¹ Pablo, ti nni' xhiña Diuxi ne apóstol xti Jesucristu, pur fe xti guidxi ni bilui nna' Diuxi ne endaranna ni dxandi ne biegunni' endaria', ne nanadxichi' nu guenda nabanni' que zaluxe que Diuxi, ² ni laa' que rusigui', bidibe xtidxabe de ante que ira ca dxi que'. ³ Biazi dxi ndi', biluibe xtidxa be pur ti didxa ni labe cree be chinia'. Na nga ñune ndi modo bisenda Diuxi ni bilaa lanu'. ⁴ Tito, ti ni dxandi nada xiiñi lu endarunicre xtinu. Gracia ne endanuudxi xti Diuxi, ni naca Padre ne Cristu Jesus ni bilá laanu. ⁵ Ne propósitu di nga bisaana lii Creta, ti nibaqui chaaui lu' ca cosa ni caru guizaa ne cuaqui lu' ca ni gaca' binigola ndaani cada guidxi casi ca bisiide lii. ⁶ Ti binigola naqui'ñe gaca tobi que ganda quiñeyú cabe laa, xheela ti guna' si, ni gapa xiiñi nuudxichi lu neza, ni que ganda gului'na cabe de nadxaba ca' o que iquiiñe ca'. ⁷ Naquiiñe pe pastor, casi xaique yu'du Diuxi, que gapa ra quiñeyú cabe laa. Que zanda guidxi'chi nagueenda, ne cadi guebe nisa dxuuni, cadi guni yayabe binni, cadi gachelube xti binni ⁸ Luxcar ndi, naquiiñe gu'ya xpini, xamigu de ni jneza. Naqui'ñe gacabe naguudxi, bia'si, ni guia' ne ganna gucueeza laa. ⁹ Naquiiñe guinaze dxi'chibe diidxa ni biziidibe, bia'pe ganda cu'be ganna xtuudxi ne ca ni nacha'ui rusiidibe, ne guini'nebe ca ni rucaa lu laabe. ¹⁰ Purti nuu xtale ni que iquiiñe, marusi ca ni riga ti ndaa de laa. Que risaca ca xtiidxa ca'. Laaca riguiteca' ne ruchéca lu binni ra cadi neza. ¹¹ Naquiiñe gucueezanu laaca. Laacabe rusiidicabe ni cadi naquiiñe gusiidicabe pur gapa cabe xtale ni cadi zeeda de dxandi ne rindaacabe guidubi naca ti yoo. ¹² Tobi de laacabe, tobi de ca hombre nuu xpiaani cabe, guni': "Ca Cretense nabé risiguiica, mani duxhu ne naxoo ca', ne que ridxa ndaani ca'." ¹³ Ni canie di' dxandi ni, yanna la lagudxigueta laacabe naduxhu ti ganda chu'cabe dxiichi lu guendarunicre. ¹⁴ Cadi guizaa la'dxi tu ni cadi dxandi runi cre binni Judiu, o ca ni runimandar hombre ni rireechu de lu dxandi. ¹⁵ Para ca ni nayáca', guirani nayá. Peru para ca ni namucu ne que runi cree ca', gaxti di nayá. Purti ique ca' ne xquendabiaani ca' ma guca mucu. ¹⁶ Laacabe nacabe runibia'cabe Diuxi, peru que runicrecabe ca ni bi'ni be. Guiruti racalaadxi laaca ne que runa ca'. Que iquiiñe di ca para guira xixe ni jneza.