¹ Ora Jesús bi'ya xtale bini que, Laabe gudxiba be lu dáni; ora laabe gurí be, ca discipulu xtibe beeda ca ra nu be. ² Laabe bixhale rua be ne bisiidi be laaca; Laabe guní be: ³ chona tiru nayeche guiu ca ni nana caquiñe de Diuxi, ti purti xti cabe nga guenda runi mandar xti Diuxhi. ⁴ Chona tiru nayeche ca ni ru'na, ti laaca sara' nisa nanda luuca. ⁵ Chona tiru guieche ca ni nado', ti purti laacabe za'de cabe guidxilyu'. ⁶ Chona tiru guieche ca ni canda'na ne ca ni caya'ti justicia, ti purti laacabe sadxa cabe. ⁷ Chona tiru guiche ca ni ria', ti purti laca siá Diuxi laa. ⁸ Chona tiru guieche ca ni naya ladxido', ti purti laacabe zuuya cabe Diuxhi. ⁹ Chona tiru nayeche ca ni ribaquidxi guendaridinde, ti laaca zaca ca xhiiñi Diuxhi. ¹⁰ Chona tiru nayeche ca ni risabinanda cabe laaca gúni guendaruni xneza , ti xti cabe nga guenda runi mandar xti Diuxi guibá'. ¹¹ Chona tiru nayeche tu ora binni uguna didxa laatu ne sabinanda cabe laatu, o guini xixa ni na dxaba lugiatu guuni naa. ¹² Laguieche xtale, ti naroba nga ni chiguiaxa ca guibá'. ti zaca ca binni que guzabinandaca ca profeta ca ni bibani níru que laatu. ¹³ Laatu nga nacatu zidi ndani guidxilayu di; peru pa zidi di guniti ni guenda na xii xti ni la, ¿ximodo guixii ni xti tiru ya? Ma que zanda di guiquiñe ni, zaquiñe ni para gusabi cabe ni ne guxata ñee binni ni. ¹⁴ Laatu nga biani xti guidxilayu. ti guidxi ni nu lu Dani que zanda guca'chicabe. ¹⁵ Ninca binni que ruca gui ti biani ne rugu ni xhana ti dxumi, laga rugu cani ndani ti ra randa biani, ne rusaani ni para guira ni nu ndani yoo que'. ¹⁶ lagudi biaani xtitu guzaani neza lu de guira binni para ganda guya cabe ca ni nachahui ni runitu ne gusisaca cabe bixhoze cabe ni nu' guiba'. ¹⁷ Cadi guini ique tu' zeda guxhaya ca didxa bica Moises o ca' ni bica ca' profeta; cadi' zenda para guxhaya cani ', laga beeda gune ni ca' lu cani. ¹⁸ Ti purti dxandipe cayabe laatu dede dxi guiba' ne guidxilayu tiidi ca, nin ti didxa ni ma nahuini nin ti puntu que sadiidi de nica lu xquichi Diuxi, de guira ni napa xhi gaca'. ¹⁹ Nga runi tutiica ni guxha neca ni jma nahuini didxa de ca didxa ni bizana Diuxi ne guziidi xcadxi guni ca ni, laabe sacabe casi ni jma huaxhie risaca ndani guenda runi mandar xti guiba'. Peru tutiica ni gúni ni naa ni ne gusiidi ní, sabi cabe laa naro'ba ndani guenda runi mandar xti Diuxi ni nu guiba'. ²⁰ Ti purti naa cayabe laatu de que pa ni jneza xtitu que tiidi ni lu ni jneza xti ca escriba ne ca fariseu, que siudi cabe ndani guenda runi mandar xti Diuxi ni nu guiba'. ²¹ Laatu ma binadiagatu dede dxique' jma ma gudxi cabe laatu: 'CADI GÚTILU', ne 'tutiica ni guuti nu naxhoo de guiaba lu na ley.' ²² Peru naa cayabe laatu de guira ni nadxichi ne biichi nu lu naxho xti ley; ne tutiica ni gabi biichi: 'Lii naca lu ti binni ni que risaca.' Ziu lu ti guenda naxho xti ca xhaique xti yudu; ne tutiica ni guini': 'lii binihuati nu lu naxoo ne guilaa lu bele xti gabia. ²³ Nga runi pa lii ne ni gusigadelu lu mexa, ne raque guietenaladxi lu que bichi lu napa xhixha lugia lu, ²⁴ bisaana ni chigusigadelu que rua mexa que, ne guye neza xtilu. Niru yeini ne bichi lu, ne oraca guda' ne bidii ni chi gusigade lu. ^{25 26} Guca tobi si ne ni cudxiba donda ique lu naguenda laga seetu neza ra nu lidxi guiba , o sanda ca ni cudxiba donda ique lu gusana lii ndani na juez, ne juez gudi lii xhaique ca huaachu, ne sanda ca cu'bii cabe lii ndani lidxiguiba. Dxandipe cayabe laatu, que siu dxi guire'lu de raca dede que lii quixhe lu dede guira nda bidxichi ni nuzaabilu ^{27 28} Laatu huayunadiaga tu ma guni' cabe: 'CADI CHU' NEU NI CADI XHEELU.' Peru naa cayabe tutiica ni guyadxi ti guna para guluíladxi laabe mapeca huayuni be guenda riu ne ni cadi xheela ndani ladxido'. ²⁹ Ne pa bisalu lu ndiga cuca lii guche lu la , guxhani ne bisaabi ni zitu de lii; ti purti jma galan para lii gati tindaa de lii, que guidubi naca lu' chee gabia. ³⁰ Ne pa ladu ndiga de ná lu cayuni guirenda ñee lu, bichuugu ni ne bisaabi ni zitu de lii, ti purti jma galan para lii gati ti nda ladi lu, que guidubi naca lu' che gabia. ³¹ 1Laaca maca guni' cabe: 'TUTIICA SI GUILADXI XHEELA ZITU LA? GUDII BE LAA TI GUI'CHI NI GUINI' QUE MA GULA' XQUENDA XHEELA CA BE.' ³² Peru naa cayabe laatu que guira ni guila' ne xheela la, pa laacabe cadi cala' ca be pur guyu ne be xtobi ni cadi xheela be la?, laa cayuni laabe ti guna ni ma guyu ne ni cadi xheela; ne tutiica ni guichagana laabe tiidi si de ma gula' ne be xheelabe la? cayu'ne ni cadi xheela ³³ Xti tiru, laatu ma bina diaga tu deque dede jma xhadxi guni' cabe: 'CADI GUDI XTIDXALU NI CADI DXANDI, PERU BIINI NI MA BIDI XTIDXA LU XAIQUE XTINU.' ³⁴ Peru naa cayabe lii, cadi gudi xtidxalu pur gaxti; ni pur guiba', ti purti naca ni ra ribi Diuxhi para guni mandar; ³⁵ nin ca pur guidxilayu', purti raca nga bangu'huiini ra ribaqui ñee be; nin ca pur Jerusalen, ti purti ngá nga GUIDXI XTI REY NI NARO'BA. ³⁶ Ninca cadi gudi xtidxa lu pur ique lu, pur ti que zanda guni lu ti guicha ique naquiichi o nayase. ³⁷ Peru bidi de que ni rini lu ca gacani, 'pa ya' la? ya' o 'pa co' la? co'. Guira ni naca jma que ndi la? zeeda ni de ni binidxaba. ³⁸ Ma binadiagalu guni' cabe: 'PA GAXHA CABE TI BIZALÚ LU LA? GUXHA TI BIZALÚ CABE, NE PA GAXHA CABE TI LAYA LU LA? GUXHA TI LAYA CABE.' ³⁹ Peru naa cayabe lii, cadi gucá lú lu ni queiquiñe; laga nga la?, tutiica capa xhaga lu ladu ndiga la?, bidii ca laabe xtobi ca'. ⁴⁰ Ne pa tuuxha gacagaladxi chine' lii ra nu justicia, ne gaxha lii lari dxaa xtiilu', bidii ca laabe chinebe' lari nexhe xhique lu. ⁴¹ Ne ni guca lii gualu xti ti kilometru, guyua ni chupa. ⁴² Bidii guira binni ni guinaba lii xhiixha, ne cadi gudxii deche lu' ni gacaladxi qui'ñe lii. ⁴³ Ma binadiagatu guni cabe: 'SANAXHII LU NI DXA'GA LU, NE SACA NANALADXI LU NI RUCA LU LII.' ⁴⁴ Peru cayabe laatu, laganaxhi cani nanaladxi laatu ne laguini' ne Diuxhi pur ca ni rizabinanda laatu, ⁴⁵ ti ganda gaca tu xhiiñi bixhozenu ni nu guiba'. Ti purti laabe nga runi be guire gubidxa luguia ca ni nadxaba ne ca ni nachaui, ne ruseenda be nisaguie lugui ca ni runi jneza ne ca ni que runi jneza. ⁴⁶ Pa ranaxhii tu ca ni nadxii laatu, ¿xhi ga nga guica' tu ya? ¿cadi sacaca nga runi ca ni ruquixhe impuestu la? ⁴⁷ Ne pa ca biichi si tu rugapadiuxhi tu ¿xhi runi tu jma que xcadxica ya? ¿cadi sacaca nga runi ca ni cadi Judiu la? ⁴⁸ Nga runi cadi gapa tu nin ti guenda ruche,' casi ca Bixhoze tu ni nuu guiba' que gapa nin ti guendaruche'.