¹ Pablu, ti apostol xti Cristu Jesús, pur ni racaladxi diuxi, ne casi ca ni ma bisana xtidxa Diuxi guenda nabanni ni nu lu' Cristu Jesús, ² Para timoteu, xhiñe ni nadxie: guenda' nachahui, guenda' ria ne guenda' ratadxi ladxido xti Diuxi bixhosenu' ne Cristu Jesús xaique xtinu. ³ Ne rudie xquixe pe' Diuxi, ni naa runne xiiña dede ne ca' bixhogola' ne guendabiani nexhe dxi, nabe riete naladxe li ora ma' canie nia Diuxi, huaxhini ne ridxi. ⁴ Racaladxe guyali', ne saca guiua' nayeche. Naa bedasi lu na' ora cayuna lu'. ⁵ Redasilu naa de que dxandipe runi creelu naa, ni la nirú bibani lu guia' ñaa bidalu Loida, ne ñaa lu' Eunice. Ne nannadxiche pia zaca'ca nabani lu guialu. ⁶ Pur ndinga cusiete naladxe li' gusibanilu xti tiru guenda xti Diuxi ora cuaque naya luguialu. ⁷ Purti Diuxi cadi bidi lannu guenda ridxibii, si nu que tobi ni nadipa, guenda' ranaxhi ne guenda runni jnezaa. ⁸ Ne zaca cadi' guitui di luulu' de ni guyuine cabe lii de xaique xtinu', nin ca de naa, Pablo, ni bitegu yoo cabe'. Si nu que guyuine lacabe guenda nanna xti ca evangeliu casi modo naa de guenda' nandxo xti Diuxi. ⁹ Ti Diuxi nga bilaa lannu, ne gulidxi lannu ne guenda' nandxo. Ne laabe nga binibe ca ndii, cadi' modo naa dinu, si nu que modo labe ma gulaqui be ni' ne guenda' nachahui. Labe nga bidibe ca ndi lannu pur Cristu Jesús ante guzulu guiraa ndi. ¹⁰ Peru llanna guenda' rulaa xti Diuxi jma bihuini ni' pur ni chi gulaa' lannu, Cristu Jesús. Cristu nga bini' guiluxhe guenda guitii ne bidxigueta lanu guenda nabanni ni que saluxhe para guzani nu' pur evangeliu. ¹¹ Pur ndinga gudxicabe naa ni rui xtidxa Diuxi, Ti apostol ne ni rusidi. ¹² Pur ndi la' naa laca racanaya runni ca ndi. Peru cadi cutuidi lua; Purti na runne biaya Labe, ni laa runne cree. Ne na nanna dxiche pia de que labe zanda gapabe ni na bisanania labe, dede dxi ca'. ¹³ Cadi guchalu modo naca ca didxa galan di, ni li bica diagu de naa, ne lu guenda'runni cree ne lu guenda' ranaxhi ni nacani de Cristu Jesús. ¹⁴ Ni nachahui nga, ni bica Diuxi li gunni lu, gupani pur santu espiritu ni nabanni ne lannu. ¹⁵ Ndi nannalu, guiraa ca ni nabanni Asia la? bisana cane naa. Ndani guenda lizaa dila nu' Figelo ne Hermógenes. ¹⁶ Ne Diuxi gapa xhilase de latu ra lidxi Onesíforo, purti gatiga bichabe de gana ne cadi di catui lube de ca cadena xtine. ¹⁷ Laga nga, ora naa nua guidxi Roma, labe biyubibe naa chahui ga, ne bidxela be naa. ¹⁸ Ne Señor gudilabe guidxelabe guenda ria xtibe dxi ca. Ne guira modo labe gucanebe naa ra Efeso, li biasi runni biachaui lu'.