¹ Guira ca rey ni nabani ca gaxha de guiigu jordán, lu ca dani, lu ca layu' gaxti dani, gaxha rua nisado' Mediterraniu, Neza seecabe Libanu, ca hitita, Amorreu, Cananeu, Ferezeu, Heveu, ² Ne Jebuceu, Bidaagu ca tobisi para guzuuba ca didxa xti tobisi xhaique para guidxelazaa ca luguia Josué ne Israel. ³ Ora ca ni nabani Gabaón binadiaga ca ni Josue biini ne ca de Jericó ne ca de Hai. ⁴ Laaca gutaná ca ne ni biini ca. Laaca gudidi ca casi ñaca ca ni zinee diidxa. Laaca gucua ca lari yo'xho ne sacu yo'xho ne gula'qui cabe ni luguia ca ndxacu. Laca gucua cabe rí' nayoxho de vinu, nayushe,ma gucafeu ca ne ma gudiiba cabe laaca. ⁵ Gucua jñe cabe helaguidi yoxho ne ni ma binichahui cabe, ne gucu cabe lari yo'xho ne ma nayuxe. Guira gueta xtia' zinee cabe ma nabidxi ne ma gucua bé'. ⁶ Laacabe guye cabe ra campamentu xti Josué ni nuu Gilgal ne gudxi cabe laa ne ca hombre xti Israel: "Laadu zenda du de ti guidxi zitu, nga runi bitagu diidxa ne laadu." ⁷ Ca hombre xti Israel que gudxi ca ca Hitita que: "Zanda ca laatu nabanitu gaxha de laadu. ¿xi jmodo zanda laadu gutagu du diidxa ne laatu?" ⁸ Laacabe gudxi cabe Josué: "Laadu nacadu ni runi xhiiña lu'." Josué gunabadidxa laacabe: "Tu laatu? padé zeedatu? ⁹ Laacabe gudxi cabe laa: "Ca ni ruuni xhiiña lu' beeda ca de ti layu' zitu de rarí', gúni lá XHAIQUELU DIUXHI XTILU. Ma binadiagadu ni gudxi cabe laadu de Laabe ne ni biini be Egipto; ¹⁰ Ne de guira ni biini be ca guiropa rey xti ca amorreu, xti ladu guiigu Jordán ca, ne Sehon rey xti Hesbón, ne Og rey xti Basán, ni nuu Astarot. ¹¹ Ca binigola ne guira ca ni nabani ndani guidxi xtidu gudxi ca laadu: "Lachiné ni go'to neza, Laché ne lagabi laacabe: "Nacadu ni runi xhiiñalu lagutagu didxa ne laadu." ¹² Ndi nga gueta xtia' xtidu, nandá ni ora gucua du ni ralidxidu dxi birédu zendadu nezari'. Peru yana, biiya, ma nabidxi ni ne ma gucua ni bé. ¹³ Ca rí' de Vinu di' nacubi cani dxi bicha'du ni, ne laguuya, ma gureza cani. Xhabadu ne helaguidi xtidu ma biuxe cani pur zitu zendadu." ¹⁴ Ca binni Israel gucua ca cadxi de ca guendaro' nee cabe que, peru que ninabadidxa ca Xhaiquenu. ¹⁵ Josué biini ti guendaratadxi ne laacabe ne bitagu diidxa ne laacabe, para gudii guibani cabe. Ca xaique xti guidxi laaca bitagudidxa ca ne laacabe. ¹⁶ Gudiidi si chona dxi de ca binni israel bitagudidxa ca ne laacabe, guna ca deque dxaaga ca laacabe ne nabani cabe gaxha. ¹⁷ Oraque guidxi Israel zee ca ra nuu xquidxi cabe ra guiona dxi que. Ca guidxi xti cabe naca Gabaón, Cafira, Beerot ne Quiriat Jearim. ¹⁸ Ca binni israel que ñaxha di ca luguia cabe ti purti xaique ca ma bidii xtidxa ca laacabe nezalu XHAIQUENU, DIUXHI xti Israel. Guirá ca binni Israel cadxichinéca ca xaique ca. ¹⁹ Peru ca xaique ca gudxi ca guira binni que': "Laadu bidii xtidxadu laacabe pur XHAIQUENU, DIUXHI xti Israel , ne yana que zanda guninánu laacabe. ²⁰ Ndi nga ni chi guninu ne laacabe: Ti zaca cadi gueeda inticasi xiana luguia nu pur bidii xtidxanu, zudii nu guibani cabe. ²¹ Ca xaique que gudxi ca ca xpini ca: "Gudii nu guibani cabe." Ngue runi ca gabaonita beda gacaca ca ni ruchuugu yaga ne ca ni rinee nisa ra nuu guira ca binni Israel, casi ca xaique xti cabe guní de laacabe. ²² Josué gulidxi laacabe ne gudxi laacabe: "Xi jñe bisiguiitu laadu ora gunii tu: "nacadu de guidxi zitu de rari', ora laatu nabanitu gaxha de laadu? ²³ yana pur ndi la? ziabaná tu ne xtale de laatu zunitu xhiiña xtobi sin guiaxhatu, cani canatopa ca yaga ne ca ni rine' ca nisa para ra lidxi DIUXHI xtine. ²⁴ Laacabe bicabi cabe Josue: "Ti purti gudxi cabe ca ni runi xhiiñalu de que XHAIQUETU, DIUXHI xtitu bini mandar be Moises ni runi xhiiñabe gudii labe guidubi layu di', ne gunitilu guira ca ni nabani ca layu' di. Nga runi bidxibi du pur guenda nabani xtidu guni lii. Nga runi biinidu ndi'. ²⁵ Yana, biiya, laadu nuudu xa xtipa xtilu. Intiicasi ni para lii gaca sicaru o jneza guunu laadu, biini ni." ²⁶ Ngue runi Josue biini ndi pur laacabe: Gulee laacabe de guni cabe ni naa ca binni Israel, ne ca israelita que ñuti ca laacabe. ²⁷ Dxi que Josue biini de que binni Gabaon gaca ca ni ruchuugu yaga , ne ni ricaa nisa para guidxi que, ne para altar xti XHAIQUENU, dede ca dxi di, ra XHAIQUENU gulii.