¹ De binni gola para gunna ni gulí ne ca xhiiñi; ni naa nadxie de dxandi ne cadi naa sia', si nu que ne guira ni ma bini bia' ni dxandi; ² pur ni dxandi ni nu luguianu ne siana ne lanu guira dxi. ³ Guenda', guenda' ria' ne guenda' ratadxi ladxido' siu' ne lanu, xti bixhosenu ne xti Jesucristu, Xhiiñi bixhosenu, de dxandi ne guenda' ranaxhi. ⁴ Rieche pur ti bidxela tudxi xhiiñilu ziza'ca lu ni dxandi; casi ca ladu gucuadu didxa di xti bixhosenu. ⁵ Yana na cugaya li gunna, cadi casi nuca ti xti didxa nacubi, si nu que ni maca napanu de dxi bizulunu, que ganaxhi liza'nu. ⁶ Ne ndinga guenda' ranaxhi, que naquiñe zanu modo na' ca didxa bisanane Diuxi lanu. Ndinga diidxa ni bisanene Diuxi lanu, ni lii bica diagalu dede dxi bizululu, que lii naquiñe zanelu labe. ⁷ Pue xtale ni rusigui ma bire'ca ndani guidxilayú, ne laca que runi cree ca de que Jesucristu beda casi ti binni. Ndinga ni chizaa nirú guini' de que laa nga cristu. ⁸ Laguya, latu que gunititu guira ca dxiiña ni ma binitu, ti latu guiaxhatu pur guira xhixhe ni ma binitu. ⁹ Tuticasi ni sa' nirú ne que guiana lu ni Cristu bisidi la?, que gapadi Diuxi. Ne ni ria'na lu ni rusidi Cristu la? napabe Bixhosebe ne xhiiñi. ¹⁰ Pa nu tu gueeda ra nu lu la? ne que ne ni Cristu bisidi di la?, que cudiou' labe ralidxú ne que ugapadiuxilu labe. ¹¹ Pur ti ni ugapadiuxi labe la? riu' lu ca guenda ruche xtibe. ¹² Napa rua' xtale xhi nucaa latu peru que racaladxe dia gucani lu guichi' ne tinta. Huaxha ribeza', chaa ra nutu ne guininia' latu nezalutu, ti zaca' guenda' nayeche xtinu izaa ni. ¹³ Ca xhiiñi xti bizanu' ma gulicabe rigapadiuxi latu.