchisesemyo kubantu bamu Ijipiti.''