1 Vaikala tu`umaxu u`lai nutuala tila a`ne mu`ana`ana no`anu sialu! Anu mu`ana`ana mukalusi noanu kalavoi mo pakalisou miimii; Tamitema a`ne mixoo no`a navunave ne mixo mutotomu noxie. 2 Ia vaimomo ne puate luluxu mo luluxu muiave loxo O`oi`muiave ta tavau luluxu, mo muiave xulumuxu loxo ta`asi` miiave xulumuxa`a. 3 Tamitema miiavelixu o`si ne miiave mixasi li, lavisoia vevenu i`lou lalumisoia ne mulami lami! Tamitema misoisoli ne milai nolatalatasia, vasivavimea ne i`momomo sou iitisi`a uasi-Tauluaia miiave mi`otu o`trunu t`va`a nolata vasivasime`a. 4 Mii anene muxali xo noa i`lixosou votei a`ne vuanga mi`oxonu, a`ne mi`oxonu no`a xavi tauluxu, a`nei misovane`i tamitema notuala ne milai mi`oxo ilixosou vote`i ane ane mi`oxonu ne, mo tamitema nonano noxie ne mimulinu i`lixo noxia tamaliava ne. 5 "Ngamaisou, E`ni a`o`too ngengixu-Iaauee xavinu musulcu muvikala lamana axoonee- E`ni masi la asasalo tokolomomeni netaanu no tangaine ne u`telai u`suasou ieeni mo nanaxaine tavatulianeni u`lainoxi`a tamitema, tualasine ne imaelamulineni. 6 E`ni axoomasuaneni mo a`su`asine noxi`a ta miimii ane tuma`a masumasua mo a`axoneni naxali masua avile; E`ni amaxa`ineutelo sou i`maisine. 7 Anu uxali no mine anei tavu`ale imaisine 'Ninive ne mimamulo; e`naei u`tamasie?' Alai`a ne`ei sou axalisou e`vile sou u`mama tolonu?" 8 Ninive loxovaa xavineni muualixe Tebesi, A`nee mitulu no lexa ne Naeli, mo lexa muxixaoie, A`ne toxoxe loxo luaki, mo luaki ne muxali loxo lavanisisie? 9 Casii`lee Igiiou ne ane vavine noxi`a a`ne, mo xavine`i ne ukalu uasi; Mimulaxe libia sou lixe i`su`uline. 10 Ia uasi Teesi ne mino`e milaixe; a`ne milaixe notaasou navunavu; ta`ilie ne mimamumamulone`i novotei ioxu ioxu; tauluaie misu`anei tatiatilasi`a tavu`a lo mo tamitema`ie ane xavine`i mulolutu ne misakisakine`i no`a lamota 11 Ngingi kalumo ngaxali loxo tamitema`e miie la mixovulaulau; nginoi ngatavoosou lexee ngatalume, mo ngingi ngatovo sou lexee gatalumexa`a tauluamengi. 12 Taasinge toxotoxoxa`a ne masi la u`xali loxo o`vu pik ngiaxu a`ne mumomoxo: loxo a`nei `i`umunu, la a`nu u`pitipiti u`lu`elai no`anaxa`a tamitema sou i`o`u. 13 Ngamaisou, tamitema notaingengi ne a`nei mixali loxo tasema; Aitengaxu lia ngenge ne mukisi mulai toxoxa`a si`a ta u`luamengi; navu u`elaxu tatasia. 14 Ngalai ngatau lexa sou tuala; nga`oxonu pakiausou lavanisisou tuala; ngalai ngano`u tialia mo ngataxataxapalison mo u`xali mamalaxu sou ngaxiuxium ilou uaisani mo lexa mo nga`oxonu lasimeni no`anu. 15 Navu masi la u`e`langenge, mo laviso veev eenu masi la u`xotoxotosinge. Navu masi la u`iinge loxo tamusiae miipaa alavua miiou miimi mukalusi. Ngaxalingenge tavuato loxo tamusia`e miipa alavua, mo ngaxali tavu`alo loxo tomusia`e. 16 Ngingi ngexalixa`a tamitema sou lavuluti mengi mixali mi`oki loxoo ta`otoono loxotolo; ia a`nei ne mixali loxoo ta musi a`e ta`alavua: a`nei mixali mipakali lia sou mixo noa`nu kaso mivava sou mi`ume milai. 17 Ta`ilinge tasema ne mixali mi`oki loxo tamusia`e, mo tamitema sou i`ulaxunge gni ne a`ne mixali loxo tamusia`e a`ne miixo lu xulumuxa`a nonano no lavanisi novoxo sou sivo u`xali. Ia novoxo a`ne aso uxali u`telo la a`nei ivava ilai, mo noxale a`ne a`ne`i i`lai no`anu ne a`nei i`lavusou uasi. 18 Tatnanu tuala sie Asiria, tamitemasou i`saxila`a tasipsipu meni ne miaimo; Tamitemamengi talailaixe ne a`nei mimaila mo a iiaai. Tamitemamengi a mikalipala teitexi no a`laele, ia evile sou u`pitane`i uasi. 19 Pamauli vile uxali se`isisi no`a xalevingengi uasi. Xalevingengi ne u`momomosou u`kalu uasi. Tamitema tavu`alo ilomusou a`alosinge la i`oco mo opolapolanu a`vo`asinge. Xo susu ne u`telo noxi`a a`nei ane i`momomo sou isolonu muamuaixa`a?