¹ Ne oraque Jesús bizulu biiidi laacabe ne ejemplu ne na rabi laacabe: guyuu ti hombre bizuhuaa uva tu layu' sti ne guluu chahui' be le' idubi nacani ne gundaa be ti bizee para ndani tanque ra raca vinu. Ne bicuibe ti yoo zoo para quiba ni gapa layu, uva que, ne bisigapa be layu uva que caadxi binni ni vuni dxiña de uva. ne oraqueru zebe guidxi zitu. ² Dxi ma nucani para iruugu cani, bizende be tobi ni runi xhiiñube ndani layu que para icaabe xixa de cuananaxi de ndani luyu uva que. ³ Peru la' ga gunaze cabe laabe, ojudiñe cabe, laabe, ne biseenda cabe laabe sin gasti. ⁴ Sti tiru biseenda be stobi ni runi xhiiñabe ne laaca gundaa cabe ique ne bizitui' ca luu. ⁵ Ne laabe bi' sendabe stobi ne ndi' la biilicabe be laa: ne bininu' cabe xcaadxique cozica huayu'ni cabe nu' ni gudiñe cabe ne xcaadxi biitica laaca. ⁶ Peru ni stii layu que napa be stobi ni guzeenda be ra nuuca, nabe: "Xiiñe huaxa zapa xpia' cabe ne laa". ⁷ Peru cani cani bisaana ne benique, guinizaa ca tobi ne stobi: "ndipe nga ni chiguianane cani. Lata' chuu guutinu laa. ne layudi ma guiaana nenu laa. ⁸ Gunaaze cabe laabe, biiticabe laabe, ne bisaabi cabe laabe cherica de layuque. ⁹ Yanna ¿xiguni ni stii layu uva di ya'? zabiguetabe ne zunide be cani biini dxiña deca uva que, ne zudii be layu uva xcaadxibiini. ¹⁰ ¿ caaru guundatu ni ca ka xquichi Diuxhii: guie di' ni bisaabi cani cuuii yoo leapeni, nacain guie ni jma rizaca yanna. ¹¹ Ndi' beeda ndi' de Señor, ne sicaru ni para lu'nu?" ¹² Laacabe gucaladxi cabe ninaa ze cabe Jesús, oeru bidxibicabe stale binni que', Purti nana cabe de que guni' be ejemplu di pur laaca. Nga runi bizaana ca' laabe ne zee' ca! ¹³ Ora que' bizeenda cabe ra nu' be cadxi de ca fariseu ne ca xpini Herodes, para guini ca' guche' be ra guini' be. ¹⁴ Ora yenda' cabe gudxicabe laabe: "Maestru nanadu de que rizaa la' dxi lu' ni na' binni, ne runi lu' pareja ne guira' binni. Lii rueiidi lu' dxandi pe neza sti Dios. Ñee Joesa quixe du impuesta cesar la' o co'? ¹⁵ Peru Jesús Runibia' enda rusigui' sticabe ne raabi laacabe ¿Xhi ñee nu' tu gu' ya tu pa dxandi' ni naa pue? latane na' ti denariu para ganda gu' ya ni". ¹⁶ Laacabe llene' cabe tobi ra nu' Jesús. Jesús rabi laaca: "Tu rilui ni ca' rari? Laacabe bica' bi cabe laabe: "Cesar". ¹⁷ Jesús gudxi laacabe. "La gudi' Cesar ni sti Cesar, ne la gudi'. Dios ni sti Dios pue laacabe bidxagaya' cabe de laabe. ¹⁸ Ca saduceu, ca ni na' que zabani gue' tu beeda ca ra nu' be. Gunabadiidxa ca laabe. ¹⁹ "Maestru Moises bica' para laadu: "pa biichi ti hombre gatii ne guza' na xhela sin xhiiñi, Hombre ca' napa xhi de' guica' be xhela biichi be ne gupanebe' laa ti xhiiñi pur biichi be'. ²⁰ Guyu' gadxe biichi, prime' que bichagana ne guti sin ña' pa' xhiini. ²¹ Oraque' guiropa que' gucua' guna' que' ne guti sin ña' pa' xhiiñi ne ngaca guiona que'. ²² Ne zaca' gadxe biichi que ñapa ca xhiiñi ca'. Ne de raque guna' que laaca guti. ²³ Ora guiba' ni cabe, ne guiazacabe sti ti ru tu la' de laacabe gaca xheela guna que'? Ppor ti interu gadxe cabe bichagana' cabe taa. ²⁴ Jesús gudxi laacabe."Por ca ndi' nga cadi bia' si nu' tu, que gana tu de ca ni ma gucua ne de guenda nandxa sti Dios? ²⁵ Purti ora laacabe guiaza laade gue' tu, nin que zachagana di cabe, nin ca que zudii cabe guichagana; pur ti zaaca cabe casi angel guiba'. ²⁶ Peru ora guini' nu de guetu, guiaza co' ru gunda tu guiichi sti Moises, ra guni' be de xha yuga guiixhi huiini, modo Dios guni' ne laabe ne na': " Naa nga Dios ti Abraham, Dios sti Isaac ne Dios sti Jacob?. ²⁷ Laabe cadi Dios di sti ca gue' ta laabe, sinu sti ca ni nabaani, laatu izaa cadi biaasi nu' tu. ²⁸ Tobi de ca ni rucaa' beeda ne binadiaga ni ca'ca' yu' cabe; laa biiya Jesús bicaabi laacabe jneza. Gunabadiidxa be Jesús: "Gunaa nga mandamientu ni jma' rizaca?. ²⁹ Jesús rabi laabe: "ni jma' rizaca nga: bica' diaga Israel, señor Dios stinu, laabe tobi si laabe. ³⁰ Laatu napa xhide gana xhii tu Señor Dios stitu ne guidubi ladxido' tu, ne guidubi xquenda tu', ne guidubi guendabiani stitu ne de guira' xtipa stitu. ³¹ Guiroopa ni bisaana Diux' gaca nga ndi': Laatu naquiiñe pana xhiitu stobi casi ca nadxiitu laatu. Gaxti sti ni bisaana Diux' gaca jma naro' ba que ndi'. ³² Ni rucaa que guini': "¡jneeza, maestru!". dxandiipe' guniu' Dios tobi si laa, ne gastiru' stabi jma que laabe. ³³ Ganaxiitu laabe ne guidubi ladxidoo to ne guiraa enda riene ne guiraa xti'pa ne ganaxhiitu stobi casi ca nadxiitu laatu, nganpa ni jma stale risaca que guiraa manihuiini' guzaaqui cabe usigaadecabe Dioxi ne ca ni ribeechu cabe usugaadecabe Diuxi". ³⁴ Ora biixa' Jesús nuu xpiaaniibe para guicabibe, rabi laabe: "cadi zitu' di nuulu de reinu sti Diuxi". Gud' di si ngue ma guiruti ninabadiidxa laabe jma. ³⁵ Ne Jesús bicabi, laga cusiidi' ndaani' xuudu', ne rabi laacabe: ¿ximodo nga naa ca ni rucaa ca de que Cristu xiini' David laa? ³⁶ Laca David, bisuni' espiritu santu laa ne na': xaique ibaa rabi xaique stine': gurii ladu derechu stine', dede ora ma guedaniaa ca ni nanataadxi lii xa ñecu. ³⁷ Laca David pe' raachi Cristu 'Señor' yanna ¿ximodo nga xhiiñi David laabe? Guiraa binnni' que binadiaga laabe nayeeche. ^{38 39 40} Ra cusiidi Jesús guni': "Lagata naa ne ca ni rucaa diidxa, napa ca' ganna saaca' na cu ca' lari de xaniñee ca', ne icaa' ca diuxi cara laguiaa. Ne ca bangu jma gala'n ndaani sinagoga, ne ca lugar jma gala' n cue' ca xa' que ra saa. Laacabe laca raxhacabe lidxi ca gunaa ma guti xheela', ne riniineca' Diuxi xadxi ti guuya binni laaca'. ca hombre di' ma nanaa gurabanua ca'. ⁴¹ Ora que gurii Jesús gaxa de caja ra rusaba cabe ni rusugaade Diuxi ndaani yuudu'; laabe ruxadxibe ca binnique laga cusaca ca' nabiuxe ca' ndaani caja que. Stale binni napa bidxichi, cusaba ca' stale. ⁴² Ora que ti gunaa ma guti xheela que gapa hueltu beeda ne bisaba chupa nabiuxe huiini', risaca ti centavu. ⁴³ Jesús gulidxica discipulu sti' ne rabibe laaca: "dxandipe gabe laatu, gunaa ni guti xheela' que gapa hueltu di' jma stale bisaba que guiraa ca ni bisugaade diuxi. ⁴⁴ Purti guiraa ca bidiica de lu staale napaca'. Peru gunna ni guti xheela' dii bidii de lu enda pobre sti', bisaba guiraa bueltu ni napa para gubaninee.