¹ Gui'chi raca' la' guiraa lisaa de ra zeeda jesucristu, xiiñi David, xiiñi abraham. ² Abraham guca bixhoze Isaac, Isaac gucabe bixhoze Jacob, ne Jacob gucabe bixhoze Judá ne ca biichi, ³ Judá ne Tamar gucacabe bixhoze fares ne zara, Fares gucabe bixhoze Esrom, Esrom bixhoze Aram, ⁴ Aram gucabe bixhoze Aminadab, Aminadab bixhoze Naasón, Naasón bixhoze Salmón. ⁵ salmón ne Rahab gucaca bixhoze Booz, Booz ne Rut gucacabe bixhoze Obed, Obed bixhoze Isaí, ⁶ Isaí gucabe bixhoze Rey David. David ne xheela Urías que la? gu'ca cabe bixhoze Salomón. ⁷ Salomón gucabe bixhoze Roboam, Roboam bixhoze Abías, Abías bixhoze Asa, ⁸ Asa bixhoze Josafat, Josafat gucabe Bixhoze Jorám ne Jorám Bixhoze Uzías. ⁹ Uzías bixhoze Jotam, Jotam bixhoze Acaz, acaz bixhoze ezequias. ¹⁰ Ezequias gucabe bixhoze Manasés, Manasés bixhoze Amón, Amón bixhoze Josías. ¹¹ Josías bixhoze Jeconías ne ca bi'chi' ca dxi yene cabe laaca Babilonia. ¹² Ne gudiidi si de yene cabe laaca babilonia que' la?, Jeconías gucabe bixhoze Salatiel, Salatiel bixhoze goola Zorobabel. ¹³ Zorobabel bixhoze abiud. Abiud bixhoze Eliaquim, Eliaquim bixhoze Azor. ¹⁴ Azor gucabe bixhoze Sadoc, Sadoc gucabe bixhoze Aquim, Aquim bixhoze Eliud. ¹⁵ Eliud Bixhoze Eleazar, Eleazar bixhoze Matán, Matán bixhoze Jacob. ¹⁶ Jacob bixhoze José xheela Maria, ni de laa beda gale Jesús, ni lá Cristu. ¹⁷ Guira ca lisaa de Abraham dede David guca ca chii ne tapa lisaa, de david dede dxi bire' cabe zee cabe babilonia chii ne tapa lisaa, ne dede dxi bire' cabe zee cabe babilonia dede Cristu chii ne tapa lisaa. ¹⁸ Ra gule Jesus bizaacani sicari. Jñaabe Maria ma yenaba José laa para gucha'ga naa be laa, ne ca'ru guidaagucabe, bihuinni ma nacaxhiiñi be xiiñi Espiritu santu. ¹⁹ Xheelabe José guca ti hombre runi jneza, ne que nina' nusutui luube neza lu' de guira binni. Ngue runi gucaladxi nuchia guenda xeelaque ne laabe nagachi. ²⁰ Laga laabe cani ique be ca ndi, ti angel xti xpixuana nu beda ra nu' be lu ti bacaanda ne ná: "José, xhiiñi david, cadi guidxibilu de guicou Maria casi xheelu, Pur ti badu' nacaxhiiñi be ca, gucaxhiiñi be laa pur Espiritu Santu. ²¹ Laabe sapabe ti xhiiñibe ne lii sabeelu lá Jesus, ne ti laabe sulabe Xquidxi be de ca guenda ruche' xtica." ²² Guira ndi bizaaca para gaca ni guni' Xpixuaana nu de ruaa profeta que?, ra na': ²³ "LAGUUYA, TI BINNI DXAAPA SACAXHIIÑI NE SAPA TI BA'DU, NE SABEECABE LA BE EMMANUEL, NI RINÍ' NI LA? 'DIUXI NUU NE LAANU'." ²⁴ José bibani de lu xpacanda ne biini casi angel xti Xpixuana nu que gudxi laa ne laabe gucua be laa de xheela be. ²⁵ Huaxa, laabe que ñasi ne be laa dede dxi gule xhiiñi be que? Ne laabe gulee be lá Jesús.