¹ Para dxii que la' Josue bisendaca ca rubenita, ca gaditas ne gala de ca ni zaa de Manasés. ² Labe rabi be laaca: ''Laatu ma binitu guira ni Moisés ni runi xhiña SEÑOR bicaabi laatu. Laatu jma bizuba tu xtidxa de guira ca ni ma gudxe laatu gunitu. ³ Laatu caru gudxi dechetu ca biichitu ca dxii di', dede yanadxi. Ne ma biini tu guira ca ni jma nexhe gunitu pur ca guenda runi mandar xti SEÑOR DIUXI xtitu. ⁴ Yanna SEÑOR DIUXI xtitu ma bidi guenda riziladxii ca biichitu', casi ca modo bidii xtidxabe laaca. Naga runi la ibigueta' ra nu ca yoo huini ni nu lu layuu xtitu, cani Moisés ni runi xhiña SEÑOR bidi laatu xti ladu guigu Jordan ca. ⁵ Laguya si' gunni tu ca guendaruni mandar ne ca ley ni Moisés ni runi xhiña SEÑOR jma bicaabi be laatu, de ganaxhitu SEÑOR DIUXI xtitu , saatu lu guira neza Xtibe, ne gapatu ca guenda runi mandar xtibe, ne chinandatu laabe ne gusisacatu laabe de guinteru ladxido'to ne guinteru xquenda tu'. ⁶ Ne saca Josué gulu ndaya laacabe ne gulebe laaca nezaa, ne laacabe bibigueta ca ndani ca yoo huini xtica. ⁷ Yanna, para gala de ca ni zaa de Manasés que la', Moisés bidi laacabe guiana nee cabe Basán, peru xcala que', Josué bidi be laca ni guiana neeca cue' bichi ca layuu ni nu ladu riazi gubidxa ra nu guiigu' Jordan. Ne Josué bisenda lacabe ra nu yoo huini xticabe; ne gulu ndaya laacabe. ⁸ Ne rabi be laaca: ''Laguibigueta ra yoo huini xtitu ne bidxichi, yuzee, plata, oro, bronce, guiba', ne xtale larí. Laguinda ni guxhatu ca ni cuca luu laatu lú ca bichi tu'. ⁹ Saca' ca ni zaa de Rubén, ca ni zaa de Gad, ne gala de ca ni zaa de Manasés bibigueta ca ra lidxi ca', ne bisana ca guidxi Israel ndani Silo, ni nuu ndani layuu xti Canaán. Laacabe guye cabe ra nuu ca layu' xti Galaad, layuu pe xti cabe, bizuuba cabe ca xtidxa SEÑOR, pur bata naa Moisés. ¹⁰ Ora laaca be bedacabe ra nu guigu Jordan que' ni nu lu ca layuu xti Canaán, ca rubenita ne ca gaditas ne xcala de ca ni zaa de Manasés bini' cabe ti altar cue guigu Jordan, ti altar naroba' ne izaa rihuini. ¹¹ Ne ora guidxi Israel binadiaga ca ndi la' naa ca: ''¡Laguya! biniguidxi Ruben, Gad, ne gala de ca ni zaa de Manasés que jma bini ca ti altar neza lú layuu xti Canaán, ndani Galaad, ne ra nu ca guidxi gaxha de guiigu' Jordán que', ladu ni naaca xti guidxi Israel.'' ¹² Ora guidxi Israel bina diaga ndi la'?, guinteru lizaa xti guidxi Israel que bidagu guiraa ca ndani Silo ti quiiba ca ne guidxelasaa ca ne laacabe'. ¹³ Oraque guidxi Israel bisenda ni sine didxa ra nu ca Rubenita, ne ra nu ca gadita ne gala de ca ni zaa de Manasés que, ndani layuu xti Galaad. Laacabe laca bisenda cabe Finees xhiñi Eleazar, sacerdote que', ¹⁴ Ne chii xhaique, tobi de cada tobi de ndani lidxi de ca ni zaa de Israel, ne cada tobi de laacabe naca ca xhaique ti lizaa de ndani guidxi Israel. ¹⁵ Laacabe bedacabe ndani guidxi Rubén, Gad ne gala de ca ni zaa de Manasés, ra nu layuu xti Galaad ne rabi cabe laaca: ¹⁶ ''Guiraa lizaa xti SEÑOR naa ca': '¿xhindi guenda rudxi deche ni biini tu luguia Diuxi xti Israel, ne guiduba' tu dxii di' de chinanda tu SEÑOR, ne gunitu ti altar para laatu dxi di para guca lutu' XHAIQUENU? ¹⁷ Cadi guca guendaruche' xtinu lu ni jmá feu, ma ngasi para laanu? Laanu caru di guzianu laaca laanu gúni laacani. Pur ca guendaruche di beeda ti guenda naná ndani lisaa xti XHAIQUENU. ¹⁸ Gupa xhidé laatu laca guilaxhale tu de chi nanda tu XHAIQUENU dxi di? Pa laatu guca lú tu XHAIQUENU yanadxi, guixhii Laabe sadxichiné be interu naca lisaa xti israel. ¹⁹ Pa layuu ni laatu ma guca xtitu ca namucu ni, oaraca laatu naquiiñe tiidi tu ra nuu layu ra nuu yoo de lari xti XHAIQUENU ni gundisa cabe ne guicaatu para laatu ni gaca xtitu laadedu. Xhí si la? cadi gucalú tu XHAIQUENU, ninca cadi gucalú tu laadu ra gucui tu ti altar para laatu adxe de altar xti XHAIQUENU DIUXI xtinu, ²⁰ Jñé Acán xhiiñi Zera cadi que ñuni ni bidi xtidxa de ca ni ma biaapa para Diuxi? ne cadi biaaba xhiana luguia guidxi israel? Hombre que cadi guti xtubi guni guenda ruche' xti." ²¹ Oraque ca lisaa xti Rubén, gad, ne galaa lisaa xti Manases guni ca para gucabi ca ca xhaique xti ca lisaa xti Israel: ²² "XHAIQUENU, DIUXI NI NAPA GUIRA XIXE XTIPA! Laabe nana be ne runi be Israel pe gana! pa gucani para bicálu du laabe o ra que ñuni du xtidxa du luguia XHAIQUENU, cadi gulálu laadu dxi di'. ²³ Pur bizaadu altar ca para guixhaledu de zaa nándadu XHAIQUENU. Pa laadu bizaadu altar ca para gudiidu luuni, ofrenda ni guzaaquidu, de xhuba o de guenda ratadxi, oraca XHAIQUENU guni laadu quixhe du pur ca nga. ²⁴ Có! Biinidu ni pur dxiibi de que huidxe ca xhiiñitu ganda gaabica ca xhiiñidu: Xhi napané tu laatu ne XHAIQUEDU, DIUXI xti Israel? ²⁵ Ti purti XHAIQUENU biini be guiigu Jordan ca gaca ra riluxhe guidxi de laadu ne laatu. Laatu guidxi xtu Rubén, ne guidxi xti Gad, que gapanetu gaxti XHAIQUEDU." Nga runi ca xhiiñitu sandaca guni cabe de que ca xhiiñidu guzaanaca de gusisaca ca XHAIQUENU. ²⁶ Nga runi laadu guní du: "guzaanu yana ti altar cadi para guzaaquinu ofrenda ninca sacrificiu, ²⁷ Laga para gaca ni guluí xhixha ladetu ne laadu ne laade ca ni gueeda ca' de laanu dxi ma que guininu, ne ganda guni ca xhiiña XHAIQUENU nezalú be, ne ofrenda xtidu ni bizaaquidu ne ca sacrificiu xtidu , ne ca sacrificiu de guenda ratadxi xtidu, ti saca ca xhiinitu cadi chú dxi gaabi ca xhiiñidu cadxi gueedaru : "Que gapatu gaxti ne XHAIQUEDU." ²⁸ Nga runi gunídu: "Pa gabi cabe ca ndi laadu o ca xhiiñidu lu ca dxi ni gueedaru, laadu ninídu: "Laguuya! ndi rilui ndi casi Altar xti XHAIQUENU, ni ca bixhozegola nu bizaa ca. cadi para guzaaqui cabe ofrenda, ninca para sacrificiu, laga casi ni gului xhiixha ladedu ne laatu. ²⁹ Zitu chú de laadu gucalú du XHAIQUENU, ne yanadxi guixhaledu de zaa nandadu Laabe ra guzadu ti altar para guzaquiidu ofrenda, ofrenda de xhuba o adxe sacrificiu de lu altar xti XHAIQUENU DIUXI xtinu ni nuu nezalú yoo' de lari xti. ³⁰ Ora Finees, sacerdote que' ne ca xhaique xti guidxi, ca ni naaca, ique ca xti ca lizaa xti israel ni nuu ne laabe, binadiaga ca didxa xti guidxi xti Rubén, gad ne Manasés, gucani sicarú neza lú ca. ³¹ Finees, xhiiñi Eleazar sacerdote que', gudxi be guidxi xti Rubén, Gad ne Manasés: "Yanadxi nananu de que XHAIQUENU nuu lade nu, ti purti laatu caaru di gudxi deche tu laabe. Yana, laatu ma bilá tu guidxi Israel de ndani ná XHAIQUENU." ³² Oraque Finees, xhiiñi sacerdote Eleazar que', ne ca xhaique que' bigueta cabe de ra nuu ca Rubenita ne ca Gadita, fuera de ca layu xti Galad, ne bigueta cabe ca layu xti Canáan, ra nuu guidxi Israel, ne biguetane cabe didxa ra nuu ca. ³³ Ca didxa bedané cabe que' gucani sicaru nezalú guidxi Israel. Guidxi Israel Gulú ndaya DIUXI ne ma que niní ru ca jmá de nidxelaza neca ca Rubenita ne ca Gadita, para gunidé cabe layu' ra laaca nabeza ca. ³⁴ Ca Rubenita ne ca Gadita gulee cabe lá altar que' "Ni ruluí xixa" ti purti laacabe giní cabe: "Nacani ti ni rului xixa ladedu de que XHAIQUENU NGA DIUXI."