¹ Ngue runi, rabu que gapu ra guidiñe yuu lu , lii hombre, lii que riguiñe yuu lu, ni riguiñe yuulu de stobi la? laca lii ngue cudxiba lu donda ique lu'. Purti ni cudxiiba lu luguiá stobi la? ngue ca ru'nu'. ² Peru laanu nanna dxichi nu diuxi runi jneza luguiá cani runi ca nga. ³ Peru biyachahui ndi, lii hjombre, lii ni riguiñe yuu cani runi ca ndi, neca laca ngaca cayunu. ¿zuxoñe lú lu ra gusabana Diuxi binni guidxilayú la? ⁴ ¿O huaxié riní ique lu de guendanachahui xtibe, ni rucá guindá guenda runi ná' xtibe, ne guenda ribeza ne guenda riá xtibe cucá ca ni laatu guibiguetatu de lú ca guendaruché xtitu la? ⁵ Peru raca ndi runi guenda naguidxi ladxidó' lo ne cadi cayunu pur iguudxi ni, ngue runi cutopa lú lu ca ndi para dxi guendaridxichi, nga nga, dxi ra guihuini guenda rusaba ná´xti Diuxi. ⁶ Laabe zaguixe be binni biá ni guni ca. ⁷ Cani hua yusisaca ca, hua dxiba cabe laca, ne que ri bana ca la?, Laabe zudibe laaca guendanabani ni que zaluxe. ⁸ Huaxa cani racaladxi ca gapa ca jmá, cani que runi ni dxandí, peru runi ca ni cadi nu xneza la?, guenda ridxichi ne xiana ni guxuxe zedandá ra nuu ca. ⁹ Diuxi zusenda guenda naná ne guenda que idxela xi guni luguiá guiraa ca binni ni runi ni nadxaba, nirudó ca Judiu ne ca Griegu. ¹⁰ Peru guenda rusisaca, guenda rudxiba cabe, ne guendaratadxi ladxidó zeda luguiá guira cani runi xneza, nirudo ca Judiu, ne raca ma ca Griegu. ¹¹ Pue gaxti di de cadxi ya cadxi co ne Diuxi. ¹² Pue cani hua chee sin Ley la? laca zaluxe ca sin Ley, ne casica cani hua chee xa Ley la?, zuliidxe Ley lacabe. ¹³ Ti cadi cani ru ca diaga de Ley nga naca ca binni ni runi xneza neza lu Diuxi, sinu que cani runi ni ná Ley nga za cá Diuxi laca casi ca ni runi xneza. ¹⁴ Pue ora ca Gentil , laaca cani que gapa Ley, runi ca modo na naca ca binni guidxilayú la? lacabe nga naca cabe ti Ley si, neca lacabe que gapa cabe Ley ca. ^{15 16} Pur ndi la? lacabe ru lui cabe de que cani rinaba Ley gaca la? cá cani ndani ladxidó cabe. Xpiani cabe rabi ni lacabe, ne laca xquenda biaani cabe rusiene lacabe pa nayá ladxidó' cabe o pa co' ¹⁶ ne laca ne Diuxi. Ndí chi gaca dxi guisihuinni Diuxi irá ni ga'chi ndaani ladxidó' binni, ne zuni né be ni Jesucristu. Zacá na stiidxa Cristu ni canayué di'. ¹⁷ Peru pa laca lii rabu lii nacu Judiu, ne cá lú lu ley ne rudxiba lu lii neza lu Diuxi, ¹⁸ ne ma nanu xii nga racala'dxi Diuxi, ne rabu xneza nú ni nú biasi. ¹⁹ Ne nou de que lii ri nazu ná cani nachepa lú ne rinéu bianni para cani canazá lu guelacahui. ²⁰ Riula'dxu usiidi lu cani que ganna gaxti ne usiene lu cani que riene, purti lii nannu xi nna Ley ni rusiidi irá ni naquiñe ganna binni ne irá ni dxandí', yanna ¿ximodo rihuini ndi modo nabani lu ya?. ²¹ Lii ni ruziidi lu xcaadxi, que ruziidi lu laaca lii? Lii ni rui' lu xtiidxa Diuxhi luguia guenda riba'na, Que riba'na lu? ²² Lii ni rinii' lu cadi chu' neu ni cadi xheelu, que riu neu xheela xtobi? Lii ni nanaladxi lu ca bido', Lii ricaa lu ni nu ndani yu'du xti cabe? ²³ Lii ni rieche lu ne guenda naro' lu ley, liiruni lu ni que riuladxi Diuxhi ora ruche' neu ley? ²⁴ Pue "LÁ DIUXHI RITUI LADE CA NI CADI JUDIU GÚNI LII," casi ca ma gucua. ²⁵ Purti dxandi la? seña xti Diuxhi racane ni lii pa ruzuubalu xtidxa ley, peru la lii que runi lu ni naa ley, seña xti Diuxhi ni napu ca zeeda gaca ni guenda ca'ru chu' seña. ²⁶ Ya', yana binni ni ca'ru chu seña runi ni rinaba ley, cadi seda gaca guenda ca'ru chu' seña xtibe ca casi ti ni ma guyu seña xti Diuxhi? ²⁷ Ne cadi zeda gaca ti ni cadi maca gule ne di seña xti Diuxhi ni ugaani donda ique lu pa laabe runibe ni naa ley? Ndi naca purti lii napa lu ca letra xti ley ne seña xti Diuxhi; peru dede yana que ruzuuba lu didxa xti ley! ²⁸ Pue cadi judiu di nga ni naca ni de fuera si, ne cadi seña di xti Diuxhi nga ni nu fuera si lu cuerpu. ²⁹ Huaxha ti Judiu nga ni naca ni de dentru, ne seña xti Diuxhi nga ndani ladxido', lu espiritu, cadi lu letra di'. Guenda rusisaca xti ti binni cadi zeeda di' ni de binni laga de Diuxhi.