¹ Jehova wakaambuula kuli Mozesi, ² ''Ambila bana ba Izilayeli kuti batole zipo zyangu kuzwa kumuntu woonse uusungwazigwa amoyo uuzumina. Amutambule zipo zyangu kubantu boonse bazumina mumyobo yabo. Uleelede kutambula eezi zipo zyangu . ³ Nzeezi zipo nzimweelede kutambula kuli mbabo: ngolide, nsiliva, amukuba; ⁴ masani aasikkaka, masani aamusinza wanyangu, amasana aasalala pyu amasani aatuba, aboya bwampongo; ⁵ zikumba zyabagutu zisalazidwe; azisamu zyamuunga; ⁶ mafuta aamalampi amubusena busalala bwakukombela; misamu yamafuta aakunana, atununkilizyo twakutenta, ⁷ mabwe aa onikisi aambi mabwe ayebeka ayelede kubikwa muchikombelo chakupayizi amukatobo kachaamba. ⁸ Amubaleke bandichitile chikombelo kwiitila kuti ndikkale aakati kabo. ⁹ Muleelede kuchita mbubonya mbuli mbondiyoomutondeezya mumizeezo chikombelo azibelesyo zyacho zyoonse. ¹⁰ Baleelede kuti bachite ibbokesi lyazisamu zyamuunga. Bulamfu bwalyo bube tukkokola tobile achisela, abwaamba bwalyo kakkokola komwe achisela, abwiime bwalyo kakkokola komwe achisela. ¹¹ Uleelede kuzilulula mukati aanze angolida iisalala, aatala aacho alimwi ulibikile mukkome wangolida chakuzyunguluka bulamfu bwalyo. ¹² Uleelede ufule inchoko zyone zyangolide, akuzibika ajulu aamawulu one aabbokesi, inchoko zyobile kulubazu lumwi anchoko zyobile kuli lumwi lubazu. ¹³ Uleelede ubeze miziyo yamuunga akwiiziluluzya ingolida. ¹⁴ Uleelede uchite miziyo wiisyomeke munchoko zyakumabazu, kuti mukonzye kubweza bbokesi. ¹⁵ Miziyo iileelede kusyaala munchoko zyabbokesi; tazyeelede kugwisigwa pe kulindilyo. ¹⁶ Uleelede ubike mubbokesi milawu yachizuminano. ¹⁷ Uleelede kuchita chijazyo changolide chaluswaanizyo. Bulamfu bwacho bube tukkokola tobilwe achisela, abwaamba bwacho kakkokola komwe achisela. ¹⁸ Uleelede kuchita bobilwe bakkelubi bangolinda iipwayidwe kumpela zyobile zyachijazyo chachuuno chaluswaanizyo. ¹⁹ Chita Kkelubi umwi wamagozezyo aamwi aachuuno chaluzyalo, awumwi Kkelebi wamamanino wagozezyo limbi. Zyeelede zichitwe mbuli chipanzi chachuuno chaluzyalo. ²⁰ Bakkelubbi balatandabika mababa aabo akuvumbilila chuuno chaluzyalo, amasyu aabo aalangene, masyu abakkelubbi alange chuuno chaluzyalo. ²¹ Mweelede kubika chuuno chaluzyalo aatala lyabbokesi, alimwi mukati kabbokesi mweelede kubika milawu njendikukupa. ²² Nkukonya kubbokesi nkutuyooswaninana andinywe. Ndiyoowambula anduwe kuzwa kujulu lyachuuno chaluzyalo aakatikati kabakkelubbi bobile bali aabbokesi lyachizuminano ooko nkwesiyookwaambile milawu yoonse njowelede kulayilila bana ba Izilayeli. ^{23 24} Uleelede kuchita tafula lyamuunga. Bulamfu bwalyo bube tukkokolaa tubili, abwaamba bwalyo kakkokola komwe, abwiime bwalyo kakkokola komwe achisela. Uyiziluluzye ingolida iisalala akwiichita mukkome uyizyungulukide wamgolida. ²⁵ Uchite mubalo uyizyungulukide uli aabwaamba bwajanza, awooyo mubalo ube aamoongola wangolida koonse koonse. ²⁶ Weeledei uchite nchoko zine zyangolida akubika nchoko kuzyooko zyone zyakumawulu aayo. ²⁷ Aafwifwi kumubalo kuyooba inchoko zitakajate miziyo yakunyampuzya tafula. ²⁸ Weeledde kuchita miziyo kuzwa kumusamu wa akkasiya alimwi ukuuvumbe angolida kuti tafula likanyampuzigwe aanzizyo. ²⁹ Uleelede kuchita mitiba, amyuungo, azilongo amfulu zyakupayizya, zyoonse uzichite aangolide iisalala. ³⁰ Uleelede kubika zibunge zyamabonwabonwa aatafula kubusyu bwangu chiindi choonse. ³¹ Uleelede kuchita chiimikilo chalampi changolida iisalala kunsi lyacho amubili walo abe achifulamubisi. Nkomeki zyacho atunkuli twacho, amalubaluba aacho zyoonse ziyoojatilila mulinchicho. ³² Nkabela mumabazu aacho muyoozwa mitabi iili musanu awumwi - mitabi yotatwe kulubazu lumwi, alimwi mitatbi yotatwe kulubazu alumwi lwachiimikililo chalampi. ³³ Mutabi umwi awumwi uubezedwe ankomeki zyotatwe zili mbuli michelo wa alumondi zili atunkuli amalubaluba mitabi yoonse ilimusanu awumwi iizwa kuchiimikililo ibe mbubonya oobo. ³⁴ Awo achimikililo chini abezwe inkomeki zyone zilimbuli michelo ya alumondi zili atunkuli amalubaluba. ³⁵ Kuleelede kuba chikkazikilo chamatu kunsi aantabi zyobile zyakutanguna - zichitidwe mbuli chintu chomwe anchicho, alimwi aachikkazikilo chamatu munsi lyantabi zyobile - alubo chichitidwe mbuli chintu chomwe anchicho. Munzila njiyeeyo kweelede kube chikkazikilo chamatu munsi lyantabi zyobile zyatatu, zichitidwe mbuli chintu chomwe anchicho. Kweelede kube mbubo kuntabi zili musanu ayimwi zyiindilila kuzwa kuchikkalilo chalampi. ³⁶ Zikkazikilo zyazyo zyamatu antabi zyeelede kuba chintu chomwe anchicho, chomwe chipanzi chamulimu wabufule bwangolide iisalala. ³⁷ Weelede kuchita chikkazikilo chalampi amalampi aacho ali musanu aabili, akubamba malampi aacho kuti ape mumuni kukuzwa kulinchico. ³⁸ Mamano ankayi zyawo zyoonse zibe zyangolide iisalala. ³⁹ Belesya talenta lyoomwe lyangolida iisalala kukuchita chikkazikilo chelampi azibelesyo zyacho. ⁴⁰ Bona kuti wazichita mbubonya mbuli muchikozya nchiwakatondeezegwa achilundu.