¹ Judas, ni runi Xhiiña Jesucristu, bichi Jacobo, ca ni laa, ni nadxi Diuxi Bixhozenu, ne cayapaca laca para Jesucristu: ² que guenda' ria' ne guenda' ratadxi ladxido' ne guenda' nadxi guidaleni ne latu. ³ Ca ni nadxie', laaga cucaa latu de guenda' rila ni napanu, naa gupa xhide guca latu ti zaca' ganda guinaba latu tindetu nadipa pur guenda runi cree ni latu ti dxi gucua' tu. ⁴ Pur tudxi hombre ma guyu ladetu nagachi'. Ne ca hombre di ma ca cabe seña para guenda guti. Laca'be naca cabe hombre que runi cree, ni gucua' ca guendariguite guenda' xti Diuxi. Ne rudxi deche ca tobi lucha Xhaiquenu ne Señor, Jesucristu. ⁵ Yana naa napa gana gusiete naladxe latu, ne ca latu ti dxi gunatu guira ni, de que Señor gule' binni de ndani guidxi Egipto, peru gudidisi guirani bixhuxhe ca ni que ñuni cree ca. ⁶ Zaqueca ca angel ni que ñapa ra laca suhuaca', peru biza cabe ra nabeza chahui' cabe que, Diuxi napa laca'be ne cadena ni que saluxhe, de ra jma pe nu guendanacahui', ti guiaba donda iqué cabe dxi guedanda dxi ro' que. ⁷ Nacaca casi Sodoma ne Gomorra ne ca guidxi nu gaxha de laca, ne laca gucua ique ca guenda riu' ne xhela xtobi ne guzabi nanda cabe ni na ladxido' cabe. Bihuini ca ni casi ca ni cayaca na ndani beele ni que sasui'. ⁸ Zaqueca, ca ni rini xcanda laca runi biidi ca cuerpu xtica. Ne que ricaca guenda', ne rini ca cosa nadxaba de ca angel. ⁹ Peru dede arcángel Miguel, dxi laa cadinde diidxa ne binidxaba ne gudindenebe la ne cuerpu xti Moisés, ne que ni naa nudxiba donda ni cadi dxandi luguiabe. Ne gudxibe laa: "¡Señor cue' lii!" ¹⁰ Peru ca binni di rugudí guira ni que riene. Ne cani riene-- ni ca mani ni que rini iqué riene ca pur ni cayaca si gaxha de laca-- ca ndinga ni ruxhexhe laca'be. ¹¹ ¡Ay de laca'be! Pur ti laca'be ma guza' cabe lu neza' xti Caín, ne ma biaba cabe lu ca guenda ruche xti Balaam pur ni guiaxha cabe. Laca'be ma guti cabe lu guenda ridinde xti Coré. ¹² Ca ndinga cani naca ca guie' ni nagachi' ndani nisa'dó lu ca zaa de guenda' ranaxhi xtica. Laca'be runi cabe zaa ne guenda' ritui' lu, ne lasica ca yo' ca. Laca'be naca cabe za' sin nisa, ni sine bii laca. Na ca ca casi ti yaga ca beu' riaba bandaga ne que gapaca cuananaxhi, chupa tiru ma gutica, ne biaxha ca dede xcú ca. ¹³ Na casi ca ola ca runi ni bupu ne nabidi ni, zacaca nga ca hombre di rusitui' ca lu xcadxi, na ca ca casi beleegui' ni que nexhe cahui', ni para laca ma nexhe chahui' ti lugar ra nacahui do' ni que saluxhe. ¹⁴ Enoc, ni bedagale lu gadxe dede Adán, guni dxi chigaca de laca'be, ne na: "¡Laguya! Señor ma zeda ne ixhiapa ne ixhiapa de ca ni nandxo'. ¹⁵ Labe sedabe ne seda gani nabe guira xhixhe. Labe ne seda guza' babe donda iqué guira ca ni ma bixhale de dxiiña ni ma bini sin guenda runi cree, ne pur guira ca diidxa ni naguidxi, ni ca ni ma biche guni ca ne cucalu cani labe: ¹⁶ "Ndinga cani rini didxa dxaba de xtobi, ne ridxichi xtubi ca, ni rinanda ni na ladxido' ca cosa nadxaba. Laca rudxiba lu naaca laca laaca, ne rusisaca gadxe. ¹⁷ Peru latu, ni nadxi cabe, lagueda si lu latu de ca diidxa ni guni ca apostol xti Señor Jesucristu. ¹⁸ Laca'be gudxii cabe latu: "Ne ca ultimu dxi siu' hombre ni riguite xtobi, ni rinanda ca ni na ladxido' ca". ¹⁹ Na ca cabe binni ni ruxhale; ni que runi bia' Diuxi, ne que gapa ca Espiritu Santo. ²⁰ Peru latu, ni nadxi cabe, lagusuhua' dxichi' lu guenda runi cree xtitu ni ma nandxo' ne laguini ne Diuxi lu Espiritu Santo. ²¹ Ne laguiana lu guenda' ranaxhi xti Diuxi ne la cueza' lu guenda ria' xti Señor Jesucristu, ni redane guenda' nabani ni que saluxhe. ²² La guni guenda ria' ne ca ni que runi cree ca Diuxi. ²³ La gula' xtudxi la gaxha laca'be de lu beele ca. Ne xtudxi la gului' guenda ria' ne dxibi'. Ne la gaca nanaladxi ca larii ni ma gucabidi ca pur ca ni runi tu ndani guidxilayúdi. ²⁴ Yana ca ni ganda gucueza' latu sin guirenda ñetu, ne guzuhua' latu nezalu Guenda' Nandxo' xti Diuxi, sin guenda' ruche ne ti guendanayeche' naro'ba, ²⁵ tobi lucha Diuxi xtinu, pur Jesucristu Señor xtinu, ne ica' guira guenda sicarú ne gaca guira ni naa ne guenda nandxo' yana ca iza' ma gudidi ne ca iza' seda, ca dxi nu nu di ne que siu' dxi guiluxhe. Amén.