1
Meus irmáns, non moitos de vos seredes mestres, xa que recibiredes un maior xuízo.
2
Porque todos temos diferentes tropezos. Se ninguén tropeza nas súas palabras, é un home perfecto que pode controlar o seu corpo enteiro.
3
Nós poñemos freo na boca dos cabalos para que nos obedezan e así poder xirar o seu corpo.
4
E os barcos, a pesar de que son moi grandes e levados por fortes ventos, son dirixidos por un pequeno temón a onde queira guialo o piloto.
5
Do mesmo xeito a lingua é unha pequena parte do corpo que presume de moitas cousas. Mirade como un pequeno lume pode queimar un bosque!
6
A lingua é como o lume, un mundo de pecado posto no medio do noso corpo, deshonrandoo e prendendo lume no camiño da vida, a cal é acendida polo inferno.
7
Porque os animais salvaxes, aves, reptís e animais mariños poden ser domados polas persoas.
8
Pero ningunha persoa pode domar a súa lingua, é un mal incontrolable cheo de veleno mortal.
9
Coa nosa lingua alabamos ao noso Señor e Pai, e con ela tamén maldecimos ás persoas, quenes foron feitas a imaxe de Deus.
10
Coa mesma boca dicimos bendición e maldición. Irmáns, esto non pode ser así.
11
Pode dar á vez unha fonte auga fresca e auga amarga?
12
Meus irmáns, pode nacer dunha figueira aceitunas ou dunha vide figos? Tampouco a fonte de auga salgada pode dar auga doce.
13
Quen é sabio e entendido entre vós? Que mostre a súa boa conduta coas obras feitas con humildade.
14
Se algún ten celos e ambicións no seu corazón non sexades presumidos nin mintades contra a verdade.
15
Esta sabedoría non vén de arriba, é terreal, natural e diabólica.
16
Onde hai celos e ambición hai mala cousa.
17
A sabedoría do alto é primeiro pura, pacífica, amable, tolerante, chea de misericordia, bos froitos, non vacila nin é hipócrita.
18
E o froito da xustiza seméntase en paz para os que fan a paz.