¹ Guca'de que ora Jesús caníne' Diuxi tobi de ca' ra que', tobi de ca discípulu xtiibe guní: "Xpinuana, bizidí laadu guíni nedu Diuxi casi ca' Juan bizídi ca discípulu xtii". ² Jesús gudxílaacabe: "Ora laatu guiní neu Diuxi laguiní: "Bixhoze, nandxo' gaca laalu'. Guendarunimandar xtiiu gueeda. ³ Bidí laadu gueta tidinedu dxi. ⁴ Bixía xtondadu, casi ca laadu ruxíadu xtonda ní biche ne' laadu. Cadi gudíu guiabadu' lú ni ququinde laadu". ⁵ Jesús gudxi laacabe: "¿Tu tdoide laatu napa tí xamigu ne zíe ranube gala' gueela', ne zabí laabe: Xamigua, bitiñ na' choona gueta, ⁶ Purti tí xamigua casi beedanda' de lú neza, ne que gapa gaxti guzuhua' lu'be". ⁷ De raca la? ni nú ndaní yoo'que' zanda ca' gucabi: "Cadi guchíchu naá. Puerta ca' ma daguní, ne ca xiiñé ! ne na' ma nexedu lú luuna'. Que zanda dí guíasa para gudíe líí gueta. ⁸ Naa' cayabe laatu, neca laabe que guiasabe gudibe gueta purti xamigu' be líí la'?, runí guendariziñe xtiu, ziasabe. ne sudíbelí bía gueta iquiñú. ⁹ Laaca naa cayabe laatu, laguinaba ne sudícabe laatu; laguyubí ne zadxelátu; laguxhidxiná' ne suxhále cabe para laatu. ¹⁰ Tí guira binni ní rinaba rica'; ne ní ruyubi la? ridxélá; ne ní ruxhidxiná', suxhalecabe para lá. ¹¹ ¿Tu bixhoze cabe ni nínaaba xiiñí' lá ti benda, laaga tí beenda' nudí? ¹² ¿O pa guinaba cabe la' tí dxita, sudíbe lá tí meu xubi? ¹³ Ngue runi, Pa laatu cani naca nadxaba nanatu ximodo gusigade-tú ni sicaru ca xiiñí'tu, ¿Pabía jma, bbixhozetú de guiba', sudibe Espiritu Santu caní guinaba ní laabe? ¹⁴ Jmá huadxi, Jesús cabé tí binnidxaba, ni que riní. Guca de que ora binnidxaba que' biré, nguiiu ní que riní que la'? guní. ¡Guira xhixhe bini que' cadxagayaa' ca'! ¹⁵ Peru cadxi de ca' binni que' guníca': "Laabe ribebe binidxadaba pur Belcebú, xaíque xtii guira binnidxaba". ¹⁶ Xcadxi gulúbía ca' laabe ne biyubica' de laabe tí seña de guiba'. ¹⁷ Peru Jesús runibía ca ní riní ique cabe ne gudxi laacabe: Guira' guendarunimandar ní rilaa zá laaca lá runduxhe lá, ne tí yoo ní calá zá ríaba. ¹⁸ Pa binnidxaba calá zá, ¿Ximodo guendarunimandar xtí ziana quirzi xhixhe dxi? Tí laatu rinítu de que ríbe' binnidxaba pur Belcebú. ¹⁹ Pa naa ríbe binnidxaba pur Belcebú, ¿Ca xpínitu ne tune ribecabe binnidxaba? Ne nga runt, laacabe guyacabe pa xneza runítu. ²⁰ Peru pa naa ríbe binnidxaba pur bicuíni ná' Diuxi, nga runi quendarunimandar xtii Diuxi ma beendanda ranútu. ²¹ Ora tí nguiiu nadipa, naaze guiba roo cayapa ra lidxi, ziu dxichi ni napabe, ²² ne pa gueda tobi ni jma nadipa que laabe ne quiñe laabe, lá? huaxa zexa cá xquibabe, ne sabana' guiraa ni napabe. ²³ Ni cadi nú ne naa la?, nuu luguíayá, ne ni que ruchiñaneena la?, rucheeche. ²⁴ Ora tí guendaninaudxu ma biré de tí binni, ndí la? ridídi ra nabidxi ne ruyubí para' quizíladxi. Ne ora que ridxe lníla'? riní: ²⁵ "Chi ibigueta ra yoo' de ra zen'da". De ora biguetabela? , bidxelaabe yoo' que' ma víaa ne ma nexechahuí. ²⁶ De raca la? ríe ne redané gaadxe guenda jma nadxaba que laa ne guira cabe la? chindezacabe raque'. De raca la? guendariluxe xtii nguiiu quei racaní jma naxoo que dxí uzulubé". ²⁷ Guca de que ora laabe caní be ca ndí, tí gunaa gundiza ridxi xtii luguía de guira xhixhe binni que' ne gudxi laabe: "A que narooba ndaya para ni gucaxiiñi' lí ne guxaana li re ní bigaadxilí". ²⁸ Peru laa' guní: "Jma ndaya para cani guca'diaga diidxa xtii Diuxi ne gapacaní". ²⁹ Laaga guirabinni que' cuchíña ruca jma binni, laa guzulú guní: "Ca binni nuu yanna dí naca cabe binni ni que iquiñe. ruyubica' tí seña, ne ca nin tobi que saca ca', seña si xtii Jonás. ³⁰ Tí casi ca beeda gaca Jonás tí seña xtii ca ninivitas, saca ca' xiiñi' hombre zaca tí seña para ca binni nuu yanna dí. ³¹ Raca xtale iza unna xhaique Saba uzabe ti ziula nneza para gucadiagabe Salomón güinní didxa nu xpianni. Yanna laa, tobi ní mja naroba que Salomón nu rarí, peru latu caru gunadiagatu xhandipe ni rabe. Ne zacaa, cadxí ora Diuxi gudxiba donda lu guía binni, unna xhaique dí ziasabe de racaa' ne sudxibabe donda ique ca binni ni nabani yanna. ³² Ca ngiu ni viyaní ndani guidxi Nínive bidxideche ca' ca guenda ruche xtica ora Jonás bicheche didxa lu ca. yana na, na nga ni mja naroba que Jonás, Venda para ucheche didxa ra nu tu, peru latu caru di gudxidechetu ca nneza de guenda ruche xtitu. Ne zacaa, dxi ora Diuxi udxibabe donda ique irá binní, ca nguiu ni vivaní Nínive raaca xtale izaa atrá ziaasacaa ne zudxiba donda lu guía binni nabani yanna. ³³ Ca binni ni rucaguí tí bianni ne ma que rucachicabení'o rugucabení xhanna tí dxummí. Sinuque rugu cabe ní nda ni tí candeleru para que ca nga chuu nda ní cuartu que o ndaní yoo que laa gaanda guya cabe bianní. ³⁴ Bizaalulú nga bianni xti bela ladí. Pa bizalulú nazaaca' laa, ne raquerula' interu nacaluu dxa de bianni. ya, pa xti ladu, bizalulú ca ni nazaacá ni la, ne raquerula' idu biluú na ca hui nní. ³⁵ Huaxapé, la guya de que bianní xtitu cadí gacaní nacahui. ³⁶ Pa guidubí ladilú xhátipá ní de binni ne abatidi cadi ca cahuidila, idubi ladu zaa xha tipa de bianni casi ca bianni de bianni que ni rudi lugar guya chahui tú. ³⁷ Biluxhe si guni Jesús ca ndí, ti fariseu gudxi la'abe de que Chito' nebe la'a ti guenda ro'. Ngue' runi Jesús guye ra lidxi fariseu que ne guri be rua'a mexa' que. ³⁸ Fariseu que bidxagaya'a ora vi' ' que niguiibí na' Jesús para ño'. ³⁹ Ne Señor Jesús gudxi la'abe: "La'atu ca fariseu zeda gaca tu casi vasu ne bladú ni ria'ri ante degocabe, peru dentru de la tu ra ca la dxi tu gaca tu jma ne na nadxabatu. ⁴⁰ ¡latú, binní huati ca! saandacá latu nanatú de que Diuxi cadi tobiluchasi binnibe ni nu fuera, si nu que la ca binnibe ni nu ndani! ⁴¹ Huaxha pe' pa nizaa laadxi tu de ca xpladú tu ñaca ca' nayaa ne nudi'i ladxido' ca' intiisi nuu ndaani bladu' xti ca ni que gapa, ora ca iropa ni casi ca dentru ne zaqueca fuera de la'atu, zaca tu nayaa. ⁴² ¡Peru pabia' feu zaca para la'atu ca Fariseu! La'atu rudiidxi tu Diuxi ti nda'a de ni napatú, ne ngueca ca guixhi ni rigáa nda'ani le' xtitu. Peru zaca' cadi nadxiitu Diuxhi o que runitu casi runi ca xca'adxi ca. La'atu naquiñe ganna tú de que cayanna xhii tu Diuxhi, nga nga ni jma naquiñe gunitu, peru laaca cadi guiaana ca xcaadxi ca. ⁴³ Lagaapa ga si laatu, fariseu ca purti riula'dxi tu cui tu lu ca bangu ndaani yu'du ra ribi cani Jma risaca ra runda ca be Jichi' ne riula' dxi tu ugapa Diuxhi binni laatu ladu tiica che tu. ⁴⁴ Lagapa ga si laatu, purti zeda gaca tu casi baa'ni que rihuini, ridi' di cabe luguia sin ganna cabe zacaca riguite tu binni sin ganna ca tu pe laatu. ⁴⁵ Ne tobi de ni naca maistru sti ca Judiu bicabi maistru ra riniungala laca caniu ladu na ⁴⁶ Jesús gudxi laacabe: laca lagapa ga si laatu laatu ni nacatu maistru sti ca Judiu!¡laatu rugua' tu binni ni iruti randa rua', laatu nin bicuini ná tu qué na tu indisa ne tu ni. ⁴⁷ Lagapaga laatu! ca ni ruzaa ca ba' para gisizaca ca profeta, ne huaxha guca ca bixhoxe goola tu ca ni biiti ca laacabe. ⁴⁸ Ngue runi naca ca testigu ne ricaa tu guira ni biini ca bixhoze goola tu, ti purti laacabe nga biiti cabe ca profeta, ni ca ba' xtiica laatu biza' tu para gudxiiba tu laaca. ⁴⁹ Nge runi duxhi ni nu xpiani na bisenda profeta ne apostol ti ganda sa ne ca'ca xpine zuuti cabe caadxi ne zaza nanda cabe xcaadxi. ⁵⁰ Ne zuquixe Diuxhi ca binni de yanna ri rini sti ca profeta ni huaytuuti, cabe dede dxi bizulú guidxilayú; ⁵¹ bi sulu ni dxi abel guti luna bichi ne seruni de de dxi profeta Sacaria guti ndani yudu nda ni alta lugar ra nandxo pa bini ni nabani yanadi gaani ni ique ira guenda guti ca profeta gaxha de altar ne ole ra nandxo. ⁵² ¡Xianga feu acani Para laatu yia nguiuca, xi rusidi ley Judiu, Purti laatu cadi cudiditu lugar de que ca binica guni biacabe 'xandi xti Diuxhi! cay acani casi ora sinetu situ ti llave xti ti yóo. la Petu qui rietu ra yóoca, ne laaca que rudiditu lugar chu xcadxi biini ndani nii. ⁵³ Bi ludxe si Jesús guni canda, bire ca be de raque. ora que ru cangiu ni cusidi cusibe ley xti ca Judiu ne xtica fariseos? ne bisulu cabe gucaca be malu ne la be bica luca be laabe. laaca cabe canaba dixda caabe laabe xtale cosa, ⁵⁴ laaca be cabesa ruca be de que inibe xiixa ne uchebe Para laaca be ganda uchaaca be donda luguiabe.