¹ Ne ora que angel que bilui'naa guigu de guenda' nabanii, nayani dxindi casi espeju. cuxhoñe ni de ra zuba' Diuxi ne dendxuhuini. ² Ne pur gala neza guidxi. lu guiropa guriani zuhua yaga de guenda' nabani, ni rudii chii ne chupa de guira lu cuana'naxhi ne rudini cuana'naxhi de guira beu. ca bandaga xti yaga que' naca'cani ni chigusianda ca guidxi na roo. ³ Ma que ziudi ninti guenda naxhaba. Ra zuba Diuxi ne dendxu ziucabe ndani guidxi ne ca ni runi xhiñabe zunica ni nabe'. ⁴ Lacabe zuyacabe luube ne laabe'' zacani lucuacabe. ⁵ Ma que ziudi huaxhini; Ma que zaquiñe cabe xti biani o xpiani gubidxa purti Diuxi nga chi guzani lacabe. lacabe zacacabe xha ique ne yanadxi ne dede guira dxi. ⁶ Ne ángel que gudxi na': ca didxa ni que ruche ne ni dxandipe laa'. Xha ique , Diuxi xti cani nu guiba ne ca ni ruí xtidxa, bizendabe angel xtibe ti gului cani runi xhiñabe ni ma nexhe' chiguizaca mayaca''. ⁷ ¡biiya'! ¡ naa mayaca guenda'! chu ndaya cani ruzuba ne rinanda ca didxa dii". ⁸ Naa Juan, naa nga binadiaga ne biiya cani. Ora naa binadiaga cani ne biiya cani, naa bizuxhibe xha ñee angel que ne bisisaca laabe, angel ni bilui candi na. ⁹ Laabe gudxibe naa: "¡cadi guni diou nga! naanga rizayania lii ne runenia lii xhiña xtobi, ne ca bichilu ca Profeta, ne cani ruzuuba ca didxa ni ca rarii. ¡bisisaca Diuxi!". ¹⁰ laabe gudxibe naa: " cadi guchidiou ca didxa ni ma nexhe chigaca lu guichi di, purti ma yaca gueda nda dxi. ¹¹ Nga ni que runi jneza, bidii laabe zabe gunibe ni cadi jneza. ni la cadi nazaca xpiani, bidii za gacabe sicaca'. ni runii jneza laa' bidii za gunibe ni nuu jneza. ni naca nachahui laa bidii gacabe jma nachahui." ¹² ¡Biiya! mayaca guenda'. Na zudie lii, ne zaguixhe tobi pur tobi ni laa ma bini'. ¹³ Naa nga ni ruzuluu ne ni riluxhe. ni zaniru ne ni riluxhe, ni ruzulu ne guenda riluxhe. ¹⁴ Ndaya nga naca guira ca ni riguibi xhabaca, ti ma ganda guicaca ti guenda' para gooca ni ca lu yaga xti guenda nabani ne chuca ndani guidxi roo xtibe. pur ca liinda'. ¹⁵ Fuera ca nu ca bicu', ca bruju, ca ni riuneca ni cadi xhelaca', ca ni ruti, ca ni ruzixhibi xha ñee ca bidoo', ne tutica ni ganaxhii ne guni ni cadi dxandii. ¹⁶ Naa, jesús, bizenda angel xtine gabilii guirá ni biizaca de candí la para ca yudu ca'. naa' naca xcuu ne ni zeda de David, belegui ni iza ruzani siado." ¹⁷ Espiritu xti Diuxi ne badu dxaapa nudxelabe cani:"¡lataa'! lagusana cani ca yu diaga, guinii:"¡lataa'!" ni cayati nisa, la gudii gueeda, ne ni gacaladxi, la gudii guigacabe nisa de guenda nabani ¹⁸ Naa rinie de guira ni gucadiaga guira didxa ni chiguizaca ni ca lu guichi di: ne pachu tu cu xhixha luni, Diuxi zusaba guira guenda nana ni ca lu guichi di, ni ca gaca. ¹⁹ ne tu laa gaxha ca didxa ni ma ca gaca lu guichi di laa, Diuxi zaxha ni xti cabe lu yaga de guenda nabani, ne ndani guidxi xti Diuxi nu guiba', ne guira nica lu ca guichi dii. ²⁰ Ni laa rini de ca ndi naa:"¡ya! Na mayaca guenda". ¡Amén! ¡Guda, xha ique xtinu Jesús! ²¹ Ndaya xti xha ique xtinu Jesús chu ne guiraatu. Amén.