¹ Ne dxique Jesús biré de ra lidxi ne guri cue nisado. ² Xtale binni bidaguca ne bisana calabe galahui, ne zaque gudxibabe ndani canua ne guribe ndani. guira ca binni que bianaca rua nisa que. ³ Ne ora que Jesús gudxilacabe xtale ejemplu. Laabe gunibe: "ne rari, ti ni rudxiba biré sigudxiba, ⁴ Laga cudxibabe la tudxi bidxi biaba cue neza, ne ca mani ni ripapa bedaca ne gudocani. ⁵ Xcadxi bidxi biaba ca lu layu napa guie, ra quegapadi xtale yuu'. naguenda ca guchendu ni purti que gapape ni xtale yuu'. ⁶ Peru ora biasa gubidxa, lacani biguicani purti que gapadicani xcuu', ne bibidxicani. ⁷ Xcadxi bidxi biabani lade ca yaga ni napa guichi. ca yaga napa guichi que bindánica ne biticani ca bidxi ca. ⁸ Xcadxi bidxi ca biabacani lu la yuu nachahui ne guchendu ni, cadi xtalepe bia ti gayua si, xtudxi xhona late gande ne xcadxi ti late gande ne chii. ⁹ Cani napa diaga laa bidila' gucadiaga. ¹⁰ La disipulos que beda ca ne gudxi cabe Jesús: "¿Xhiñe puru ne' ejemplu rinineu ca bini di'? ¹¹ Jesús bicabi lacabe ne gudxi laca be: latu ma bidicabe latuguiene tu niguiruti riene xti guenda ra runi mandar Diuxi peru lacabe que nica dica bení. ¹² Purti tu ticasi ni napa, ne laa zaca jma, ne laa zapa ti. ne labe zapabe ni naroba nadxibalu. peru tu ticasi ni que gapa laa, zaxhacabe dede ni la' ma napa. ¹³ Ngaru ni guninebe laca ca ejemplu, neca pe cayucabe, lacabe dxandipe que ruyadi cabe. ne neca lacabe riudiga cabe, lacabe dxandipe que riudiaga dicabe. ninca que riene di cabe. ¹⁴ Para lacabe ni guni Isaías ma guca, ni na': 'LAGA CA YUNA DIAGALU, LI ZIUDIAGALU, PERU LI QUELICAPE ZIENE LU, LAGA CAYUYALU, LI ZUYU, PERU LI QUELICAPE ZUNIBIALU. ¹⁵ PURTI LADXIDO GUIDXI DI LAA, MA QUE RIUDIGA DICA, NE NANA' DIGACA PARA CHU DIAGACA, LACA MA BITAGUCA' BISALUCA, NGUE RUNI MA QUE ZANDADI GUYA NE BIZALUCA , O GUNADIAGA CA' NE CA DIAGACA O GUIENE CA' NE LADXIDOCA', NGA RUNI LACABE ZABIGUETA CABE XTI TIRO, NE NAA ZUSIANDA LACA BE.' ¹⁶ Peru ndaya nga ca bisalu be, ne laca be ruyacabe, ne riudiga cabe. ¹⁷ Dxandipe na cayabe latu xtale ca profeta ne ca hombre ni runi xneza biluiladxica' ñuya ca' cani latu cayuyatu', ne que ñuyadicabe cani. Lacabe biluiladxicabe ñudiaga cabe ni latu riudiga tu, peru que ñudiaga di cabe cani'. ¹⁸ Yana laa laucadiaga ejemplu xti ni ru dxiba. ¹⁹ Peru tutisi gunadiga didxa xti guenda runi mandar Diuxi ne queriene di ca, nga runi ni nadxaba ca reda ne raxhas ni ma gudxiba ndani ladxidolo. ndi nga bidxi ni bidxibaca be guria neza . ²⁰ Ni bidxiba cabe lade ca guie' que laa? ndiga ni runa diaga didxa xti Diuxi ne rica cani ne xtale guenda nayeche'. ²¹ Ne ni caru guica xcuú laca laa, que riana dibe xhadxi. Ora guenda nagana o guzabinanda cabe la guiasa' pur didxa xtine, labe zaxhele be naguenda. ²² Ne ni bidxiba cabe lade ca yaga guichi, ndinga cani runa diaga didxa xtine, ca guenda rica ique xti guidxilayu' ne ca ngueda riguite xti ca bidxichi ruti ni didxa xtine. la zeda gaca casi ni que gapa cuana naxhi. ²³ Ne ni bidxi bacabe ndani layu nachahui,a a ni binadiaga didxa xti Diuxi ne riene ni nani. Ndi nga ni dxandipe' rudi cuananaxhi ne rudxibani'; tudxi ti gayua ma xtale, xtudxi chona late gande, ne xtudxi ti late gande ne chi.'' ²⁴ Jesús gunine' lacabe xti ejemplu. gudxi lacabe:'' guendaruni mandar xti Diuxi guiba seda gaca ni' casi ti hombre ni bidxiba bidxi nachahui lu layu xti'. ²⁵ Peru laga ca' bini que' niziazi ca', ni nanaladxi labe beda ne laca bidxiba baladxi' lade ca' ca trigu que' ne oraque zebe. ²⁶ Ne ora biroba ca' ne bidica cuananaxhi xti ca', ne ora que baladxi que' laca bihuini. ²⁷ Ca niru dxidxa xti xpixhuana layuque, beda ca' ne gudxica labe: 'Shaique, ¿cadi lii' bidxibalu' bidxi chahui lu layu chahui xtiu'? ¿xhimodo yana' lani napani' baladxi'?' ²⁸ Labe gudxibe laca: 'ti ni nanaladxi na bini ndi'.' Ca ni runi dxiña xtibe que' gudxi ca' labe: 'yana ya' ¿napu gana' chudu ne gadxadu cani'?' ²⁹ Xpixhuana layu que' guni: 'Co, ora lii' cuelu ca baladxi ca', sanda ca' gaxhalu' ne ca trigu ca' ne laca ni'. ³⁰ Bidi guiroba guiropa cani tobizi ne ora ma guirugu cani'. Dxi ma guirugu cani' na saabe ca ni guchu cani ca': ' Niru la cue ca' baladxi ca' ne la gundibi cani' pur manojo para gusaquinu cani, peru la gucha ca' trigu ca' nda ni troja xtine'.' '' ³¹ Ngueruni Jesús guni ne' lacabe xti ejemplu. Labe gunibe: ''guenda runi mandar xti guiba naca' ni casi ti bidxi mostaza ni ti hombre ñene' ne bidxiba lu layu xti. ³² bidxi di' nga naca ni' ni ma nahuini de lade guira xtudxi bidxi. Peru ora ma birobani, racani yaga ni ma naroba de ndani jardin. racani ti yaga, ne ra ca' mani huini de guiba gueda ca' ne guni ca' lidxica lu ni'. ³³ Jesús oraque gudxi lacabe xti ejemplu. Ra runi mandar Diuxi de guiba nacani casi levadura que ti guna yene ne biguchabeni ne chona bia de harina de ora birobani.'' ³⁴ De guira ndi la' Jesús gudxi ni ca xtale bini que' ne ejemplu: ne sin ejemplu Labe que ñabi dibe laca gaxti. ³⁵ Ndi naca ni gudxi cabe laca pur profeta que bedagaca ni dxandi, ora labe gunibe: '' NA ZAXHALE RUA NE CA EJEMPLU. NA ZANIE CANI BIGACHI DEDE DXI BIZULU GUIDXILAYU.'' ³⁶ Ne ora que Jesús bisana ca bini que' ne guyu ndani yo que'. ca xpinibe beda ca' Ranube ne gudxica labe: '' Biziene ladu ejemplu de baladxi que' ni suhua lu layu que'.'' ³⁷ Jesús bicabi lacabe ne guni: ''Nila rudxiba bidxi chahui gna nga xhiñi bini guidxi layu. ³⁸ Layu ca nga guidxilayu; ne bidxi chahui ca nga ca' xhiñi ra runi mandar Diuxi. Ne ca baladxi que la' naca ca xhiñi binidxaba, ³⁹ Ne ni nanaladxina ni bidxiba ni que la nga nga xhiñi binidxaba. Ne cani bidopa luni qe la nga nga ra biluxhe guidxilayu, ne ca ni bitocani que la' nga nga ca angel. ⁴⁰ Ne zacari la' laga ca' baladxi que la' raca cani tobisi ne siaquicani ne bele, za ca nga zaca dxi guinitilu guidxilayu'. ⁴¹ Xhiñi Bini guidxuilayu zuzenda ca angel Xti, ne lacbe sabechucabe de ndani ra runi mandar be de guira ndiga nini guendaruche, ne ca ni bini ca' guenda que iquiñe' ⁴² Ne ora que lacabe zalacabe nda ni suqui ni cayaqui, ra ziu endaruna ne zuxhidxi layaca'. ⁴³ Ne ora que ca bibi ni bibi xneza zuzani ca' casi gubidxa ndani ra runi mandar xti Bixhoze. Ni napa diaaga, Ni napa diaga lagudi gunadiaga. ⁴⁴ Enda runni' mandar xti Diuxi zedagacani casi guiba'a ni nabe risaca gachi ndani' yu. Ti hombre bidxelanni' ne bicachii' nni'. Lu guendanayeche' xtibe zebe'e, bito' ira ca ni nnapa', ne uzii' layu'ca'. ⁴⁵ Xti tiru, ra runni mandar Diuxi nacabe casi ti hombre ni ruto' ne cuyubi guiee' ni risaca'. ⁴⁶ Ora bidxelabe' ti guiee' ni risaca pee', labe' uyebe ne bitoo' be' iraa' ni napa be' ne uzibenni'. ⁴⁷ Xti tiru, enda runni mandar xti Diuxi nacanni' casi ti chin ni rundacabe ndani nizado', ne rutopani ' guira tipu de manihuiinni'. ⁴⁸ Ora madxanilaa', cani rie guze' rigubayu'cabe' ni' de rua nisa'. Ne ora que' lacabe' zuba'cabe' ne rutopacabe' ca ni saquique' nda ni dxumi', peru ca ni ni que risaca gaxti rusabicabe cani'. ⁴⁹ Sacanni' sicari' dxi iluxe guidxilayu'. Ca angel zedaa ca' ne zutubacabe' ca ni que iquiñe de caa' ni runni biasi'. ⁵⁰ Lacabe' zusabicabe' laaca' nda suquii' ni cayaqui', ra zui enda runna' ne zuxidxi'layacabe'. ⁵¹ ¿Ma bienetundi' ira ca' ndi laa'? "Ca xpinibe gudxica' Labe': Ma". ⁵² Ora que ' Jesús gudxilacabe': "Ngue runi, guira ca escriba ni gucaca' ti discipulo de ndani enda runni mandar Diuxi ibaa' nacabe casi ti hombre ni naca' xpixuanna' ti yoo' ni laa' ribe' guira ni nayoxho ne nacubi ni guizaa' risaca' ". ⁵³ Ne ora que' beda gaca' de que Jesús biluxe ca ejemplu dii', Labe zee' be de raque''. ⁵⁴ Ne ora que Jesús guyu' laca ndani lidxii' ne bisidi' ca binni que ndani' yudu. Ne ni bini ndi nga de que lacabe bidxagayaca ne gunicabe': ¿Paraa' ribe hombre dii' guendanuxpianni' ne ca guenda ridxagaya di'? ⁵⁵ ¿Cadi hombre di nga xiñii' ti ni runni' dxiña xti yagaa'? ¿Cadi nñou nga Maria la'? ¿Ne cadi ca bichibe nga Santiago, José, Simón ne Judas? ⁵⁶ ¿Ne ca bizannabe', cadi nu iraa' cabe' ladenuu' ? Ngueruni' ¿de paraa' hombre di ribee ira ca ndi ya?" ⁵⁷ Ne lacabe' cadxichi ne cabe Labee'. Peru Jesús gudxilacabe: "Ti profeta que riana di' sin gusisaca cabe la', ne sin di laca xquidxibee' ne binni' lidxibe'." ⁵⁸ Ne laabe' que ñunibee' xtale guenda ridxagaya' raque' pur enda que runni cree xtica'.