¹ Ca Fariseu ne ca Saduceu beeda ra nuube ne uyuuca uquinde ca laabe ne gunabaca' laabe nului'be laaca ti señal iba'. ² Peru laabe bicabibe ne guni'be: "Ora ma naca uadxi, laatu rini'tu: 'naya'ni ziuu, purti naxiña nuu guiba.' ³ Ne siado' laatu rini'tu: 'Ziaba nisaguie inadxi, purti nacaui iba'. Laatu nannatu ximodo guienetu ora cuchaa guiba', pero que rienetu ca señal xti ca tiempu. ⁴ Ca binni ni zá de binni ni nadxaba ne huará xpiaani cuyubi ti señal, pero nin ti señal que zacaadi cabe, señal ni gucá ne Jonás si suuya cabe. "Ne ora que Jesús bisaana laacabe ne ze'. ⁵ Ca discipulu que yendaca' xti ladu que, pero bisiaanda ca' ninne ca' pan. ⁶ Jesús rabi laacabe: "La cuaqui diaga ne la gapa laatu de ca levadura xti ca Fariseu ne ca Saduceu". ⁷ Ca discipulu que guni' lisaaca' ne náca': "Cani'be ndi purti que ninnenu pan." ⁸ Jesús bicaadiaga chaaui ndi ne na: "Laatu, ca ni que runi cree, ¿xiñee rindaa ique tu lade tu ne natu ti purti que ninnetu pan? ⁹ ¿Ñee ca'ru guuyatu ne ca'ru guietenalaadxitu de ca gaayu pan para ca gaayu bixiaapa de binni que, ne banda dxumi bitopatu? ¹⁰ ¿Ni ca gadxe pan para tapa bixiaapa binni que, ne banda dxumi bitopatu? ¹¹ ¿Ximodo ndi cadi cayenetu, de que naa cadi caniedia' de pan ca pue? Laguuya chaaui ne lagatana de levadura xti ca Fariseu ne Saduceu." ¹² Ne ora que laacabe bienecabe de que laabe cadi cani'dibe de gapacabe laacape de levadura napa pan que, sinu de gapacabe laacabe de ca ni rusiidi ca Fariseu ne ca Saduceu. ¹³ Yanna ora Jesús beeda neza Cesárea de Filipo, laabe gunabadiidxacabe ca discipulu xtibe ne nabe: "¿Tuunga na binni xiiñi Diuxi? ¹⁴ Laaca guní ca': "Caadxi la na Juan Bautista; xcaadxi na Elias; ne caadxi, Jeremias, o tobi de ca profeta". Laabe rabibe laaca: ¹⁵ "Peru, ¿Tulaa natu náca' naa ya?" ¹⁶ Bicabi, Simón Pedro ne ná: "Lii nga Cristu, Xiiñi Diuxi ni Nabani." ¹⁷ Jesús bicabi ne rabi laabe: "Ndaaya xti Diuxi nuu ne lii Simón xiiñi Jonás, purti beela ne rini que nuluí ndi lii, sinu que bixhoze nú ni nuu iba'. ¹⁸ Ne laca sábe lii, de que lii nga Pedro, ne lu guie di nga gucue' Yu'du xtine'; ca puerta xti Guendaguti que zusuhua di neza lú yu'du' di'. ¹⁹ Naa zudie lii ca yave xti reiunu xti iba'. Intica cosa lii undiibu' lu guidxilayu laaca zaliibini iba', ne intiica cosa gundaachu' guidxilayu laaca zacaca zaca ni iba'." ²⁰ Ti ora que Jesús biseendabe gúni ca discipulu xti be, que zanda di' gabica' guiruti laabe nga nacabe Cristu. ²¹ Dede ca dxi que Jesús bizulu gudxi ca discipulu xti' que laabe naquiiñe chebe Jerusalén, tidibe xtale nagana lu na' ca binigola ne lu na' ca sacerdote gola ne ca ni rucaa lu gui'chi', guuticabe laabe, ne guibánibe xti tiru lu guiona gubidxa. ²² Ne ora que gulee chu Pedro laabe ne gucala'dxi nugú laabe razon, ne ná: "Cadi lica idxiña ndi lii, Señor, que chuu dxi izaacu dni". ²³ Pero Jesús bibigueta ne rabi Pedro: ¡Biduuba de naa, binidxaba! Lii nacu ti guie ni rirenda ñee, purti cadi cayuuya diou ca xcosa Diuxi, sinu de xcosa binni." ²⁴ Ni ora que rabi Jesús ca discipulu xti': "Pa nuu tu laa napa ganna sananda naa, naquiiñe guidxii deche laca laa, guicaa cruz xti, ne guedananda naa. ²⁵ Purti tu nuu gulá xquendanabani, zuniti ni, ne tu gati pur naa, zadxela xquendanabani. ²⁶ Purti, ¿Xi para zaquiiñe binni pa gápa guirá xixe ni nuu ndaani guidxilayu ne guniti xquendanabani pue? ¿Xi zanda gudii tuuxa pur guicaa guendanabani pue? ²⁷ Purti xiiñi Diuxi zeeda lu gloria xti bixoze ne ca Ángel xti'. NE ORA QUE LAABE ZAGUIXEBE GUIRA' XIXE BINNI PUR CA NI BI'NI'. ²⁸ Dxandi'pe' gabe laatu, nuu caadxi de laatu zuhuaatu rari', ni que zuuya guendaguti ante guuya xiiñi Diuxi guedanda lú guenda runi mandar xti'.