¹ Pa rusieche Cristu laatu, ne nudxi' ladxido' to pur guendaranaxhi xtibe, pa nu ne Espiritú laatu, ne pa' rapatu xhilase ne guenda ria, ² la gusá chahuí ladxidua de guenda nayeche' tobi si ni guini' ique tu, ganaxhitu tobi si, gacatu tobi si lu espiritu, ne tobi si ni gacaladxitu. ³ Que guniditu xhixha para lasitu o gudxiba lu naa xtobi latu. sinuque', lagaca nado' ne la guica ca xtudxi ca, de que jma nga lacabe que latu. ⁴ Cadi ica ique ditu ca guenda nagana xtisitu, laca la uca ique xti guenda nagana xti xtobi. ⁵ La guini ique tu casica guni ique Cristu Jesús. ⁶ Labe gucabe casi Diuxi, peru Laabe que ni cadibe Labe casi Diuxi casi xhiixha ni que naabe gunda be ⁷ Sinuque, bisanabe guenda Diuxi ca' la?. Ne gucabe casi ti mozo. Gucabe casi ti binni guidxilayú. ⁸ Laabe bidii be lugar gucabe bia' riti', ne bizuuba be didxa dede ra bedandabe lu guenda guti ¡guenda guti xti cruz! ⁹ Ne pur nga la?, Diuxi bisisaca labe jma, ne bidxiba Laabe jma que guira xhixhé. Laa bidii labe ti lá jma naroba que guira ¹⁰ Laabe bini be ndi ti ora guiete' laabe guzuxhibicabe cabe, cani nú iba', cani nú ndani guidxilayú ne cani nú xhaguete guidxilayú. ¹¹ Ne Labe binibe ndi' ti guira' xhixhé guiní Jesucristo nga Señor ne zaca gusisacabe Diuxi bixhozebe. ¹² ne zaca la?, ni nadxiee ca', casica latu rusubatu ca xtidxa, cadi ora si nua nia latu, jma ru si yana nua' zitu de latu, la guni dxiña' ne dxibi ne guenda raca diti ti ganda guilaatu. ¹³ Pur ti Diuxi nga cayuni dxiña' ne latu ti zaca gului' ladxi tu guni tu dxiña modo labe nabe. ¹⁴ La guni guira ni sin quiche rua' tu ne sin tinde didxa tu. ¹⁵ Laguni sicari ti ganda gacatu naya ne ni rini dxandi, xhiiñi Diuxhi ni cadi namucu. La gunicani sicarí ti gusa'nitu casi biani ndani guidxilayú, galahuí de binni ni nabani yana ni nadxa'ba. ¹⁶ La capi chahui didxa ni rudi guenda nabani ti zaca na gapa xhii ne gusisaca na dxi xti Cristo. Ti zaca na sana de que cadi bixhoñe sia' ne cadi bine sia' dxiña. ¹⁷ Peru, pa ca romanu naca gutica na la?, naa zapa ti guenda nayeche' naro'ba pa guendaguti xtine suni de que guenda runicree xtitu ne guenda rusuba didxa xtitu gacani jma sicarú nezalú Diuxi. ¹⁸ Zacaca latu laguieche ne na. ¹⁹ Peru na ribeza gacane Señor Jesús na ti ganda guzenda Timoteo ranutu, ti zaca na laca gana xhixha de latu. ²⁰ Pue que gapa rua tuxha casica latu, ni dxandi gului' ladxi pur latu. ²¹ Pur ti guira xhixhé cabe rica ique cabe xtisicabe, que rica ique di cabe ca xti Jesucristo. ²² Peru latu nanna tu pabia' risacabe, pur ti casi ca ti xcuidi racane bixhoze, zaca labe gucanebe naa lu ca didxa xti Diuxi. ²³ Nga runi, na jma nua guiuba guseenda labe, cabezia' xhimodo chee ne naa. ²⁴ Peru naa runecree Señor laca sia' ra nutu. ²⁵ Na rini ique de que napa xhidé guseenda xti tirú Epafrodito. Labe nacabe biche ni na runenia dxiña ni na risayania' casi ti dxú, ne ni ruí' ne na de latu ne zacaca raquena ra nagana. ²⁶ Pur ti labe nabe guyube xhizá de latu ne biluí' ladxibe chunebe latu, pur ti latu binadiagacatu gucaguarabe. ²⁷ Dxandi pe labe gucaguarabe dede bila ñatibe. Peru Diuxi gupa xhilase de labe, ne cadi de lasibe, ne naa, ti zaca na cadi chua' jma nagundu de bia' na nua que? ²⁸ Nga runi ne jma guenda nayeche' naa cusendalabe, ti ora latu guya'tu labe xti tiru la?, guiechetu ne zacaa na cadi tan chua xhizá de latu. ²⁹ La guica Epafrodito ne guenda nayeche' xti Señor. La gunibia' binni casi labe. ³⁰ Pue pur dxiña xti Cristo ni guyú gaxha de guenda guti. Labe gulube nadxo' guendanabani xtibe ti zaca gacanebe na ne gunduxhebe ni latu que ñanda ñunitu para naa.