¹ Cadi gudxiba lu donda iqué xtobi, ti cadi quiba donda iqué lu. ² Pur ti ni gudxiba neu donda ca la?, ngaca quibane donda iqué lu ne bia gudxibalu donda ca la? bia caca gudxiba cabe donda iqué lu. ³ ¿Xhiñe cayuya lu guixhii huini ca lu bichi lu ca ne que cayuya lu guixhii ro' ni ca lu luu ca?. ⁴ ¿Xhimodo zanda gabilu bichilu: 'Bidi lugar na cue' guixhii huini ca lu lu, laaga lu lu ca ti guixhii ro'? ⁵ ¡Cani na dxandi la peru cadi dxandi laca! nirú la cue' guixhii lu tú ti zaca ganda guyatu guixhii ca lu bichitu. ⁶ Que gudidiou' ni nandxo' ca bicu ne que guza'bidiou' ca perla xtiu nezalú ca bihui', pur ti zanda ca guxhata ñe cabe ni ne oraca guxhuxhe cabe li. ⁷ Laguinaba ne sudi cabe latu; laguyubi, ne sadxelatu; la guxhii ná ne sudxale cabe laatu. ⁸ Pur ti guiraa ni rinaba la? ricaa' ne guiraa ni ruyubi la? ridxela ne ni ruxhidxi na la? suxhale cabe la. ⁹ ¿Tu hombre lade tu, pa xhiiñi guinaba la ti ndaa pan, sudi labe ti guie'? ¹⁰ ¿O guinababe ti benda sudi labe ti beenda la? ¹¹ De modo, latu ca ni nadxabatu nanutu gusigadetu ni galan ca xhiiñitu, ¿Pabia ru jma Bixhozetu ni nu iba' sudi be latu ni galan ni latu guinabatu? ¹² De modo que ntica si ni gapatu gana guni cabe pur latu, zaca ca laguni pur laca'be; pur ti ndigan Ley ne ca ni rini xhi chigaca. ¹³ Laguiu' neza puerta nabee ca, pur ti xhilaga ne naro'ba nga puerta ni rine guendaguti, ne xtale tu rididi pur lani. ¹⁴ Pur ti nabee nga puerta ne nabee nga jneza ni rine guendanabani, ne tudxi si tu ridxelani. ¹⁵ Lagapa latu de ca ni na rini xhi xhigaca peru cadi dxandi laca, ni ridxiñaca casi ti dendxu', peru gueu' ni ribaaná laca. ¹⁶ Pur ca cuanaxhi xti sunibiacabe la. ¿Ñee rutopatu uva lu ca yaga guichi' ca o duga lade ca cardo ca la?. ¹⁷ Ne zaca ca, ti yaga sicarú sudí cuananaxhi sicarú, peru ti yaga que iquiñe sudini cuananaxhi que iquiñe. ¹⁸ Ti yaga sicarú que rudidini cuananaxhi que iquiñe, ne ti yaga que iquiñe que rudidini cuananaxhi sicarú. ¹⁹ Guira' xhixhe yaga ni que rudi cuananaxhi sicarú la? suga'cabe ne sunda'cabe la lu beele. ²⁰ Ne pur nga, sunibiacabe la, pur ca cuananaxhi xti. ²¹ Ca di guiradi ni rabi na: 'Señor, Señor' siu' ndani guenda runi mandar xti iba', si nu que ca ni runi ni na Bixhoze ni nu iba'. ²² Ne dxi ca la? xtale tu sabi na: 'Señor, Señor', ¿Cadi lu la lu gunidu xhi chigaca ne cadi lu la lu guledu binidxaba ne lu la lu binidu guenda nandxo'? ²³ Naa sabe laca: '¡Que ñu ne biaya dia' latu!' '¡La guixhale de na, ca ni runi cosa nadxaba!' ²⁴ Zacaca, guira xhixhe ni runa diaga ne runaa ca Didxa Stine, zaca' casi tobi hombre nu' xpiani ni bicui lidxi lu ti guie'. ²⁵ Biaba' nisa guie', biré guigú', bindubi bii ne bidxelazani yoo que: peru yoo que que ñaba di ni, pur ti suguani lu guie'. ²⁶ Peru guira ni runa diaga ne que runaca Didxa Stine, zaca' casi tobi hombre neciu ni bicui' lidxi lu yuxhii. ²⁷ Biaba' nisa guie', biré guigú', bindubi bii ne bixhiaca ni yoo que, ne yoo que biaba ni ne bixhia nteru naca yoo que. ²⁸ Gucasi ora Jesús biluxhe de guni ca didxa di, ca binni nu ne labe que la? bidxagaya'cabe pur ca ni labe cusidibe di, ²⁹ Pur ti Labee cusidi be casi tobi ni napa ti guenda ne cadi casi ca escriba.