¹ Wüx nganaw majlüy nicuajind Teat Dios tarang a mbasacats at a iüt. ² Aag a iüt ngo majiür netotow oxet at ngo majiür nicuajind. Aag a pojniün almajlüy wüx ombás najal yow. Ombás Teat Dios teajüyjüy teomal meáwan yow. ³ Teat Dios tapiüng: "Majlüy a ran," at tajlüy ran. ⁴ Teat Dios tajaw a ran, xeyay najneaj. Nej tambaag majlüy palwüx a ran makiiüb pojniün. ⁵ Teat Dios tüüch manüt a ran "nüt" at aag a pojniün tüüch manüt "ongwiiüts." Aag ayaj tamong a nüt raw tiüt, tarang anomb nüt. ^{7 14} Teat Dios tapiüng: "Majlüy ran tiül mbas acats atquiaj mbajcam a nüt maquiiüb ongwiiüts at nejiw matijpeaw , mbajcaw a neat, cas nüt at neat. ¹⁵ Aag ayaj ajcüwa ran tiül mbas acats apmarraj wüx iüt." Atquiaj tajlüy ⁹ Teat Dios tapiüng: "Ajcüwa yow aliw tiüt teoleaj mbas acats canchiüm noic miün, at majüic majaraw nawaag iüt." Atquiaj tajlüy. ¹⁰ Teat Dios tüüch manüt a nawaag iüt "iüt," at ajcüwa canchiün yow Nej tüüch manüt "ndec." Nej tajaw aag ayaj xeowüy lajneaj. ¹¹ Teat Dios tapiüng: "Imiün wüx iüt majntsop nateaic soex: soex nejiür osaab nej at xiül nejiür aong nej leaw osaab nej altiül omeaats nej, meáwan noic noic ajiür aquiiüb nej." Atquiaj tajlüy. ¹² Iüt tawiquiach nateaic soex, soex nejiür osaab nej leaw ayac majlüy aquiiiüb aquiiüb nej, at xiül neyac aong nej leaw osaab nej alteomeaats nej, atnej ajngot aquiiüb nej. Teat Dios tajaw aag ayaj xeyay najneajay. ¹³ Aag ayaj tamong a nüt raw tiüt, tarang iwear nüt. ¹⁴ Teat Dios tapiüng: "Majlüy ran tiül mbas acats atquiaj mbajcam a nüt maquiiüb ongwiiüts at nejiw matijpeaw , mbajcaw a neat, cas nüt at neat. ¹⁵ Aag ayaj ajcüwa ran tiül mbas acats apmarraj wüx iüt." Atquiaj tajlüy ¹⁶ Teat Dios tarang ijquiaw nadamüy nerraj, aag nadamüy tiül apmarraj wüx nüt at a nine nerrajüy apmarraj wüx ongwiiüts. Nej at miün tarang ajcüwa ocas. ¹⁷ Teat Dios tayac cawüx tiül mbas acats marraj wüx iüt, ¹⁸ atquiaj marang natang wüx nüt at wüx ongwiiüts, at mambaag a ran maquiiüb pojniün. Teat Dios tajaw ayaj xeyay najneajay. ¹⁹ Aag ayaj tamong a nüt raw tiüt, tarang apeic nüt. ²⁰ Teat Dios taiüng: "Ech chipiüm ajcüwa yow majlüy tiül xeyay palpalwüx cüet, at majlüyiw xeyay quiec majlüliw wüx iüt ambüw tiül püjchiün ocueaj mbas acats." ²¹ Teat Dios tarang nadamüy cüet nacüliw tiül ndec, atquiaj atnej meáwan palpalwüx leaw almapac, leaw almapacüw teajüyiw at leaw acüliw tiül meáwan yow mbich meáwan, at meáwan quiec aquiiüb aquiiüb nej. Teat Dios tajaw xeyay najneajay. ²² Teat Dios tayac nangaj wüx tapiüng: "Meriümban najneajay at merxiyayon, at mechipichan a yow tindec. Ajcüwa quiec mexiyayiw wüx a iüt." ²³ Aag ayaj tamong a nüt raw tiüt, tarang acoic nüt. ²⁴ Teat Dios tapiüng: "Aag a iüt majlüy majiür leaw apmapac quiaj, meán nop nop maquiiüb aquiiüb nej, wacüx, leaw nesatatüy tiüt, at napatüw nacüliw wüx iüt, meáwan nop nop maquiiüb aquiiüb nej." Atquiaj tajlüy. ²⁵ Teat Dios tarang ajcüwa moncül wüx iüt leaw ajiürüw aquijpüw nejiw, aag a wacüx ajiür aquiiüb nej, at meáwan leaw nesatatüy tiüt ajiür aquiiüb nej. Nej tajaw aag ayaj xeyay najneajay. ²⁶ Teat Dios tapiüng: "Arangaats a naxey atnej ajlüyiiüts, at atnej mindiweaats. Icüeatiün ech majaw wüx ajcüwa cüet, wüx quiec najlül cawüx, wüx wacüx, wüx meáwan najlüy wüx iüt, at wüx meáwan nesatatüy tiüt asatat tiüt otüing wüx iüt." ²⁷ Teat Dios ateocan tarang a naxey atnej Nej ajlüy mindiw nej. Nej ateocan tarang atnej ajlüy mindiw Nej tarang. Naxey at najtaj Nej atoecan tarang. ²⁸ Teat Dios tayac nangaj at tasaj nejiw: "Meriümban najneajay merxiyayon. Ichipichan a iüt ijawan wüx. Irangan natang wüx ajcüwa cüet, wüx ajcüwa quiec najlül cawüx, at wüx meáwan nacül wüx iüt leaw teajüy almapac." ²⁹ Teat Dios tapiüng:"Ijawan, lanüüch icon meáwan soex nejiür osaab aag ayaj alwüx iüt lamapooch, at meáwan xiül nejiür aong alteomeaats osaab nej. Aag ayaj nüeteran icueajiün icon. ³⁰ Meáwan nop nop leaw almapac wüx iüt, noic noic quiec najlüy cawüx, at meáwan nesatatüy wüx iüt, at meáwan leaw almapac, Xique lanüüch icon meáwan nateaic soex aag ayaj nüeteran." Atquiaj tajlüy. ³¹ Teat Dios tajaw meáwan leaw lamarang. Ijawan, xeyay najneajay. Aag ayaj tamong a nüt raw tiüt, tarang anüy nüt.