¹ Leza wakati kuli Jakkobbu,'' buka, uye ku Bbeteli, ukakkale nkuko. Uyake chipayililo cha Leza nkuko, iwakali binia kuli nduwe niwakachija kuli Isawu mukkulana wako.'' ² Mpawo Jakkobbu wakati kuli basingand yakwe akuli boonse mbakali aabo, ''Amusowe ba leza beenzu bali akati kenu, amulisalazye nobeni, akusama zisamo zimbi. ³ Mpawo tunyampuke tuye ku Bbeteli. Ndiyoyaka chipayililo oko cha Leza, oyo wakandivwiila kubuzuba bwamafwabi, alimwi wakali aandime koonse nkundakali kuya.'' ⁴ Aboobo bakapa Jakkobbu baleza beenzu bakali mumaboko aabo, amalangulangu akali mumatwi aabo. Jakkobbu wakazivwikila munsi amu Okku afwifwi a Shekemu. ⁵ Elyo nibakeenda, Leza waka batumina buyoofu bwakawida mumadolipo akabengelede, Lino bantu aba tebaka nibandila bana wa Jakkobbu. ⁶ Lino Jakkobbu wakasika ku Luzi, (nkokuti, Beteli), uli munyika zya Kkenani,we boonse bantu bakali abo. ⁷ Wakayaka chipayililo oko akuzika busena kuti Eli-Bbeteli, nkaambo oko Leza wakalibonia lwakwe mwani kulinguwe, nakali kuya buchija mukkulana wakwe. ⁸ Dibbola, muleli wa Libbekka, wakafwa. Wakazikwa ku Bbeteli oko munsi lyamusamu mu Okku elyo musamu wakawuzikwa kuti Aloni Bbakkuti. ⁹ Lino Jakkobbu nakazwa ku Padani Alamu, Leza wakalibonyi lubo kuli nguwe alimwi waka mulongezya. ¹⁰ Leza wakati kulinguwe,'' izina lyako nduwe Jakkobbu, pele zina lyako talichitwi kuti Jakkobbu. Izina lyako lizowambwa kuti Izilayeli.''Aboobo Leza wakayita zina lyakwe Izilayeli. ¹¹ Leza wakati kuli nguwe,'' ndime Leza singuzu zyoonse. Zyalisya akuvula. Musyobo ankamu zya misyobo iyozwa mulinduwe , abaami bayoba akati kamukowa wako. ¹² Inyika eeyo njindakapa Abbulahamu a Ayizekki, ndayipa nduwe. Amukkowa wako uuchiza awalo ndawupa nyika eeyo.'' ¹³ Leza wazwa kulinguwe kubuse nkwakali kwaambulawe. ¹⁴ Jakkobbu wakayimika munsemu abusena awo mpakambulisyania anguwe , mensemu wabbwe. Wakatila chipayizyo chakunywa alinguwo alimwi wakatila mafuta atala. ¹⁵ Jakkobbu wakayita zina lyabusena oko Leza nkwakambulisyania aangwe, Bbeteli. ¹⁶ Bakeenda kuzwa ku Bbeteli. Nikwakachisyede kainzo kuya ku Ifulati, Lashelu wakamyonga. Wakaba abuyumu mukumyonga kwakwe. ¹⁷ Nikwakayindila kumyonga, sikutumbusya wakati utayoowi, ikwalino uyoba awumbi mwana mulombe.'' ¹⁸ Naakamba kufwa, akuyoya kwakwe kwakufwa wakamulika zina lya Bbenoni. ¹⁹ Lashelu wakafwa nkabela wakazikwa muzila zyaku Efulati(nkokuti Bbetelehema). ²⁰ Jakkobbu wakayimikizya musemu atala lyakabanda. Nchitondeezyo chakabanda ka Lashelu sunu. ²¹ Izailayeli wakalonga wakuyaka tente lyakwe kunembo lyangazi ndamfu lyakulingula mbelele. ²² Nkabela Izilayeli nakachili kukkala munyika eeyo, Lubbeni wakoona Bbeliha simamambe wawisi, nkabela Izilayeli wakamvwa acheechi. Lino Jakkobbu wakali abana balombe bakali kkumi ababili. ²³ Bana bakwe kuli Leya mbaaba. Lubbeni, mwana mutaanzi wa Jakkobbu, a Simiyoni, Levi, Juda, Izakka, a Zebbuloni. ²⁴ Bana bakwe kuli Lakkeli mba Jozefu a Bbenjamini. ²⁵ Bana bakwe kuli Bbiliha, mulanda wachanakazi wa Lashelu, mbaaba Dani a Nafitali. ²⁶ Bana ba Zilufa, mulanda mwanakazi wa Leya, mba Gadi a Asha.Aba boonse mbana ba Jakkobbu mbakazyalilwa a Padani Alamu. ²⁷ Jakkobbu wakasika kuli Izakka , ndeende wakwe, mu mamule mu kkiliyati Abba (nkokuti Hibbuloni), oko Abbulahamu a Ayizekkinkubakali kukkala. ²⁸ Ayizekki wakapona minyaka ili mwanda amakkumi aali musanu aatatu. ²⁹ Ayizekki wakayoya kwamamaninsizyo mpawo wafwa, eelyo wakayobolwa kuli basikale bakwe, munene uuzwide mazuba. Isawu a Jakkobbu, bana bakwe, bakamuvwika.