¹ Jakkobbu wakalanga kunembo mpawo, laanga, Isawu wakali kuyobuza, mpawo wakala baalumi bakali miyanada iine. Jakkobbu wakkanzaniya akati Liya, Lakkelu mpawo abalanda banakazi babili. ² Eelyo wakabika balanda banakazi abana babo kunembo, katobelwa a Liya abana bakwe, mpawo katobelwa a Lakkelu mpawo a Josefu wakumamaninsizyo kuli boonse. ³ Welwakwe wakiinka kunembo lyabo. Wakafugama musanu atubili kunembo aabuwa, Mane kosika afwifwi amukkulana wakwe. ⁴ Isawu wakachijaana kaya kukumutambula, wakambundila, wabika maboko aakwe, mpawo wamumyonta. Mpawo wakalila. ⁵ Eelyo Isawu nakalanga kunembo, wakabona mwanakazi abana. Wakati,'' Mbana aba Leza mbakapa chaluzyalo kumulanda wako.'' ⁶ Mpawo balanda banakazi bakaza kunembo abana, mpawo bafugama aansi. ⁷ Katobela Liya alubo abana bakwe bakaza kunembo bafugama aansi. Kumamaninsizyo Jozefu a Lakkelubakaza kunembo bafugama aansi. ⁸ Isawu wakati,'' Uliikwambanzi atubunga ootu ntundaswaana?'' Jakkobbu wakati,'' kujana choolwe kuzwa kuli simalelo wangu.'' ⁹ Isawu wakati,'' ndaazyo kale, mukulana. Libambile nzolaazyo. ¹⁰ ''Jakkobbu wakati,'' Inee, ikaka, Naandajana choolwe kunembo lyako, mpawo tambula chipo changu chizwa mumaboko aangu, nkaambo nchoonzyo, ndabubona busyu bwako, mpawo kuli mbuuli kubona Leza, mpawo wanditambula. ¹¹ Ikaka tambula chipo chakeetelwa nduwe, nkaambo Leza wakandibamba chaluzyalo, mpawo nkaambo ndaazyo ndaazyo zikkwene,'' Ngu Jakkobbu kulikumusungilizya, mpawo Isawu wakiitambula. ¹² Mpawo Isawu wakati,'' Tube munzila yesu. Ndeenda kunembo lyako.'' ¹³ Jakkobbu wakati kulinguwe,''simalelo wangu ulizi kuti bana mbanini, mpawo imbelele angombe zilokunyonsya twana tunini. Kuti zyabingwa changuzu bunsi bumwi boonse banyamankala balafwa. ¹⁴ Ikaka leka simalelo abe kunembo lyamulanda wakwe. Ndileenda bunini, amunyansu wabanyamankala kunembo lyangu,amunyansu wabana, mane nkasike kuli simalelelo wangu ku Siye.'' ¹⁵ Isawu wakati,'' leka ndikusiile bamwi babaalumi mbindaabo.'' pesi Jakkobbu wakati,'' Nkaambo nzimwa chita eezi? Leka ndijane choolwe kunembo amwami wangu.'' ¹⁶ Aboobo Isawu elyo zuba wakatalika kubweeda ku Siye. ¹⁷ Jakkobbu wakiinka ku Sakkoti, wakali yakila nganda, mpawo wakachita mwenzule wazivuubwa. Nkinkaako zina lyabusena lyakali kutegwa Sakkoti. ¹⁸ Awo Jakkobuu nakazwa ku Padani Alamu, wakasika obotu kumuunzi waku Shekkemu, Oyo wakali munyika ya Kkenani. Wakakkala afwifwi amuunzi. ¹⁹ Mpawo wakawula chimpanzi chanyika oko nkwakabikide matente kuzwa kumwana wa Hama, Wisi Shekkemu,amwaanda wa siliva. ²⁰ Oko wakabika chipayililo mpawo wachiita kuti Eli Elohe Izilayeli.