¹ Ukachite chipayililo chakutentela tunkilizyo. Ukachichite azisamu zyamuuna. ² Bulamfu bwacho bukabe tukokola tobile. Meja acho ayelede kuchitwa chimpanzi chimwi anchicho. ³ Uyelede kuvumba chipayililo chatununkilizyo angolida isalala - ajulu lyacho, mabazu acho, ameja acho. Ukachite chizyunguluko chamuganu wenolide yacho. ⁴ Ukachite nwenwe zyobile zyengolide kuti zikajatane kunsi lyamugano kumabazu acho alangene. Inwenwe zikabe zijatizyo zyazisamu kukubwezesya chipayililo. ⁵ Ukachite masamu azisamu zyamuunga, ukazivumbe angolide. ⁶ Ukabike chipayililo chatununkilizyo kunembo lyamulembo eelyo lili kubbokesi lyabukamboni. Chinoli kunembo amulyango wakubwedululana oyo unoli ajulu achibbokesi yabukamboni, oko nkwesika swanane anduwe. ⁷ Aaloni welede kutenta tununkilizyo tulaabwema bununikilila mukucheda chifumo. Welede kutenta elyo nayasya lampi, ⁸ Aaloni uyasya lampi alimwi golezya kuti tununkilizyo tupye mulinchicho lyoonse kunembo lya Yahweh kuzwa mumazyalane enu. ⁹ Pesi tuyelede kupayilila tununkilizyo tumbi achipayililo chatununkilizyo, nikuba chomwe chitentwa chipayizyo nikuba chipayililo chazilyo. Toyelede kutila chipayizyo chakunywa alinchicho. ¹⁰ Aaloni welede kumana milandu kumeja alyo kamwi amunyaka. Aganzi lyachipayizyo lyachibi uyomana milandu kamwi amunyaka kwinda mumazyalane enu. Chili maninide kusalazigwa kuli Jehova.'' ¹¹ Lino Yahweh wakambula kuli Mozesi, wakati, ¹² ''Niwayobala bantu bakwa Izilayeli, mpawo umwi awumwi, uyopa chipo chakuvunia bwakwe kuli Jehova. Muyochita echi nimwakuzwa akubabala, kuchitila kuti kutakabi ntenda pe akati kabo nimwayobabala. ¹³ Wonse muntu ubalidwe kukabalwebalwe uyobbadala chimpanzi chasekeli lyansiliva, kwindila mubulemu bwasyekeli lyachikombelo ( Sekeli lilakozyania mbuli makumi obile amagelasi ). Echi chibela chasekeli chiyoba makumi chipayizyo kuli Yahuwe. ¹⁴ Wonse muntu ubalidwe, kuzwa kuminyaka makumi obile akuzyaligwa nkaziya kunembo, welede kupa chipayizyo kulindime. ¹⁵ Elyo bantu nibayoopa chipo echi kulindime kuchitila kumaninsya milandu yabuumi bwabo, bavubi tabelede kupa kwinda achibeela chasekeli, alimwi bafwaba tabeelede kupa ziche. ¹⁶ Welede kutambula mali eyi yakumaninsya milandu kuzwa kuba Izilayeli alimwi muyoyibika kumilimo yatente lyakubunanina. Chelede kuba chibalusyo kuba Izilayeli kunembo lyangu, kumania milandu yabuumi bwabo.'' ¹⁷ Mpawo Jehova wakambula kuli Mozesi, wakati, ¹⁸ ''Welede kuchita ibbede ipati lyamukuba kalila chikkazikilo chamukuba, ibbede lyakusambila. Uyolibika aakati katente lyakubunanina achipayililo, alimwi welede kubika maanzi mulindilyo. ¹⁹ Aaloni abana bakwe boonse belede kusamba maboko abo amawulu abo amanzi alii mulindilyo. ²⁰ Eelyo nibayoyinka mutente lyakubunanina nikuba nibayoswena afwifwi achipayililo kukundimanina milimu akuumpa chipayizyo, belede kusamba amanzi kuti batakafwi. ²¹ Belede kusamba maboko abo amawulu abo kuchitila kuti batafwi. Eechi chelede kuba mulawu kwalyoonse wa Aaloni alunyungu lwakwe kuzwa kumazyalane abantu babo.'' ²² Mpawo Yahweh wakambula kuli Mozesi wakati, ²³ ''Bweza obu butwizyo bunante : myanda ilimusanu yasekeli ya muula ukunka, 250 masekeli alabweema bununkilila sinamoni, 250 masekeli alabwema bunkilila bwamisale, ²⁴ miyanda ilimusanu yamasekeli ya kkasiya, kiyeledwe abulemu bwa sekeli abusena bwakulisalazya, antomwe akankuli kamwi kamafuta a olifa. ²⁵ Welede kuchita mafuta akunanika asalala avwelanisizigwe obu, imulimu wasikupanga muunde. Ayoba mafuta akunanika asalala, abambilidwe ndime. ²⁶ Welede kunanika itente lyakubunganina amafuta aya, nkabela kulelede abbokesi lyabukamboni, ²⁷ itebuli antomwe azyonse zibelesyo zyalyo, chikkazikilo chelampi azibelesyo zyacho, tununkilizyo twachipayizyo, ²⁸ chipayililo chakutentela zipo azyonse zibelesyo zyacho, ibbede achikkazikilo chalyo. ²⁹ Uyelede kuzipambwida ndime zibe zisalali kuli ndime. Kufumbwa echo chitakazigume achilacho chiyosalala. ³⁰ Welede kumunanika Aaloni abana bakwe balombe akuba pambwida kulindime kuchitila kuti baka ndimanine milimu mbuli bapayizi. ³¹ Welede kwambila bana ba Izilayeli, ''Aya ayelede kuba mafuta akunanika apambwidwe kabikilidwe mbali kuli Yahweh kwinda mumazyalane abantu boonse. ³² Tayelede kunanikwa achikanda chamuntu, nikuba kuchita amwi mafuta alimbuli aya munzila ikozyenie, nkambo aya apambididwe Yahuwe. Welede kuzichita mbuleyi inzila. ³³ Kufumbwa uuchita muunde ukozyenie anawo, nikuba ubika umwi wawo alumwi, oyo muntu uyelede kugwisiwa kuzwa kubantu bakwe.'' ³⁴ Yahuwe wakati kuli Mozesi, ''Bweza butwizyo - amasitekisi, ama onika, alimwi a galubbanumu - abutwizyo bunona antomwe atununkilizyo tunambene, ayimwi myeelwe iyelene. ³⁵ Mukayichite muchiimo chatununkilizyo, avwenganisigwe amuntu uchita muunde, alunidwe amwinyo, unambene upambwidwe. ³⁶ Muyowuziya ukabe muvwelevwele munante mukawubike kumbali abbokesi lyakubukamboni, elyo lilimutente lyakubunganina, oko nkutakaswanane andinywe. Muyochitola mbuli chintu chisalalisya kulindime. ³⁷ Atwalo otu tununkilizyo ntoyochita, toyelede kuchita tumwi tununkilizyo twenu anzila ikozyenie. Twelede kuba katusalalisya kuli ndinywe. ³⁸ Kufumbwa uuchita chimwi chikozyania acho kubelesya mbuli muunde uyogwisigwa kuzwa kubantu bakwe.''