¹ Bisietenala'dxi laacabe chu'cabe xañee ca xaique ne xañee ley, para gunacabe laaca, gataná cabe para guira xixe ni neza. ² Bisietenala'dxi laacabe cadi gabicabe fuiruti ximodo nga laani ti que tinde diidxa cabe, ti gudiicabe ca xacaadxi guni ca' modo náca' ne gului'cabe enda nacha'hui guira' binni. ³ Purti ti tiru laapenu que nizaala'dxi nu ne que ñuna nu. Bini'tinu ne gudxite jma pasión ne placer laanu. Nabaninu lu enda nadxaba' ne lu envidia. Que racala'dxi nu ne nanala'dxi lisaa nu. ⁴ Peru ora endanacha'ui xti Diuxi ni bilá laanu ne guendaranaxhiibe pur guidxilayu bihuini, ⁵ cadi pur ca ni bini dinu jneza ni, sinu pur biábe laanu nga bilábe laanu. Bilábe laanu ra bia'ribe de nacubi endarale ne renovación xti Espiritu Santu. ⁶ Diuxi bixii dxacha Espiritu Santu xti luguianu pur ni bilá laanu, Jesucristo. ⁷ Laabe bi'nibe ndi ti, ra ma guni'be pur laanu ne Gracia xtibe, ñanda ñuunu lu dxandi xti guendanabani que riluxe. ⁸ Mensaje di' dxandi ni. Napa ganna guini'lu sin idxi'bu de ca ndi, ti ca ni runi cre Diuxi ganda guiana dxi'chi ca' lu ca cosa jneza ni gula'quibe ra lu ca'. Ca cosa ndi jneza ca ni ne zacaneni guira xixe binni. ⁹ Peru bi'ya cadi tinde diidxa lu' ne ni neciu ne genealogía; ne tindelu ne gapa neu' tuuxa problema lugia' ley. Ca nga que risaca ca' ne que rusaana ca' gaxti'. ¹⁰ Bidxugueta' tutica laa candaa laatu, ra ma guni'netu laaca chupa o chonna tiru, ¹¹ ne binibia' que tobi casi ngue ma biree lu neza ne cuchee ne culaa laa gabia. ¹² Ora naa guseenda lii guidxi Artemas o Tíquico gucapura ne guda' ra nuaa guidxi Nicópolis, ra ma gulaque tide nanda. ¹³ Gucapura ne biseenda guidxi Zenas, xa ni nanna xtale de ley ne Apolos, ne que nica guiaadxa xiixa laacabe. ¹⁴ Xpininu napa xide guiziidi guni ni jneza ni gu'ya ca ni caqui'ne pe gaca', ti que caga cani xiixa que guzaana gaxti'. ¹⁵ Guira' ca ni nuune naa cuzeendaca' diuxi lii. Bigapadiuxi ca ni nadxiica guendarunicre. Gracia chu' ne guira xixe tu.