¹ Pablu, ti Apostol cadi xti di hombre ninca pur bata na hombre, laga pur Jesucristu ne Diuxhi bixhozenu, ni gundisa laabe lade gue'tu, ² ne guira bichi nu ni nu' ne naa, cuca'du para ca Iglesia xti Galacia ³ Guenda nachaui xti Diuxhi gaca lugia tu, ne guenda ratadxi xti Diuxhi bixhozenu ne señor Jesucristu. ⁴ Ni bidii laca laa pur ca guenda ruche' xtinu, para ganda gulá laanu ca dxi nadxaba di', casi gucaladxi Diuxhi xtinu ne bixhozenu, ⁵ Guira guenda naro' gaca para laabe dede guira dxi ne guira dxi. Saca gaca. ⁶ Cadxagaya laatu caxale tu de Laabe ni gulidxi be laatu pur guenda nacha'hui xti Cristu. Cadxagaya laatu chuchaa tu para che'tu adxe Evangeliu. ⁷ Cadi ndidi cani' de que nu' xti Evangeliu, huaxha nu' cadxi hombre cudii ca guenda nagana laatu ne napa ca gana gucha' ca Evangeliu xti Cristu. ⁸ Huaxha pa dede laadu, o ti angel de guiba', gueda tidxi laatu xti Evangeliu adxe de ni laadu cayabi du laatu di', nga guiaba na nga. ⁹ Casi laadu maca huanii du, sacaca cabigueta cayabe laatu nagasi: "Pa tuuxha gabi laatu de ti Evangeliu ni cadi naca ni laatu ma gucua tu di', nga guiaba na." ¹⁰ Ti purti ¿yana cuyube chu' ladxi binni guidxilayu ni cayune la? o chu' ladxi Diuxhi ¿cuyube gune ni racaladxi Binni la? pa naa cuyube rua' gune ni racaladxi Binni Guidxilayu, naa cadi naca dia' ti siervu xti Cristu ¹¹ Ti purti racaladxe gana tu, bicheca' de que Evangeliu ni naa ma guye di' cadi naca ni Evangeliu xti binni guidxilayu'. ¹² Cadi gucua' dia' ni de nin ti binni guidxilayu', ne cadi biziidicabe ni naa, Guca ni purti Jesucristu bilui' ni naa. ¹³ Laatu ma binadiaga tu de modo vivane dxique' lu ca ni modo religion xti ca Judiu, xhi modo na guzabe nanda Iglesia xti Diuxhi sin cua bia'aya ne naa gucaladxe nuxhiaya laa. ¹⁴ Naa guzaya jmá zitu lu modo runi ca Judiu que xtale huaniizi biaaca naa, de ca ni laca de xquidxe laaca. Dede raca yendaya pur gapa cahue' pia modo biini ca bixhoze goola nu. ¹⁵ Peru ora Diuxhi, ni ma gule chuu naa dede ndani jña, ne gulidxi naa pur guenda nacha'hui xti, ¹⁶ biini be ni racaladxi be ra biluii xhiiñi be lugia'ya, Para na güee de Laa lade ca ni cadi Judiu, naa cadi gunabadidxa dia ndi naguenda binni guidxilayu'. ¹⁷ Naa cadi gudxiba dia' Jerusalen ra nu' ca ni maca naca ca apostol ante de naa, laga guyaa Arabia ne oraque biguetá Damasco ¹⁸ Gudidi si Chona iza guyaa Jerusalen ye gunebia'ya Cefas, ne biaana nia laabe chii ne gaayu dxi. ¹⁹ Huaxha que ñuya dia' nin xtobi de ca xcadxi Apostol, huaxa Santiagu si', biichi Señor. ²⁰ Lu ca ni cucaa di' dxandipe nezalu Diuxhi cayabe laatu cadi cuziguie' ²¹ Oraque' Guyaa ca guidxi Siria ne Cilicia. ²² Ca Iglesia de Judea ni nu' ca tobi si ne crisitu caru gunibia' pe ca naa. ²³ Laaca huyunadiaga si cabe ni rini' ca bini: "xha hombre ni dxique guza nanda laanu que, yana ma cana yui' be de guenda runi cre' xti Diuxhi, ni dxique guladxi be nuxhia be que'." ²⁴ Ngue runi laacabe bisisacabe Diuxhi guuni naa.